“Эл деса Навоийни...”
Халқимиз буюк олим, даҳо шоирларни офтобга қиёслаши бежиз эмас. Офтоб оламни ўз нурлари ила ёритганидай, шоирлар ҳам, фозил-у фузалолар ҳам одамлар кўнглини илм нури билан чароғон этади.
Мумтоз адабиётимизнинг буюк намояндаларидан бири, буюк бобокалонимиз Алишер Навоий ўзининг ўлмас асарлари билан халқимиз қалбига нур, зиё бағишлади, мамлакат обод, халқ фаровон бўлмоғи учун курашди.
Навоий асарларининг ўқувчига берадиган маънавий қуввати шунчалик кучлики, уни қайта-қайта ўқигани сайин мазмун-моҳиятини чуқур англайверади, ҳар сафар худди янги асар ўқигандек таассурот олаверади.
Мамлакатимизда ҳар йили февраль ойида улуғ мутафаккир шоир бобомиз туғилган куни муносабати билан унинг адабий меросини тарғиб этишга бағишланган маънавий-маърифий тадбирлар, навоийхонлик кечалари ўтказилади.
Сана муносабати билан Манғит шаҳридаги 36-сонли мактабда ҳам “Шамс ул-миллат”, яъни “Миллат қуёши” дея ардоқланувчи Алишер Навоий ҳаёти ва ижодига бағишланган “Эл деса Навоийни...” дея номланган маънавий-маърифий кеча ўтказилди.
Мактаб фаоллар залида бўлиб ўтган ушбу тадбирни мактабнинг она тили ва адабиёти фани ўқитувчилари Умида Жуманиёзова, Саида Юсупова, Наргиза Ўталова, Эътибор Бобожонова, Дилноза Қурбониёзова, Гулнора Собирова, Муҳайё Каримова, Насиба Каримовалар ҳамкорликда тайёрлашди.
Тадбирда мактабнинг она тили ва адабиёти фанига қизиқувчи 3-11-синфлари ўқувчилари иштирок этишди.
Буюк мутафаккир шоир ҳаёти ва ижоди, унинг адабий меросини ўрганишнинг аҳамияти ҳақида маъруза ўқилганидан сўнг, саҳнага ўқувчилар чиқиб, шоир ғазаллари, рубоийларидан намуналар ижро этишди. Саҳнада икки ўспирин йигит - мир Алишер ва Ҳусайн Байқаро образларининг ўқувчилар ижросидаги талқини жуда маҳорат билан ижро этилди. Бири энди шаклланиб келаётган буюк шоир, бири Хуросоннинг бўлажак ҳукмдори Ҳусайн Байқаронинг ўзаро дўстлик муносабатларини, Ҳусайн Байқаронинг дўсти ижодига нечоғлик ҳурмат билан қараши ва ижодини завқ билан тинглаши, олқишлаши жуда ёрқин ифода этиб берилди. Шунингдек Алишер Навоий асарлари асосида тайёрланган саҳна кўринишлари ҳам томошабинларга жуда манзур бўлди, ўқувчиларни Навоий ижодини яна ҳам чуқур ўрганишга рағбатлантирди.
Тадбир сўнгида мактаб раҳбарияти томонидан фаол қатнашган ўқувчиларга, ўқитувчиларга миннатдорлик билдирилди.
Алишер Навоийнинг бой ва серқирра ижоди фақат ўзбек адабиётидагина эмас, жаҳон адабиётида ҳам салмоқли ўрин тутади. Унинг лирик, эпик ва фалсафий асарлари ХV аср адабиётида чуқур из қолдирди, жаҳон маданиятининг мумтоз вакиллари сафидан жой олди.
У ўзи яратган асарлари билан асрлар оша мангу яшайверади.
Ойгул РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
