ТАЪҚИҚЛАНГАН ҲУДУДЛАРДА ЧЎМИЛМАНГ!
Тўртта фасл ўз жозибаси ва гўзаллигини намоён этадиган юртимиз табиати ҳар бир инсонга ҳузур-ҳаловат бағишлайди. Айниқса, ёз фаслининг иссиқ тафти, мафтункор манзаралари инсонни соя-салқин, баҳаво жойларга чорлайди. Бунда ҳузурбахш, ёз қуёши сингган сувда чўмилиш инсон вужудига ҳузур бағишлайди.
Бироқ чўмилиш инсонга қанчалик ҳузур бағишламасин, сувда чўмилиш, сузишни билишдан ташқари, сувнинг санитария-гигиена қоидаларига мос келиш-келмаслигини аниқлаш ва ана шундан кейингина чўмилиш зарур. Белгиланмаган жойларда, хусусан, анҳорлар, тезоқар катта ва чуқур каналлар, дарёларда, зах сувларда чўмилиш асло мумкин эмас. Ана шундай жойларда “сувда чўкиш мен ва менинг яқинларим билан содир бўлмайди”, қабилидаги бефарқлик, бепарволик туфайли ҳар йили дунё бўйлаб 300 минг нафарга яқин инсонлар, кўпинча ёш болалар, бевақт ҳаётдан кўз юмишмоқда.
Сувда чўкиш билан боғлиқ ўлим ҳолатларининг қарийб 90-95 фоизи ота-оналар томонидан назоратсиз қолдирилган ёш болалар ҳиссасига тўғри келади. Бундай бахтсиз ҳодисалар кўпинча катталарнинг спиртли ичимлик ичиб, белгиланмаган ҳудудларда, ўзбошимчалик билан таъқиқланган жойларда чўмилиши оқибатида ҳам содир бўлаётгани жуда ачинарли.
Туманимизда ҳам ёз мавсуми келиши билан кўпинча оқар сув ҳавзалари, анҳор ва катта каналлар чўмилувчилар билан гавжум бўлади. Шу боис, ёз мавсуми келиши билан катталар ва ёш болалар чўмилиши мумкин бўлмаган сув ҳавзаларида туман Санитария эпидемиология осойишталик маркази ва Жамоат саломатлиги бўлими, туман Фавқулодда вазиятлар бошқармаси мутахассислари ҳамкорлигида назорат тадбирлари ўтказилиб, аҳоли ва ёш болаларнинг таъқиқланган ҳудудларда чўмилишининг олди олинмоқда.
Қорақалпоғистон Республикаси Вазирлар Кенгашининг 2021 йил 26 май кунги “2021 йил чўмилиш мавсуми мобайнида кўл, дарё ва каналлар акваторияларида ясама ҳавзалар ҳамда чўмилиш таъқиқланган ҳудудларда одамларнинг ҳаёти ва соғлигини муҳофаза қилиш бўйича чора-тадбирлар” режасининг ижросини таъминлаш мақсадида Амударё тумани ҳокимлининг махсус чора-тадбирлар режаси ишлаб чиқилди ва ишчи гуруҳ тузилиб, фаолияти йўлга қўйилди. 2021 йил 26 май кунидан бошлаб ҳар куни ишчи гуруҳ аъзолари билан туман ҳудудидан ўтувчи Амударёнинг чўмилиш таъқиқланган ҳудудларида рейдлар ташкил қилиниб, фуқароларнинг белгиланмаган жойларда чўмилишларининг олдини олиш бўйича тушунтириш ишлари олиб борилмоқда. Аҳоли гавжум жойларга, қўл, дарё ва каналлар бўйларига “Белгиланмаган жойларда чўмилиш ҳаёт учун хавфли” мазмунида баннерлар ўрнатилиб, оммавий ахборот воситалари орқали аҳолига зарур тушунчалар берилиб борилмоқда.
Ёз мавсумининг илк кунлариданоқ туманимиз ҳудудидан оқиб ўтувчи йирик сув ҳавзалари – Қиличбой арна, Манғит арна, Қипчоқ арна, Босув каналлари ҳамда Тошёп катта ариғи ва йирик захкашларда тез-тез назорат тадбирлари амалга оширилмоқда.
Хусусан, ёш болаларни асло назоратсиз қолдирмаслик, уларнинг тез оқувчи ва бўйлама чуқурлиги ўта чуқур бўлган катта каналларда, айниқса, дарёда чўмилишларига йўл қўймаслик, мабода, болалар орасида сувга чўкиш, кўп миқдорда сув ютиш ҳолатлари юз берган тақдирда биринчи ёрдам кўрсатиш бўйича маслаҳат ва тавсиялар берилиб, чўмилишда нималарга эътибор бериш зарурлиги бўйича буклетлар тарқалилди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
