Олмазор ва Гулзор маҳаллалари ҳудудидаги йўлларда қурилиш-таъмирлаш ишлари олиб борилди
Маълумки, 2020 йилнинг 11 ноябрь санасида Ўзбекистон Республикаси Президентининг Қорақалпоғистон Республикасининг мавжуд ижтимоий-иқтисодий, шу жумладан ишлаб чиқариш ва инвестиция салоҳиятидан самарали фойдаланиш, ҳудудда муҳандислик-коммуникация, ижтимоий ва ишлаб чиқариш инфратузилмаларини яхшилаш, иқтисодиёт тармоқларини барқарор ривожлантириш, шу асосда аҳоли бандлигини таъминлаш ва турмуш даражасини ошириш мақсадида “2020 — 2023 йилларда Қорақалпоғистон Республикасини комплекс ижтимоий-иқтисодий ривожлантириш чора-тадбирлари тўғрисида”ги қарори қабул қилинган эди.
Мазкур қарорда 2020 — 2023 йилларда Қорақалпоғистон Республикасини комплекс ижтимоий-иқтисодий ривожлантиришнинг устувор йўналишлари белгиланиб, улардан бири бўлган муҳандислик-коммуникация ва йўл-транспорт инфратузилмасини ривожлантириш соҳасида қатор вазифалар белгилаб берилди.
Амударё туманида бу борадаги вазифалар ижросини таъминлаш, хусусан, йўл-транспорт инфратузулмасини ривожлантириш мақсадида тизимли ишлар амалга оширилмоқда. Хусусан, тумандаги Олмазор ва Гулзор маҳалласи ҳудудларига саломатлик йўлакчасини қуриш бўйича 7,1 км узунликдаги велосипед ва пиёдалар йўлакчасини ҳамда 1,6 км узунликдаги автомобил йўлига асфальт қопламасини ётқизиш ишлари режалаштирилган бўлиб, ушбу cаломатлик йўлакчасини қуриш ишлари пудратчи ташкилот “Жайҳун йўл қурилиш” МЧЖ томонидан олиб борилмоқда.
Ҳозирда мазкур пудратчи ташкилот томонидан Олмазор ва Гулзор маҳалласи ҳудудларига 5 км узунликда велосипед ва пиёдалар йўлакчаси қурилиши ўз ниҳоясига етказилган бўлиб, 1,6 км узунликдаги автомобил йўлига асфальт қопламаси ётқизилган. Олмазор ва Гулзор маҳаллалари ҳудудидаги Баркамол авлод кўчаси шаҳарнинг марказий кўчаларидан бири бўлиб, ушбу кўчадан ўтувчи йўлнинг таъмирланиши ҳамда асфальт қопламаси ётқизилиши, ҳудуд аҳолиси, пиёдалар ва автомобил бошқарувчилари учун катта қулайликлар яратди.
Ушбу кўчада тумандаги қатор мактабгача таълим муассасалари, 82-сонли умумтаълим мактаби, Хотира майдони ва Истироҳат боғи, туман Фуқаролик ҳолати далолатномаларини ёзиш бўлими биноси жойлашган бўлиб, пиёдалар ва транспорт воситалари энг кўп ҳаракатланишларни амалга оширадиган ҳудуд ҳисобланади. Ҳудуддаги йўл анча таъмирталаб ҳолга келиб қолганлиги сабабли аҳоли вакиллари ҳамда транспорт воситалари бошқарувчилари учун қатор ноқулайликларни келтириб чиқараётган эди.
Йўлнинг таъмирланганлиги ҳамда велосипед ва пиёдалар йўлакчасининг қурилгани марказий кўчада келиб чиқиши мумкин бўлган салбий ҳолатларнинг, транспорт воситалари, пиёдалар билан содир этилиши мумкин бўган ноҳуш ҳолатларнинг олди олинди.
Шу ўринда маълумот тариқасида айтиш керакки, жорий йилда тумандаги таъмирталаб ҳолга келиб қолган йўлларни таъмирлаш бўйича тизимли ишлар амалга оширилди. Тумандаги жами 14 та маҳаллалар ҳудудларида лойиҳа қиймати 9 млрд. 432,7 млн сўм бўлган 41,235 км ички йўлларни таъмирлаш ишлари режалаштирилган. Ушбу режани амалга ошириш бўйича пудратчи ташкилотлар томонидан 7 млрд. 787,4 млн.сўм маблағ ҳисобидан 5,252 км ички йўлларга асфалт қопламаси ва 35,91 км ички йўлларга тош ётқизиш ишлари бажарилган.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
