ПЕНСИЯ ВА НАФАҚА ТАЙИНЛАШ ТАРТИБИГА ЎЗГАРТИРИШ КИРИТИЛДИ
Юртимизда пенсия ёшига етган ва нафақага муҳтожлиги бор фуқароларга тегишли маслаҳатлар бериб бориш, кекса авлод вакилларига янги қарорлар ва уларнинг аҳамиятини мунтазам тушунтириб бориш бугунги куннинг талаби.
Аҳолини манзилли ижтимоий ҳимоя қилиш ва моддий қўллаб-қувватлашни кучайтириш, кўмакка муҳтож фуқароларга ва ёлғиз кексаларга пул ёрдами кўрсатиш кўламини кенгайтириш ва самарадорлигини янада ошириш мақсадида имтиёзли тоифадаги шахслар учун уй-жой коммунал хизматлар ҳақини тўлаш бўйича қонунчилик асосида бериладиган имтиёзлар ўрнига эндиликда ойлик компенсация пул тўловлари жорий этилмоқда.
Янги тартибга мувофиқ 2022 йил 1 мартдан бошлаб, компенсация тўлови, уни олиш ҳуқуқига эга бўлган барча имтиёзли тоифадаги шахсларга, ушбу шахсларнинг пенсия (ижтимоий нафақа) олиши ёки олмаслиги ҳамда меҳнат фаолиятини олиб бориши ёки олиб бормаслигидан қатъий назар, тўлаб борилади, ижтимоий нафақа олувчи, ўзгалар парваришига муҳтож ёлғиз шахсларга компенсация тўлови жорий этилади.
Бунда ижтимоий нафақа олувчи ўзгалар парваришига муҳтож ёлғиз шахслар учун ҳар ойлик компенсация тўлови – пенсияни ҳисоблаш базавий миқдорининг 45 фоизи миқдорида тўланади. Шунингдек, ёши 100га тўлган ва ундан ошган ижтимоий нафақа олувчи шахслар учун ҳар ойда пенсияни ҳисоблаш базавий миқдорининг 100 фоизи миқдорида қўшимча тўлов белгиланди.
100 ёшга тўлган ва ундан ошган фуқаролар нафақасига ҳар ойда тўланадиган қўшимча тўлов пенсия ва нафақа тайинланган ташкилот орқали Республика бюджети ва бюджетдан ташқари Пенсия жамғармаси маблағлари ҳисобидан молиялаштирилади.
Пенсия, нафақа тайинлаш ва тўлаш тартибига киритилаётган ўзгаришларга асосан 2022 йил 1 мартдан эътиборан имтиёзли тоифадаги шахслар учун уй-жой-коммунал хизматлар ҳақини тўлаш бўйича қонунчилик асосида бериладиган имтиёзлар ўрнига ойлик компенсация пули олиш ҳуқуқига эга бўлган шахслар белгиланган тартибда туман Пенсия жамғармаси бўлимига мурожаат қилишлари мумкин.
Акрам АҲМЕДОВ,
Бюджетдан ташқари Пенсия жамғармаси
туман бўлими ходими.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
