ARDOQDAGI MUALLIMA
Xalqimizda til bilgan – el biladi, degan ibora bor. Darhaqiqat, inson qança köp tilni bilsa, unga imkoniyatlar eşigi şunça keng oçiladi. Şu sababdan hozirgi davrda til örganişga bölgan eʼtibor, qiziqiş va talab juda yuqori.
Yoş avlodni ziyoli, madaniyatli, dunyoqaraşi keng şaxs qilib tarbiyalaşda çet tili öqituvçilarining hissasi katta.
Nemis tili fanidan deyarli 30-yildan beri öquvçilarga saboq berib kelayotgan Gulnora Davlatboyeva ham bu masʼuliyatni his qilgan holda faoliyat yuritib kelmoqda.
Qangli ovulidagi 29-sonli maktabda yoş avlodga nemis tilidan dars berib kelayotgan tajribali pedagog öz işiga doim masʼuliyat bilan qarab, har bir öquvçisiga til bilişning ahamiyatini tuşuntirişdan çarçamaydi. Muntazam öz ustida işlab, darslarini ham noodatiy, interaktiv usullardan foydalangan holda taşkil etadi. Öquvçining qabul qiliş imkoniyatini eʼtibordan çetda qoldirmagan holda, oğzaki va yozma nutqini şakllantirişga harakat qiladi.
Maktabda öqib yurgan davrida nemis tili fanidan saboq bergan ustozi H.Sultonovaga havas qilib, öqituvçilik kasbini tanlagan G.Davlatboyeva Toşkent Davlat çet tillar pedagogika institutining keçki bölimida öqidi. Kunduzgi paytda esa rus tiliga ixtisoslaşgan 100-sonli boğçada tarbiyaçi bölib işladi. Talabçanligi, masʼuliyatli, taşabbuskorligi bilan taʼlim muassasasida ham, iş joyida ham eʼtibor qozondi va bir neça bor taqdirlandi. Öqişni tugatganidan söng, taʼlim sohasida faoliyatini yana davom ettirib, Lumumba nomli boşlanğiç maktab, 18-sonli maktabda rus tili öqituvçisi bölib işladi. Hozirgi kunda faoliyat körsatayotgan 29-sonli maktabda esa 1992-yildan nemis tili fani öqituvçisi bölib işlamoqda.
Öz işiga astoydil mehr qöyib, yoş avlod taʼlim-tarbiyasiga munosib hissa qöşişga harakat qildi. Muallimadan taʼlim olgan öquvçilarning köpçiligi bilimlar bellaşuvi, fanlar olimpiadalarining tuman, respublika bosqiçlari ğoliblari, oliy taʼlim muassasalari talabalari bölişdi. Ayrimlari ustoz izidan borib, nemis tili fani öqituvçilari bölib yetişişdi.
Hamkasblari, şogirdlari va el mehrini qozongan ustoz ibratli oila bekasi. Umr yöldoşi Komiljon Sultonov bilan uç nafar qiz va ikki nafar öğilni tarbiyalab elga qöşdilar. Tört nafar nevarali ham bölişdi. Qizlari Dilafröz, Zulxumor, Öğiljonlar, öğli Yeşmurod onasi kabi öqituvçilik kasbini tanlaşdi. Maktabda 11-sinfda taʼlim olayotgan kenja farzand Suhrobjon ham çet tiliga juda qiziqadi. U nemis tili fanidan bu yilgi Fanlar olimpiadasining tuman bosqiçida ğolib bölib, Qoraqalpoğiston bosqiçida ham 2-örinni qölga kiritdi.
Kamtarin ustoz, sevimli muallima, möʼtabar ona ham eli, ham farzandlari ardoğida yaşayotganidan mamnun. Şu kunlarini, farovon hayotini öziga eng katta mukofot deb bilib, yoş avlod taʼlim-tarbiyasiga munosib hissa qöşişdan aslo çarçamaydi.
Ozoda Xudoyberganova.

▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶