Inson xotira bilan tirik
Ajdodlar xotirasini yod etib, ezgu ishlarini davom ettirish, bugun saflarimizda yurgan, osmonimiz musaffoligi, yurtimiz ravnaqi yoʻlida xizmat qilgan nuroniylarni eʼzozlash xalqimizga xos ezgu fazilatlardandir. Bugun oramizda boʻlgan Ikkinchi jahohn urushi qatnashchilarining holidan xabar olish, tibbiy-ijtimoiy yordam koʻrsatish – jamoatchiligimizning doimiy eʼtiborida.
9-may kuni tumanimizdagi xotira xiyobonida Xotira va qadrlash kuniga bagʻishlangan tadbir boʻlib oʻtdi. Bu yerga urush va mehnat faxriylari, tuman hokimligi, ichki ishlar, mudofaa boʻlimlari, jamoat tashkilotlari hamda keng jamoatchilik vakillari tashrif buyurdi. Maydon uzra mahzun musiqa taraldi. Tumanimiz hokimi boshchiligida xotira xiyobonidagi mangu yoniq olov poyiga gulchambarlar qoʻyildi.
Tadbirda soʻz olganlar taʼkidlaganidek, bugun xalqimiz Ikkinchi jahon urushida fashizm ustidan qozonilgan Gʻalabaning 69 yilligini, 9-may – Xotira va qadrlash kunini keng nishonlamoqda. Ayni shu kunlarda barcha-barcha yurtdoshlarimiz oʻz insoniy burchini bajo etib, Vatanimiz ozodligi, musaffo osmoni uchun jon berib, qurbon boʻlganlarning muqaddas xotirasi oldida bosh egib, taʼzim qiladi.
Soʻzga chiqqqanlar bugun oramizda boʻlgan, bizga maʼnaviy ibrat boʻlib yurgan barcha urush qatnashchilarini ana shu buyuk sana bilan chin qalbdan tabrikladilar. Shular qatorida front ortida xizmat qilib, oʻta ogʻir sharoitda gʻalaba qozonishga katta hissa qoʻshgan yurtdoshlarimizga, barcha-barcha faxriylarimizga sihat-salomatlik, uzoq umr tiladilar.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
