Инсон хотира билан тирик
Аждодлар хотирасини ёд этиб, эзгу ишларини давом эттириш, бугун сафларимизда юрган, осмонимиз мусаффолиги, юртимиз равнақи йўлида хизмат қилган нуронийларни эъзозлаш халқимизга хос эзгу фазилатлардандир. Бугун орамизда бўлган Иккинчи жаҳоҳн уруши қатнашчиларининг ҳолидан хабар олиш, тиббий-ижтимоий ёрдам кўрсатиш – жамоатчилигимизнинг доимий эътиборида.
9 май куни туманимиздаги хотира хиёбонида Хотира ва қадрлаш кунига бағишланган тадбир бўлиб ўтди. Бу ерга уруш ва меҳнат фахрийлари, туман ҳокимлиги, ички ишлар, мудофаа бўлимлари, жамоат ташкилотлари ҳамда кенг жамоатчилик вакиллари ташриф буюрди. Майдон узра маҳзун мусиқа таралди. Туманимиз ҳокими бошчилигида хотира хиёбонидаги мангу ёниқ олов пойига гулчамбарлар қўйилди.
Тадбирда сўз олганлар таъкидлаганидек, бугун халқимиз Иккинчи жаҳон урушида фашизм устидан қозонилган Ғалабанинг 69 йиллигини, 9 май – Хотира ва қадрлаш кунини кенг нишонламоқда. Айни шу кунларда барча-барча юртдошларимиз ўз инсоний бурчини бажо этиб, Ватанимиз озодлиги, мусаффо осмони учун жон бериб, қурбон бўлганларнинг муқаддас хотираси олдида бош эгиб, таъзим қилади.
Сўзга чиқққанлар бугун орамизда бўлган, бизга маънавий ибрат бўлиб юрган барча уруш қатнашчиларини ана шу буюк сана билан чин қалбдан табрикладилар. Шулар қаторида фронт ортида хизмат қилиб, ўта оғир шароитда ғалаба қозонишга катта ҳисса қўшган юртдошларимизга, барча-барча фахрийларимизга сиҳат-саломатлик, узоқ умр тиладилар.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
