МАҲАЛЛАЛАР ҚИЁФАСИ ТУБДАН ЎЗГАРМОҚДА

Ўзбекистон Республикаси Президентининг 2023 йил 13 июлда  «Қорақалпоғистон Республикаси Вазирлар Кенгаши ҳузурида маҳаллаларни қўллаб-қувватлаш жамғармасини ташкил этиш тўғрисида»ги Қарори қабул қилинган эди.

Қарорга мувофиқ Қорақалпоғистон Республикасида маҳаллалар инфратузилмаларини такомиллаштириш, аҳолининг турмуш шароитларини янада яхшилаш, маҳаллаларни ижтимоий-иқтисодий ривожлантиришга қаратилган дастурлар ижросини ҳамда мавжуд муаммоларнинг самарали ва тезкор ҳал этилишини молиявий ва моддий жиҳатдан таъминлаш мақсад қилинган.

Президентимиз бошчилигида бугунги кунда Қорақалпоғистон Республикасини ҳар томонлама ривожлантириш, халқнинг турмуш фаровонлигини таъминлаш, инфраструктура билан боғлиқ муаммоларга ечим топиш йўналишида бир қанча ишлар амалга оширилмоқда. 

Хусусан, Қорақалпоғистон Республикасидаги мавжуд 452та маҳалланинг ҳар бирига 500 млн. сўмдан маблағ йўналтирилди.  Ушбу маблағлар эвазига амалга ошириладиган лойиҳалар маҳалла раислари томонидан ҳоким ёрдамчилари билан биргаликда маҳаллада яшовчи аҳолининг ҳудуддаги муаммоларни бартараф этиш бўйича таклиф ва тавсиялари умумлаштирилган ҳолда шакллантирилади.

Туманимизда мавжуд 49та маҳалланинг ҳар бирига юқоридаги қарорга асосан 500 млн. сўмдан жами 24,5 млрд. сўм маблағлар ажратилди. Ушбу ажратилган маблағлардан 3,96 млрд. сўм эвазига  17,9 км. ички йўлларга шағал ётқизиш ишлари амалга оширилади.

Бир пайтлар қишлоқлардаги лой кўчалар муаммоси аҳолининг эътирозига сабаб бўлгани рост. Бугун эса бошқа масалалар қаторида 230 млн. сўм маблағ 32 км. ички йўлларга асфальт ётқизиш ишлари учун йўналтирилди.

Шунингдек 61та трансформатор учун 7,9 млрд. сўм ажратилди. 1,9 млрд. сўм  эвазига маҳаллаларда 636та сим ёғоч устунлари ўрнатилади ҳамда 1,6 млрд. сўмга 42,5 км. узунликда кабель ўтказгичлари тортилади, 2,7 км. масофага эса газ тармоқлари тортилади.

Аҳолини тоза ичимлик суви билан таъминлаш мақсадида узунлиги 4,2 км. бўлган ичимлик сув тармоқларини қуриш ҳамда реконструкция қилиш, мавжудларини  таъмирлаш учун 670 миллион сўм ажратилди. 

Шунингдек чекка ҳудудларда 6та ичимлик сув тармоқларини қуриш учун 40 млн. сўм, 8,8 км. масофада пиёдалар йўлакчаси қуриш учун 1,9 млрд. сўм, шу билан бирга 239та тунги ёритгичлар ўрнатиш  учун 1,2 млрд. сўм ажратилди.

Маҳаллаларда 33та  видео кузатув ускуналарини ўрнатиш учун 214 млн. сўм, пиёдалар фойдаланишига 2та кўприк қуриш учун 150 млн. сўм маблағ йўналтирилди.

Маҳаллаларда 8та болалар майдончасини қуриш учун 721 млн. сўм, 30та сув насоси ўрнатишга 642 млн. сўм, МФЙлар биноларига ҳажми 245 квт. бўлган қуёш панелини ўрнатиш учун 2,4 млрд. сўм маблағ ажратилди.

Одамлар серқатнов бўлган йўлда 1та бекат қуриш учун  15 млн. сўм, 1та ободонлаштириш ускунасини харид қилиш учун 150 млн. сўм маблағлар йўналтирилди. Ҳозирги кунда юқоридаги қарорга асосан ажратилган маблағлар эвазига  ҳудудларда қурилиш-таъмирлаш ишлари қизғин бошлаб юборилди. Бу эса яқин кунларда туманимиз қиёфаси ўзгача чирой касб этиб, аҳоли учун муносиб турмуш шароитлари яратилишига асос бўлади.

Севара Исмоилова.