TADBIRKORLAR VA MIJOZLARGA MUNOSIB ShAROITLAR YaRATILMOQDA
Bozorda aholiga va savdo qiluvchi tadbirkorlar uchun munosib sharoitlar yaratilgan. Hozirgi kunda 270ta savdo shoxobchasi mavjud boʻlib, shularning 158tasi faoliyat yuritmoqda. Bozor hududida jami 172 nafar tadbirkorlar xalqimizga namunali xizmat koʻrsatishmoqda.
Jamiyat tomonidan 2022-yilda yalpi daromad olish rejasi 88,70 foizga, byudjetga pul tushumlarini oʻtkazish rejasi 94,31 foizga ado etildi.
Bozor hududida savdo qiluvchi shoxobchalar eng zamonaviy uslubda, raqobatbardosh materiallardan qurilgan. Yoʻlaklar, savdo oʻrinlari oraliqlariga plitalar yotqizilib, qor-yomgʻir suvlari oqib ketishi uchun suv yoʻllari ham qurilgan. Shuningdek, quyoshsiz, bulutli kunlarda foydalanish uchun yoritgichlar ham oʻrnatilgan.
Buyum bozoriga tashrif buyurgan mijoz yilning barcha fasllarida har qanday ob-havo sharoitida ham qiynalmasdan oʻz xaridini amalga oshirishi mumkin.
2023-2024-yillar uchun savdo kompleksi hududini obodonlashtirish, bino va inshootlarni taʼmirlash, faoliyati sifatini yanada oshirish yuzasidan ustuvor rejalar belgilab olinib, amalga oshirilayotir. Shuningdek, savdo tushumini oshirish, xaridorlar xarid qilishiga qulay sharoit yaratish uchun barcha savdo shoxobchalari toʻlov terminallari bilan taʼminlangan.
Hozirgi kunda Beruniy nomli mahalla hududidagi 2 gektar 12 sotix maydonni egallagan “Mangʻit savdo kompleksi” xodimlari 2023-2024-yillar uchun belgilangan biznes rejalarni ortigʻi bilan uddalash uchun tinimsiz saʼy-harakatlar olib borishmoqda. Bozor atrofida noqonuniy savdo qilayotgan tadbirkorlarning faoliyatini qonuniylashtirish, yaʼni tadbirkor sifatida roʻyxatdan oʻtishini taʼminlash orqali mahalliy byudjet va byudjetdan tashqari tushumlarni koʻpaytirishga alohida eʼtibor qaratilmoqda. Ayniqsa, Mangʻit dehqon bozori atroflarida noqonuniy savdo qilayotgan tadbirkorlarga buyum bozorining boʻsh turgan doʻkonlarida savdo qilish taklif etilmoqda. Chunki har bir savdo shoxobchasidan oyiga oʻrtacha 300 ming soʻm infrastruktura haqi undirilsa, bu qoʻshimcha daromad boʻladi va mahalliy byudjetga, byudjetdan tashqari jamgʻarmalarga yoʻnaltiriladigan mablagʻlarning hajmi ham oshadi.
“Mangʻit savdo komleksi”da mavjud kamchiliklarni bartaraf etish, bozor tushumlari rejasining bajarilishiga erishish uchun aniq chora-tadbirlar mavjud va shu asosda ishlar izchil davom ettirilmoqda.
Sevara Ismoilova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
