ТАДБИРКОРЛАР ВА МИЖОЗЛАРГА МУНОСИБ ШАРОИТЛАР ЯРАТИЛМОҚДА
Бозорда аҳолига ва савдо қилувчи тадбиркорлар учун муносиб шароитлар яратилган. Ҳозирги кунда 270та савдо шохобчаси мавжуд бўлиб, шуларнинг 158таси фаолият юритмоқда. Бозор ҳудудида жами 172 нафар тадбиркорлар халқимизга намунали хизмат кўрсатишмоқда.
Жамият томонидан 2022 йилда ялпи даромад олиш режаси 88,70 фоизга, бюджетга пул тушумларини ўтказиш режаси 94,31 фоизга адо этилди.
Бозор ҳудудида савдо қилувчи шохобчалар энг замонавий услубда, рақобатбардош материаллардан қурилган. Йўлаклар, савдо ўринлари оралиқларига плиталар ётқизилиб, қор-ёмғир сувлари оқиб кетиши учун сув йўллари ҳам қурилган. Шунингдек, қуёшсиз, булутли кунларда фойдаланиш учун ёритгичлар ҳам ўрнатилган.
Буюм бозорига ташриф буюрган мижоз йилнинг барча фаслларида ҳар қандай об-ҳаво шароитида ҳам қийналмасдан ўз харидини амалга ошириши мумкин.
2023-2024 йиллар учун савдо комплекси ҳудудини ободонлаштириш, бино ва иншоотларни таъмирлаш, фаолияти сифатини янада ошириш юзасидан устувор режалар белгилаб олиниб, амалга оширилаётир. Шунингдек, савдо тушумини ошириш, харидорлар харид қилишига қулай шароит яратиш учун барча савдо шохобчалари тўлов терминаллари билан таъминланган.
Ҳозирги кунда Беруний номли маҳалла ҳудудидаги 2 гектар 12 сотих майдонни эгаллаган “Манғит савдо комплекси” ходимлари 2023-2024 йиллар учун белгиланган бизнес режаларни ортиғи билан уддалаш учун тинимсиз саъй-ҳаракатлар олиб боришмоқда. Бозор атрофида ноқонуний савдо қилаётган тадбиркорларнинг фаолиятини қонунийлаштириш, яъни тадбиркор сифатида рўйхатдан ўтишини таъминлаш орқали маҳаллий бюджет ва бюджетдан ташқари тушумларни кўпайтиришга алоҳида эътибор қаратилмоқда. Айниқса, Манғит деҳқон бозори атрофларида ноқонуний савдо қилаётган тадбиркорларга буюм бозорининг бўш турган дўконларида савдо қилиш таклиф этилмоқда. Чунки ҳар бир савдо шохобчасидан ойига ўртача 300 минг сўм инфраструктура ҳақи ундирилса, бу қўшимча даромад бўлади ва маҳаллий бюджетга, бюджетдан ташқари жамғармаларга йўналтириладиган маблағларнинг ҳажми ҳам ошади.
“Манғит савдо комлекси”да мавжуд камчиликларни бартараф этиш, бозор тушумлари режасининг бажарилишига эришиш учун аниқ чора-тадбирлар мавжуд ва шу асосда ишлар изчил давом эттирилмоқда.
Севара Исмоилова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
