21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 04:11
Жамият 👁 1,240

Эр йигитнинг бахти

Эр йигитнинг бахти

Фарзанд – ҳаёт гули, инсон умрининг, наслининг давомчиси. Оилада қиз туғилса, хонадонга фаришталар меҳри тушади, дейдилар. Ўғил туғилса-чи? Оталар кўнгли таскин топиб, вужудига куч-қудрат, хотиржамлик инади. Шунинг учунки, ўғил – сабот ва бардош, матонат ва жасоратга тимсол. У нафақат ота-онаси тузган оила қўрғонининг, балки она юртининг қалқони, эл-у халқнинг таянчи.

Қурбонбой ота билан Сафарбека она кетма-кет уч нафар қизалоқнинг ота-оналари бўлишганларида ота-онасига меҳри ошиб, хонадонига гўзаллик бахш этиб улғаяётган бири-биридан ширин қизларига қараб дуо қилишарди: “Худойим, қизларимнинг қаторини ярашиқли ўғил фарзанд билан зийнатла!”.

Аллоҳ эр-хотиннинг тилагини дуруст қилди: оилада ўғил фарзанд дунёга келди. Отанинг кўнгли таскин топди. Ўғлига Рўзимбой деб исм қўйишди. Бахтли, саодатли, илм-у ҳунарли, ризқ-рўзи зиёда, туғишганларига меҳрибон бўлсин, дея тиладилар.

Рўзимбой ота-онаси орзу қилганидай, туғишганларига меҳри пайванд, эл-юртда қадри баланд йигит бўлиб улғайди. 10 нафар фарзандни тарбиялаб, вояга етказган Қурбонбой ота билан Сафарбека оналарнинг оғирига елка тутиб, опа-укаларига яқин кўмакдош бўладиган ёшга етганида у ҳарбий хизматга чақирилди. Ўшанда собиқ иттифоқ тасарруфидаги барча республикаларда яшовчи, фарзандлари армия ёшига етган оналарнинг юрагини ваҳимали бир қўрқув маҳв этганди:

- Ишқилиб ўғлимни Афғонистонга олиб кетишмасин-да!

Сафарбека она ҳам кеча-ю кундуз, ўтирса ҳам, турса ҳам “Рўзимбой болам Афғонга тушмасин!” – дея илтижо қиларди. Тақдир ёзиғидан қочиб қутулолмас экан, аслида одам. Рўзимбой Нуримбетов 1981-1983 йилларда қардош Афғонистон давлатининг Қандаҳор шаҳридаги ҳарбий қисмлардан бирида йигитлик бурчини адо этди. Ҳар гал жангга кираётганида, неча-неча қуролдош дўстларининг жасадларини жанг майдонларидан олиб чиқаётганларида қўлларини дуога очган ота-онаси, қадрдон дўстлари, Аму элининг ҳар қарич ери кўз олдида жонланар, хаёлини бир эзгу орзу банд этарди: “агар эсон-омон Ватанга қайтсам, то ўлгунимча азиз халқимга хизмат қиламан!”.

Жанглардан бирида чап елкасидан оғир яраланган Рўзимбой Нуримбетов ҳарбий хизматдан III гуруҳ ногирони бўлиб қайтди.

– Жуда тушкун ҳолатда қайтганман, – эслайди у ҳаётининг жанговар йилларини. – Ота-онам тирик қайтганимга шукур қилиб турганларида мен елкамдаги кучли оғриқ азобини унутишим, жўшқин ҳаёт сари дадил интилишим кераклигини ҳис этганман.

Рўзимбой ўзи айтганидай, ҳаётга жўшқин назар билан боқди, интилди. Орзулари рўёби учун тинимсиз ўқибизланди. Метин иродаси, тиришқоқлиги туфайли Тошкент Давлат тиббиёт институтига ўқишга кириб, мазкур ўқув даргоҳини муваффақиятли тамомлади. Барча ҳавас қилгудай ширин оила қурди. Умр йўлдоши, 55-сонли мактабнинг ўзбек, қорақалпоқ тили ва адабиёти фани ўқитувчиси Омонгул Адилбоева билан тўрт нафар фарзандини билимли, ақл-фаросатли инсонлар қилиб вояга етказмоқда.

Институтни тугатиб, 1991 йилда туман тиббиёт бирлашмасида шифокор сифатида ўз меҳнат фаолиятини бошлаган Рўзимбой Нуримбетов 27 йилдирки, халқ саломатлигини сақлашдек хайрли вазифада сидқидилдан хизмат қилиб келмоқда. Ўзининг фидойилиги, меҳнатсеварлиги билан касбдошларининг ҳурмат-эҳтиромига сазовор бўлган Рўзимбой Нуримбетов ҳарбий хизмат даврида бир неча жанговар медаллар билан тақдирланган бўлса, унинг тиббиёт соҳасидаги фидойи меҳнатлари ҳам муносиб баҳоланди. У Соғлиқни сақлаш аълочиси нишони соҳиби. Халқ депутатлари туман Кенгаши депутати сифатида ҳамиша фаол, халқ орасига кириб, уларнинг муаммо ва ташвишларини ҳал этишга интилиб яшайди.

Оилада эса тадбирли, меҳрибон ва қаттиққўл, қатъиятли ота, садоқатли умр йўлдош. Катта ўғли Олламберган НДПИда, Шоҳруҳ Тошкент Давлат аграр Университетининг Нукус филиалида таҳсил олишади. Шаҳзод Манғит иқтисодиёт коллежи, Беҳзод 55-сонли мактаб ўқувчилари.

– Тўрт ўғлим – тўртта тоғим, – дейди мамнуният билан Рўзимбой Нуримбетов. – Уларнинг камолини кўриш – мен учун энг улуғ бахт. Бир вақтлар орзу қилардим: Алпомишдай ўғилларим бўлса-ю, мен уларнинг давр-у давронини кўриб, кўкрагимни баланд тутиб юрсам, деб! Қаранг, ўғилларимнинг бўй-бастига нигоҳим тушган сари кўнглим тоғдай юксалади. Шу бўлса керак-да, фарзандларнинг камолига етказгани, йигит кишининг бахти.

Ҳа, шудир азизлар, эр йигитнинг бахти. Ахир ким нима учун курашаётгани мубҳам бўлган, маъни-мақсадсиз Афғонистон урушидан III гуруҳ ногиронлиги тамғасини олиб қайтиб, қаддини тиклаб, ҳаётга интилиб ва орзулар йўлида курашган... , ниҳоят ўз орзу ошёнига етишиб, тўрт ўғилга ота бўлган йигит учун бундан улуғроқ мартаба, бахт борми?! Тинч, осойишта мамлакат, аҳил-иноқ маҳалла, обод оила дастурхони тўрида савлат тўкиб ўтириш чинакам БАХТ!

Рўзимбой ҳар гал собиқ афғончи дўстлари билан учрашганида ана шундай оилавий бахтга етганидан кўнгли тошиб кетади.

– 15 февраль – биз собиқ байналмилалчи жангчилар учун катта байрам, – дейди у. – Чунки бундан 29 йил муқаддам, 1989 йилнинг 15 февралида собиқ совет ҳарбийларининг охирги гуруҳи Афғонистон ҳудудидан олиб чиқилди. Бу санани Рўзимбой собиқ қуролдошлари ва фарзандлари даврасида беҳисоб шукроналар билан нишонлайди. Бемаврид шаҳид кетган қуролдош дўстлари хотирасини ёдга олади...

Манғит шаҳрининг Ойбек номли маҳалласида истиқомат қилувчи Рўзимбой Нуримбетов ва Омонгул Адилбоевалар хонадонидан қайтарканмиз, бахтдан юзлари чароғон бу инсонларга дилимизда ҳавас уйғонди.

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026