21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 08:41
Жамият 👁 353

БОFБОН МУАЛЛИМА

БОFБОН МУАЛЛИМА

Инсон ҳеч қачон орзусиз яшай олмайди. Унинг ҳаёт мазмуни ҳам, умр йўлларининг безаги, маъноси ҳам ширин орзулари билан гўзал, азиз.

Табиатан шўх-шаддод, чўрткесар, шу баробарида мард ва ниҳоятда самимий бўлган Раънохон 1984 йилда тумандаги 38-сонли умумтаълим мактабини аъло баҳоларга тугатди. Ўша дақиқаларда унинг қалбида туғён урган орзуси ҳам, ягона мақсади ҳам битта бўлди. Ўқитувчилик! Ўзига таълим-тарбия берган азиз устозлари Турсунбой Абдуллаев, Маткарим Раҳимов, Гулчеҳрахон Шоназарова, Соатбой Бегимов, Анабиби Полвонова, Бозорбой Муҳаммедовлар  каби ўқувчи-ёшларнинг севимли устози бўлишга интилди.

Дилидаги орзусини амалга оширишни астойдил ният қилган Раънохон Авазмуродова ҳужжатларини Қарши Педагогика билим юртининг бошланғич таълим йўналишига топширди. Синовлардан муваффақиятли ўтиб, билим юрти талабаси бўлди. Уч йил давомида билим юртида ўзининг тиришқоқлиги, ташкилотчилиги билан танилган эпчил ва чаққон Раънога Қарши шаҳридаги 25-сонли, таълим-тарбия рус тилида олиб бориладиган мактабга ишга йўлланма беришди. Қийинчиликлар қошида ҳеч қачон эгилмайдиган хулқ-атворли бу қиз мактабнинг  бошланғич синф ўқитувчиси сифатида астойдил фаолият юритди. Икки йил давомида русийзабон ўқувчилари билан турли мавзуларда тадбирлар ташкил этиб, талабчан ва ташкилотчи педагог сифатида эътибор қозонди. 1989 йилда туманимизга қайтиб келиб, 38-сонли мактабда ўз фаолиятини давом эттирган Раъно Авазмуродова айни шу кунгача нафақат юзлаб ёшларни ҳаётга учирма қилган устоз, балки ўзи меҳнат қилаётган педагогика жамоасининг ҳурматга, эҳтиромга муносиб аъзоси, шу билан бирга туман мактабларида фаолият юритаётган бошланғич синфлар ўқитувчилари орасида ўз шахсий иш услубига эга муаллима сифатида  танилди.

Раъно Авазмуродова белгиланган дарс-режаси бўйича шунчаки машғулотлар олиб бормайди. У ҳар бир дарсга алоҳида, пухта тайёргарлик кўради. Шу билан бирга, албатта ўзидан ниманидир “қўшади”. Кўпинча ноанъанавий усулларни қўллашга интилади. Ўқувчиларининг нутқий маданиятини ривожлантириш мақсадида синфда самимий, дилдан суҳбат муҳитини яратади. Бунда, биринчи галда ўз нутқига  алоҳида масъулият билан ёндашади.

Раънохон мактабда бошланғич таълим бўйича услуб бирлашма раҳбари сифатида устоз-шогирд анъанасига алоҳида эътибор қаратади. Бирлашма режасига мувофиқ ўтказиладиган очиқ дарсларни синчковлик билан кузатиб, таҳлил қилиб боради. Зарур  пайтларда ёш ўқитувчиларга эринмай маслаҳатлар беради. У мактабдаги ўқув-тарбия ишларидан ортиб, ёшларнинг бўш вақтларини мазмунли ўтказиш, уларнинг дунёқарашини кенгайтириш, алоҳида қобилиятларини рўёбга чиқаришларига кўмаклашиш мақсадида турли мавзулардаги маънавий-маърифий тадбирлар ташкиллаштиради. У бир неча йил ёшлар ташкилоти масъул ходими сифатида туманимизнинг фаол ёшлари билан биргаликда кам таъминланган оилалар фарзандларини ижтимоий ҳимоялаш, профилактик рўйхатда турган ёшлар билан ишлашиш, уларнинг муаммоларини ҳал этиш бўйича самарали фаолият олиб бориб, “Камолот” ЁИҲ Марказий Кенгашининг ҳамда туман ҳокимлигининг фахрий ёрлиқлари билан тақдирланди.

Раъно Авазмуродова учун ҳаёт гўзаллиги ҳам, умр мазмуни ҳам мактаб ва ўқувчилари. 35 йилдирки, у бир кун ҳам ана шу муқаддас даргоҳдан, севимли болажонларидан алоҳида орзулар қилган эмас. Ўз тақдирига Аллоҳ томонидан битилган бу ҳаёт тарзи Раънохоннинг умр мазмунига айланган.

Мен эса уни боғбонга ўхшатаман. Боғбон ўзи эккан ниҳолларни меҳр билан парваришлагани учун бу ниҳоллар гуркираб ривожланади, мева бераверади. Раъно эса муаллима-боғбон. Унинг бор бойлиги ҳам, унвони, мартабаси ҳам шу – фидойи боғбонлигида. Раъно ўқувчиларига меҳр-муҳаббат қўйгани, мактабни оиласи каби, ўқувчиларини ўз жигарбандларидай яхши кўра олгани учун, унинг таълим-тарбиясини олган ўқувчилар йиллар ўтиб, ҳар бири аъло бир касб эгаси, эл-юртга манфаат келтирувчи инсонлар сифатида камолотга етганлари учун ҳам у ҳақиқий боғбон! Бекорга шоир Шуҳрат: “Агар ҳаёт бир боғ бўлса, боғбон муаллим”, сатрларини битмаган.

Раъно Авазмуродова ижодкор ўқитувчи сифатида туман адабий муҳитида ўз ўрнига эга. Унинг шеърлари 1984 йилдан бери туман ва Республика миқёсидаги газета ва журналларда чоп этилади. Таълим соҳаси ходимлари иштирокидаги турли байрам тадбирларида Раънохон қўшиқ куйлаганида барча уни олқишларга кўмиб ташлайди. Ёқимли, хуш овози билан ҳам замонавий, ҳам анъанавий ижро йўналишларида ижро этган ашулаларининг мухлислари сон-саноқсиз.

Умр – оқар дарё, дейдилар. Кечагина таҳририятимизга шеърлар, мақолалар кўтариб келиб, турли байрам тадбирларида гоҳ Машраб, гоҳ Муқимий, Абдулла Ориф шеърлари билан айтиладиган ашулаларни жарангдор овозда куйлаб, мухлислари олқишига сазовор бўлган тиниб-тинчимас қиз шу баҳорда умрининг сокин фаслига – 55 ёшга етиб қолганини ўзи ҳам сезмай қолди.

– Пенсия ёшига етибман, улғайиб қолибман, опа, – дейди самимият билан. – Ўқувчиларим – менинг чаман боғим, уларнинг қувончларисиз менга бу ҳаёт татимайди.

Ҳар бир ўқувчисини севиб-ардоқлаб, биронтаси мактабга келмаса, уйига сўроқлаб бориб, ҳатто улғайиб, бола-чақали бўлиб кетган “болалари”ни ҳам тез-тез эслаб, йўқлаб тургувчи Раънохоннинг шогирдлари бугун бир мевазор боғ мисоли. Раъно уларни санаб, адоғига етолмайди. Уларнинг бирлари ўқитувчи, шифокор, муҳандис, ҳарбий хизматчи, тадбиркор, элда обрў топган инсонлар. Шогирдларининг “Раъно опа”, деб эвирилиб туришларидан кўнгли тоғдек юксалиб кетадиган Раъно худди фидойи боғбон каби мевазор боғларининг камолидан мамнун яна мактабга – ўқувчилари томон интилаверади.

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026