Бўстон ва Дўстлик маҳаллаларида “Ижтимоий профилактика” ҳафталигига старт берилди
Ҳар қандай жамиятнинг барқарор тараққиёти, аввало, унинг энг кичик бўғини бўлган маҳаллалардаги ижтимоий муҳит ва осойишталикка бевосита боғлиқдир. Бугунги кунда юртимизнинг барча ҳудудларида аҳоли фаровонлигини таъминлаш ва тинчликни мустаҳкамлаш мақсадида кенг кўламли чора-тадбирлар амалга оширилмоқда. Ана шундай муҳим ташаббуслардан бири Амударё туманида ҳам ўзининг амалий ифодасини топмоқда. Хусусан, тумандаги Бўстон ва Дўстлик маҳаллаларида аҳолининг турмуш тарзини янада яхшилашга қаратилган “Ижтимоий профилактика” ҳафталигига расман старт берилди. Мазкур тадбир нафақат ҳудуддаги ижтимоий масалаларни ҳал этиш, балки фуқароларнинг эртанги кунга бўлган ишончини мустаҳкамлаш йўлидаги улкан қадамлардан бири сифатида эътироф этилмоқда.
Ҳафталикнинг очилиш тадбири бевосита Бўстон маҳалласидан бошланди. Тадбирга юқори даражада тайёргарлик кўрилган бўлиб, мазкур эзгу ташаббусни кенг жамоатчиликка етказиш ва унинг мазмун-моҳиятини тушунтириш мақсадида ҳудуддаги 38-сонли умумтаълим мактабида йиғилиш ташкил этилди. Йиғилишда Амударё тумани ҳокими Собир Хўжаметов, туман прокурори Баҳрам Машарипов, туман Ички ишлар бўлими бошлиғи Махсуд Шеримбетов, шунингдек, қатор мутасадди ташкилотларнинг масъул раҳбарлари ҳамда маҳалла фаоллари қатнашди. Раҳбарлар ва жамоатчилик вакилларининг бундай ҳамжиҳатлиги, мавжуд муаммоларни биргаликда ҳал этишга бўлган қатъий интилишдан яққол далолат беради.
Йиғилиш давомида кун тартибидаги энг долзарб масалалар очиқ ва конструктив руҳда муҳокама қилинди. Асосий эътибор маҳаллалардаги ижтимоий муҳитни янада соғломлаштириш, оилалардаги тотувликни таъминлаш ва аҳолининг умумий фаровонлигини босқичма-босқич ошириш каби муҳим йўналишларга қаратилди. Мутасаддилар томонидан фуқароларнинг турмуш даражасини яхшилаш йўлида амалга оширилиши лозим бўлган вазифалар белгилаб олинди. Шунингдек, жамиятнинг энг муҳим қатлами бўлган ёшлар ва хотин-қизлар билан ишлаш самарадорлигини янги босқичга олиб чиқиш, уларни қийнаётган масалаларни чуқур ўрганиш ва қўллаб-қувватлаш тизимини кучайтиришга алоҳида тўхталиб ўтилди. Бунда барча саъй-ҳаракатлар фақат ва фақат амалий натижадорликка хизмат қилиши кераклиги таъкидланди.
“Ижтимоий профилактика” ҳафталигининг навбатдаги муҳим йўналиши ҳуқуқбузарликларнинг барвақт олдини олиш ва жиноятчиликка қарши муросасиз курашиш масаласидир. Йиғилишда бу борада ҳуқуқни муҳофаза қилувчи органлар ва маҳалла фаоллари ўртасидаги узвий ҳамкорликни кучайтириш, аҳолининг ҳуқуқий маданиятини юксалтириш орқали турли кўнгилсизликларнинг олдини олиш мумкинлиги эътироф этилди. Энг муҳими, жойларда ўз ечимини кутаётган мавжуд муаммоларни юзаки эмас, балки аниқ ва манзилли ҳал этиш бўйича чора-тадбирлар ишлаб чиқилди. Бундан кўзланган асосий мақсад, барча хонадонларга кириб бориш, аҳоли дардига қулоқ тутиш ва уларнинг оғирини енгил қилишдан иборатдир.
Хулоса ўрнида шуни алоҳида қайд этиш лозимки, Амударё туманининг Бўстон ва Дўстлик маҳаллаларида бошланган мазкур ҳафталик шунчаки навбатдаги тадбир эмас, балки халқ билан бевосита мулоқотнинг, одамлар дарди билан яшашнинг ўзига хос амалий кўринишидир. Бу каби кенг қамровли профилактик тадбирларнинг жойларда мунтазам ўтказилиши маҳаллаларда тинчлик-осойишталикни таъминлашга, аҳолининг турмуш фаровонлигини юксалтиришга хизмат қилади. Ушбу ҳафталик доирасида белгиланган вазифаларнинг сўзсиз ижроси эса тез орада ўзининг ижобий натижаларини бериши шубҳасиз.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
