Келаси ҳафтада мамлакатимиз бўйлаб “Кексалар ҳафталиги”ни ўтказилади
Мамлакатимизда муҳтарам Президентимизнинг ташаббуси билан кекса авлод вакилларини ҳар томонлама қўллаб-қувватлаш, уларнинг жамият, оила ва маҳаллалардаги тинчлик ва осойишталикни таъминлаш, шунингдек ёш авлодни халқимизнинг кўп асрлик анъаналарини ҳурмат қилиш руҳида тарбиялаш ишидаги ролини оширишга қаратилган кенг кўламли чора-тадбирлар амалга ошириб келинмоқда.
Жумладан, Ўзбекистон Республикаси Вазирлар Маҳкамасининг 2019 йил 27 сентябрдаги 816-сонли қарори билан ҳар йили октябрь ойининг биринчи ҳафтаси “Кексалар ҳафталиги” деб белгилангани кекса авлод вакилларига бўлган ҳурмат ва эътиборнинг яна бир ифодасидир.
30 сентябрь куни Амударё тумани ҳокимлиги биносида бўлиб ўтган йиғилишда ушбу ҳафталик доирасидаги тадбирларни юқори савияда ўтказиш бўйича ҳар бир маҳаллада амалга оширилиши лозим бўлган муҳим чора-тадбирлар белгилаб олинди.
Йиғилишда туман ҳокимининг биринчи ўринбосари Рашид Салаев, Маҳалла ва нуронийларни қўллаб-қувватлаш бўлими бошлиғи Ғуломжон Дуйсенбаев ҳамда “Кексалар ҳафталиги”ни юқори савияда ўтказиш мақсадида тумандаги турли корхона-ташкилот раҳбарларидан тузилган ишчи гуруҳ аъзолари иштирок этишди.
Туман ҳокимининг биринчи ўринбосари Рашид Салаев ҳафталик доирасида ҳар бир кекса ҳолидан хабар олиш, уларга меҳр-мурувват кўрсатиш, ижтимой қўллаб-қувватлаш борасида амалга оширилиб келинаётган саъй-ҳаракатларни янада жадаллаштириш лозимлигини айтиб ўтди.
Маҳалла ва нуронийларни қўллаб-қувватлаш бўлими бошлиғи Ғуломжон Дуйсенбаев 3-9 октябрь кунлари “Кексаларни эъозлаш, уларга ҳурмат эҳтиром кўрсатиш-халқимизга хос эзгу фазилат” деган бош ғояни ўзида мужассам этган ҳолда кексалар ҳафталиги доирасида амалга ошириладиган чора-тадбирлар дастури билан барчани таништирди.
Таъкидланганидек, мазкур ҳафталик давомида маҳаллаларда уста-ҳунармандлар, кулоллар томонидан яратилган миллий маҳсулот турлари, турли миллат вакилларининг амалий санъат намуналари кўргазмаси ташкил этилади. Шунингдек, кекса авлод вакиллари учун Тошкент шаҳри ва вилоятлар ҳамда Қорақалпоғистон Республикасининг диққатга сазовор жойларига саёҳат ташкил этилади. Қолаверса, барча зиёратгоҳ ва қабристонларда ҳамда якка-ёлғиз кексаларнинг хонадонларида ҳашарлар ўтказилади.
Шу куни туман Маҳалла ва нуронийларни қўллаб-қувватлаш бўлими биносида ҳам шу мавзуда йиғилиш ўтказилди. Йиғилишда овул ва маҳалла фуқаролар йиғинлари раислари иштирок этди.
Йиғилганларга ҳафталик доирасида кексаларнинг уй-жой, маиший муаммоларини ҳал этишга, санатория-курортларда соғломлаштииш ва даволанишлари учун шароитлар яратилишига алоҳида эътибор берилиб, ҳар бир маҳаллада яшовчи кекса авлод вакиллари режа асосида чуқурлаштирилган тиббий кўрикдан ўтказилиб, соғлиғини тиклашлари учун амалий ёрдамлар берилиши лозимлиги алоҳида таъкидланди.
Хотин-қизларни қўллаб-қувватлаш давлат мақсадли жамғармаси билан биргаликда ҳудудларда ногиронлиги бор кекса аёлларга реабилитация-техник воситалари тақдим этилиб, эҳтиёжмандларини бепул жарроҳлик йўли билан соғломлаштириш чоралари кўрилади.
Шу ўринда айтиш керакки, кейинги йилларда нуронийларнинг нафақа ва пенсияларини ўз вақтида, улар истаган шаклда етказиб бериш, уларни моддий ва маънавий қўллаб-қувватлаш, саломатлигига эътиборни кучайтириш борасида амалга оширилаётган ижобий ишлар кексаларимизнинг фаровон ҳаётида ўз аксини топмоқда.
“Кексалар ҳафталиги” ва шу сингари ижтимоий лойиҳалар ёши улуғ инсонлар мамлакатимизда доимо эътибор ва эъзозда эканини яна бир бор тасдиқлайди.
Ф.Эшимбетова, туман ҳокимлигининг Ахборот хизмати раҳбари
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
