«Ilğor fermerlar klubi» aʼzolari uçun dala seminarlari ötkazildi
Qişloq xöjaligida yangi bilim va ilğor usullar auditoriyada emas, köpinça dala çetida, hosil yetiştiriş sirlarini amalda körsata oladigan tajribali dehqonning yerida yaxşi özlaştiriladi. Şu bois sönggi yillarda mamlakatimizda agrar islohotlar doirasida fermerlar örtasida tajriba almaşiş, ilmiy tavsiyalarni bevosita işlab çiqarişga yetkaziş va soha vakillarining özaro hamkorligini kuçaytirişga alohida eʼtibor qaratilmoqda.
Yer va suv resurslaridan oqilona foydalaniş, tuproq unumdorligini saqlab qoliş hamda ekologik barqarorlikni taʼminlaş masalalari esa bugun har bir fermer xöjaligi oldida turgan eng dolzarb vazifalardan biriga aylangan. Ayniqsa, suv tanqisligi sezilarli bölgan Qoraqalpoğiston Respublikasi şaroitida bu yönalişdagi har bir amaliy qadam hosildorlik va daromadga bevosita taʼsir körsatadi.
Amudaryo tumanida qişloq xöjaligi sohasini yanada rivojlantiriş, fermer xöjaliklari faoliyati samaradorligini oşiriş, yer va suv resurslaridan unumli foydalaniş, şuningdek, hududlarda obodonlaştiriş va kökalamzorlaştiriş işlarini kengaytiriş maqsadida «Ilğor fermerlar klubi» taşkil etildi. Klubga tumanda samarali faoliyat yuritayotgan fermer xöjaligi rahbarlari aʼzo bölgan bölib, bu tuzilma ular örtasida tajriba almaşiş va dolzarb masalalarni birgalikda hal etişning doimiy maydoniga aylanişi közda tutilgan.
Klub aʼzolari iştirokida tumanning uç hududida köçma seminarlar bölib ötdi. Jumladan, Namuna hududidagi «Muzaffar Eşçanov», Xolimbeg hududidagi «Usta Allayar» hamda Dörman hududidagi «Beşbayev Qurbanğali» fermer xöjaliklari dalalari bu galgi maşğulotlar uçun öziga xos amaliy maydonga aylandi.
Tadbirlarda klub aʼzolari va soha mutaxassislari iştirok etib, seminarlarni tuman Fermerlar Kengaşi masʼullari olib bordi. Maşğulotlar bevosita dala şaroitida taşkil etilgani iştirokçilarga körib çiqilgan masalalarni faqat nazariy jihatdan emas, balki aniq xöjalik misolida, amaliy tajriba asosida anglaş imkonini berdi.
Seminarda eng avvalo dalalarni tozalaş va obodonlaştiriş işlariga eʼtibor qaratildi. Maʼlumki, ariq va zovur böylarining begona ötlar va çiqindilardan tozalanişi, dala yöllari va çekkalarining tartibga keltirilişi nafaqat hudud qiyofasini özgartiradi, balki zararkunandalar tarqalişining oldini oliş va suvning ekin maydonlariga erkin yetib borişini taʼminlaşda ham muhim ahamiyat kasb etadi.
Şu bilan birga, «Yaşil makon» umummilliy loyihasi doirasida fermer xöjaliklari zimmasiga yuklatilgan vazifalar ham batafsil körib çiqildi. Aytiş joizki, dala atroflari va ariq böylarida barpo etiladigan ixota daraxtzorlari ekin maydonlarini şamol eroziyasidan himoya qilib, tuproqdagi namlikni saqlaşga va hududdagi ekologik vaziyatni yaxşilaşga xizmat qiladi.
Ğalla parvarişi va yuqori hosildorlikka erişiş masalalari seminarning asosiy mavzularidan biri böldi. Kuzgi boşoqli don ekinlarini öz vaqtida oziqlantiriş, suğoriş va begona ötlardan himoya qiliş kabi agrotexnik tadbirlarni belgilangan muddat va meʼyorlarda amalga oşiriş kelgusi yil xirmoni uçun mustahkam poydevor yaratişi xususida fikr almaşildi.
Bundan taşqari, takroriy ekinlardan olingan hosilni muzlatkiçli omborlarda saqlaş va ulardan samarali foydalaniş masalalari tahlil etildi. Mahsulotni zamonaviy şaroitda saqlaş uni mavsumdan taşqari davrda ham bozorga çiqariş, narxlar barqarorligini taʼminlaş hamda fermer daromadini oşirişda muhim omil ekani alohida körsatib ötildi.
Seminar davomida Özbekiston Respublikasi Prezidentining 2025-yil 31-oktyabrdagi “Aholini oziq-ovqat mahsulotlari bilan barqaror taʼminlaşga doir qöşimça çora-tadbirlar töğrisida”gi qarori ijrosi ham atrofliça muhokama qilindi. Hujjatda belgilangan vazifalarni öz vaqtida va sifatli bajariş, bu borada fermer xöjaliklari zimmasiga yuklatilgan masʼuliyatni çuqur anglaş zarurligi xususida iştirokçilarga batafsil maʼlumot berildi.
Seminarda ğözapoyadan bioçar, yaʼni biokömir tayyorlaş masalasiga ham alohida eʼtibor qaratildi. Iştirokçilarga paxtaçilik çiqindilarini qayta işlaş va ulardan samarali foydalaniş imkoniyatlari haqida batafsil tuşuntirişlar berildi. Qayd etiş joizki, köpinça dalada yoqib yuboriladigan yoki foydalanilmay qoladigan ğözapoyani maxsus usulda qayta işlaş orqali olinadigan bioçar tuproqqa solinganda uning tuzilişini yaxşilab, namlik va ozuqa moddalarini uzoq saqlaş xususiyatini oşiradi.
Şu örinda aytiş kerakki, bioçar orqali tuproq unumdorligini oşiriş şörlanişga moyil yerlarda ayniqsa dolzarb ahamiyatga ega. Bu usul mineral öğitlarga bölgan ehtiyojni kamaytiriş, hosildorlikni barqaror oşiriş hamda çiqindisiz işlab çiqariş tamoyilini qişloq xöjaligida keng joriy etiş imkonini beradi.
«Ilğor fermerlar klubi» doirasida taşkil etilayotgan bunday seminarlar tajribali xöjaliklarning iş uslubini boşqalarga yoyiş, ilmiy asoslangan yondaşuvlarni dalaga olib kiriş hamda hududni obodonlaştiriş işlarini izçil davom ettirişga xizmat qiladi.
Yerni asrab, undan oqilona foydalanişni örgangan fermer esa nafaqat öz xöjaligining daromadini oşiradi, balki kelgusi avlodlarga unumdor tuproq va yaşil tabiatni meros qilib qoldiradi.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶