BOFBON MUALLIMA
Inson heç qaçon orzusiz yaşay olmaydi. Uning hayot mazmuni ham, umr yöllarining bezagi, maʼnosi ham şirin orzulari bilan gözal, aziz.
Tabiatan şöx-şaddod, çörtkesar, şu barobarida mard va nihoyatda samimiy bölgan Raʼnoxon 1984-yilda tumandagi 38-sonli umumtaʼlim maktabini aʼlo baholarga tugatdi. Öşa daqiqalarda uning qalbida tuğyon urgan orzusi ham, yagona maqsadi ham bitta böldi. Öqituvçilik! Öziga taʼlim-tarbiya bergan aziz ustozlari Tursunboy Abdullayev, Matkarim Rahimov, Gulçehraxon Şonazarova, Soatboy Begimov, Anabibi Polvonova, Bozorboy Muhammedovlar kabi öquvçi-yoşlarning sevimli ustozi bölişga intildi.
Dilidagi orzusini amalga oşirişni astoydil niyat qilgan Raʼnoxon Avazmurodova hujjatlarini Qarşi Pedagogika bilim yurtining boşlanğiç taʼlim yönalişiga topşirdi. Sinovlardan muvaffaqiyatli ötib, bilim yurti talabasi böldi. Uç yil davomida bilim yurtida özining tirişqoqligi, taşkilotçiligi bilan tanilgan epçil va çaqqon Raʼnoga Qarşi şahridagi 25-sonli, taʼlim-tarbiya rus tilida olib boriladigan maktabga işga yöllanma berişdi. Qiyinçiliklar qoşida heç qaçon egilmaydigan xulq-atvorli bu qiz maktabning boşlanğiç sinf öqituvçisi sifatida astoydil faoliyat yuritdi. Ikki yil davomida rusiyzabon öquvçilari bilan turli mavzularda tadbirlar taşkil etib, talabçan va taşkilotçi pedagog sifatida eʼtibor qozondi. 1989-yilda tumanimizga qaytib kelib, 38-sonli maktabda öz faoliyatini davom ettirgan Raʼno Avazmurodova ayni şu kungaça nafaqat yuzlab yoşlarni hayotga uçirma qilgan ustoz, balki özi mehnat qilayotgan pedagogika jamoasining hurmatga, ehtiromga munosib aʼzosi, şu bilan birga tuman maktablarida faoliyat yuritayotgan boşlanğiç sinflar öqituvçilari orasida öz şaxsiy iş uslubiga ega muallima sifatida tanildi.
Raʼno Avazmurodova belgilangan dars-rejasi böyiça şunçaki maşğulotlar olib bormaydi. U har bir darsga alohida, puxta tayyorgarlik köradi. Şu bilan birga, albatta özidan nimanidir “qöşadi”. Köpinça noanʼanaviy usullarni qöllaşga intiladi. Öquvçilarining nutqiy madaniyatini rivojlantiriş maqsadida sinfda samimiy, dildan suhbat muhitini yaratadi. Bunda, birinçi galda öz nutqiga alohida masʼuliyat bilan yondaşadi.
Raʼnoxon maktabda boşlanğiç taʼlim böyiça uslub birlaşma rahbari sifatida ustoz-şogird anʼanasiga alohida eʼtibor qaratadi. Birlaşma rejasiga muvofiq ötkaziladigan oçiq darslarni sinçkovlik bilan kuzatib, tahlil qilib boradi. Zarur paytlarda yoş öqituvçilarga erinmay maslahatlar beradi. U maktabdagi öquv-tarbiya işlaridan ortib, yoşlarning böş vaqtlarini mazmunli ötkaziş, ularning dunyoqaraşini kengaytiriş, alohida qobiliyatlarini röyobga çiqarişlariga kömaklaşiş maqsadida turli mavzulardagi maʼnaviy-maʼrifiy tadbirlar taşkillaştiradi. U bir neça yil yoşlar taşkiloti masʼul xodimi sifatida tumanimizning faol yoşlari bilan birgalikda kam taʼminlangan oilalar farzandlarini ijtimoiy himoyalaş, profilaktik röyxatda turgan yoşlar bilan işlaşiş, ularning muammolarini hal etiş böyiça samarali faoliyat olib borib, “Kamolot” YoIH Markaziy Kengaşining hamda tuman hokimligining faxriy yorliqlari bilan taqdirlandi.
Raʼno Avazmurodova uçun hayot gözalligi ham, umr mazmuni ham maktab va öquvçilari. 35-yildirki, u bir kun ham ana şu muqaddas dargohdan, sevimli bolajonlaridan alohida orzular qilgan emas. Öz taqdiriga Alloh tomonidan bitilgan bu hayot tarzi Raʼnoxonning umr mazmuniga aylangan.
Men esa uni boğbonga öxşataman. Boğbon özi ekkan nihollarni mehr bilan parvarişlagani uçun bu nihollar gurkirab rivojlanadi, meva beraveradi. Raʼno esa muallima-boğbon. Uning bor boyligi ham, unvoni, martabasi ham şu – fidoyi boğbonligida. Raʼno öquvçilariga mehr-muhabbat qöygani, maktabni oilasi kabi, öquvçilarini öz jigarbandlariday yaxşi köra olgani uçun, uning taʼlim-tarbiyasini olgan öquvçilar yillar ötib, har biri aʼlo bir kasb egasi, el-yurtga manfaat keltiruvçi insonlar sifatida kamolotga yetganlari uçun ham u haqiqiy boğbon! Bekorga şoir Şuhrat: “Agar hayot bir boğ bölsa, boğbon muallim”, satrlarini bitmagan.
Raʼno Avazmurodova ijodkor öqituvçi sifatida tuman adabiy muhitida öz örniga ega. Uning şeʼrlari 1984-yildan beri tuman va Respublika miqyosidagi gazeta va jurnallarda çop etiladi. Taʼlim sohasi xodimlari iştirokidagi turli bayram tadbirlarida Raʼnoxon qöşiq kuylaganida barça uni olqişlarga kömib taşlaydi. Yoqimli, xuş ovozi bilan ham zamonaviy, ham anʼanaviy ijro yönalişlarida ijro etgan aşulalarining muxlislari son-sanoqsiz.
Umr – oqar daryo, deydilar. Keçagina tahririyatimizga şeʼrlar, maqolalar kötarib kelib, turli bayram tadbirlarida goh Maşrab, goh Muqimiy, Abdulla Orif şeʼrlari bilan aytiladigan aşulalarni jarangdor ovozda kuylab, muxlislari olqişiga sazovor bölgan tinib-tinçimas qiz şu bahorda umrining sokin fasliga – 55 yoşga yetib qolganini özi ham sezmay qoldi.
– Pensiya yoşiga yetibman, ulğayib qolibman, opa, – deydi samimiyat bilan. – Öquvçilarim – mening çaman boğim, ularning quvonçlarisiz menga bu hayot tatimaydi.
Har bir öquvçisini sevib-ardoqlab, birontasi maktabga kelmasa, uyiga söroqlab borib, hatto ulğayib, bola-çaqali bölib ketgan “bolalari”ni ham tez-tez eslab, yöqlab turguvçi Raʼnoxonning şogirdlari bugun bir mevazor boğ misoli. Raʼno ularni sanab, adoğiga yetolmaydi. Ularning birlari öqituvçi, şifokor, muhandis, harbiy xizmatçi, tadbirkor, elda obrö topgan insonlar. Şogirdlarining “Raʼno opa”, deb evirilib turişlaridan köngli toğdek yuksalib ketadigan Raʼno xuddi fidoyi boğbon kabi mevazor boğlarining kamolidan mamnun yana maktabga – öquvçilari tomon intilaveradi.
Robiya YÖLDOŞEVA.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶