21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 11:05
Жамият 👁 297

ЮРТНИНГ ОБОД МАНЗИЛЛАРИ

ЮРТНИНГ ОБОД МАНЗИЛЛАРИ

Мамлакатимиз ўз мустақиллигига эришганига 29 йил бўлди. Ўтган йиллар давомида халқимиз ўз инон-ихтиёрини қўлга олиб, ўз ҳаётини  ўзи қуриш, юртимизни обод, озод масканга айлантириб, бахтли, саодатли турмуш кечиришга эришиш борасида залворли қадамлар ташлади.

Бу ижобий ўзгаришлар  натижасида жамиятимиз қиёфаси бутунлай ўзгарди, одамларнинг онг-у тафаккури, билими, интеллектуал  салоҳияти ошди, ёшлар илм-маърифати, маънавияти туфайли барча соҳаларда инқилобий ўзгаришлар ясалмоқда.

Туманимизнинг чекка ҳудудларидан саналмиш Қипчоқ овулида ҳам бунингдек хайрли эврилишларни ҳар қадамда учратасиз.

Овулнинг Қайровул ва Кўкчи аҳоли пунктларида 3572 нафар ўзбек, қозоқ, қорақалпоқ, туркман, рус, татар, корейс ва бошқада турли миллат вакиллари аҳил ва ҳамжиҳатликда ўз ҳаётларини ҳалол меҳнатлари билан безаб яшамоқдалар.

Овул фуқаролар йиғинига узоқ йиллар таълим соҳасида фаолият олиб борган, халқ депутатлари туман Кенгаши депутати Соатбой Наметов раислик қилади.

Унинг иш кунлари одатда турмушидаги турли муаммоларига ечим топишда ёрдам сўраб, ё бир хайрли ишни бошлашда маслаҳатлашмоқчи бўлиб келган фуқароларни қабул қилишдан бошланади.

Биз овул ҳаёти билан, овулда амалга оширилаётган ўзгаришлар билан танишиш учун ташриф буюрган кунимиз ҳам йиғинда ана шундай иш мароми ҳукмрон эди. Мурожаатчи Жумабой Чўтбоев оилавий тадбиркорликни йўлга қўйиш учун кредит олишда ёрдам сўраб, жамоатчи ободонлаштириш ходими Гулнора Ҳайитбоева оиласига моддий ёрдам сўраб мурожаат  қилишди. Раис буларнинг барини ўз иш дафтарига қайд этиб, ҳал қилишга ҳаракат қилишини билдирди.

Ота-онасидан бевақт ажралиб қолган Мунира Мўминова эса раис ўринбосари Зулфия Матёқубова билан келгуси режалари ҳақида суҳбатлашмоқда. Хуллас, бу ерга ташриф буюрувчиларга имкон қадар моддий-маънавий кўмак, ҳуқуқий маслаҳатлар берилади. Йиғин ходимларининг асосий  мақсади аҳолининг тинч-осойишта, фаровон яшашларига эришиш.

Равон йўллар, бири-биридан кўркам, замонавий услубда таъмирланган обод ҳовлилар, муҳташам савдо шохобчалари, маиший хизмат кўрсатиш объектларини кўриб, қишлоқ аҳолиси ҳаёти шаҳарлардагидан кам эмаслигига иқрор бўласиз. Жорий йилнинг ўзида Кўкчи аҳоли пунктидаги Истиқлол кўчаси асфальтланди, 120 ўринга эга мактабгача таълим ташкилоти биноси қурилаяпти, иккита янги электр энергияси узатувчи трансформатор ўрнатилди.

Овулдаги 59 нафар ногиронлиги бўлган шахслардан мунтазам  хабар олиб турилади ва моддий, маънавий қўллаб-қувватланмоқда. Коронавирус пандемияси даврида даромадидан айрилган, вақтинча ишсиз қолиб, иқтисодий қийинчиликка учраган фуқаролар ижтимоий ҳимоя қилинмоқда. Шунингдек, кам таъминланган, эҳтиёжманд оилаларни фермер хўжаликлари оталиққа олиб, озиқ-овқат маҳсулотлари билан таъминлашга мунтазам кўмак беришаяпти. Овулнинг ўз орзулари йўлида дадил интилиб, олийгоҳларда таълим олаётган 21 нафар ёшлари пандемия даврида дарсларини онлайн давом эттириш билан бир қаторда мактаб ўқувчиларининг  ҳам  кундалик дарсларини яхши  ўзлаштириб боришларига ёрдам беришди, шунингдек, ёзги таътилни кўнгилли ва мақсадли ўтказишларига бош бўлишди.

Пандемия даврида  ишсиз аҳолининг бандлигини таъминлаш мақсадида 22 нафар фуқарога Аҳоли бандлигига кўмаклашиш  маркази томонидан енгил конструкцияли иссиқхоналар қуриб берилди ва даромад топиб, оиласи иқтисодини яхшилашларига шароит яратилди. Асли ушбу ҳудуддаги касб-ҳунар коллежида ишлаб чиқариш таълими устаси бўлиб ишлаган Мансур Йўлдошев коллеж тугатилгач, ишсиз қолди. Буни инобатга олган ҳолда томорқасига Аҳоли бандлигига кўмаклашиш маркази томонидан иссиқхона қуриб берилди.

Ҳозир Мансур Йўлдошев ушбу иссиқхонасидан кунора 50-60 кило бодринг етиштириб, бозорга чиқармоқда.

Овул ҳудудини кезган киши амалга оширилаётган ўзгаришлардан, одамлар  ҳаётидаги юксалишлардан кўнгли тоғдай кўтарилади. Ҳовлиси хутор ҳолда жойлашган Турсунбой ота  Юсуповнинг томорқаси, уйи атрофидаги эгалик ҳуқуқи  мавжуд ери 49 сотихдан зиёдроқ экан. Отахон кексайдим демай, аёли Шарифа она билан ҳовлиси атрофидаги ажойиб гулзорларни, боғни ўзи бунёд этган. “Ерга ихлос  ота-онамдан ўтган, механизация мутахассислигига ўқиган бўлсам-да механик, техник, бўлим  бошлиғи вазифаларида ишлаб юриб, қўлимни деҳқончиликдан узмадим, томорқамга  энг сара мевалар кўчатларини экдим, ҳозир боғимда шафтоли, олма, беҳи, узум, нашватиларнинг  чамаси 200 тупдан зиёди бор. Меваларини бозорга олиб борсак, дамда сотиб тугатамиз”, дейди отахон. Унинг гулга ихлоси зўрлигини ҳовли атрофида қулф уриб очилиб турган анвойи гуллардан ҳам сезиш  мумкин. Одатда биз кўпинча бундай машғулотлар билан ёшлар шуғулланишади, деб ўйлаймиз. Турсунбой ота, аёли Шарифа  она гуллар ҳақида, уларнинг кўчатини қайсисини қаердан, қачон олиб келиб экканлари-ю, қандай парваришлаганлари ҳақида гапирсалар, тўғриси, ҳайратимизни яшира олмадик.

Овулнинг нуроний кексаларидан бири, тўқсон ёшни қоралаган пир-у бадавлат онахон Ойим момонинг уч ўғлидан бири шифокор, иккови ўқитувчи, келинлари ҳам ўқитувчи бўлишса-да, тадбиркорликка ҳам қизиқишди. Кичик ўғил Гулмирза ўқитувчилик қилиш билан бирга 15 йил аввал 2,5 гектар ерни ижарага олиб, яхши ниятлар билан тақир ерга олма, шафтоли, узум каби мевали дарахтлар кўчатларини эккан эди. Ҳозир ушбу кўчатлар азим дарахтларга айланиб, мевалари юртдошларимиз дастурхонини безамоқда. Мевалари кўплигидан шохлари эгилиб-эгилиб турган дарахтларга қараб, беихтиёр инсоннинг  ҳақиқий яратувчи эканлигига, ҳалол  меҳнат ана шундай мўл ризқ бунёд этишига имон келтиради, одам.

Гулмирза Аҳмедовнинг айтишича, боғдан оиласи эҳтиёжи, қариндошларига, овулдаги кам таъминланганларга улашганларидан ташқари 40 млн. сўмдан зиёд даромад олинар экан. Унинг яқин кўмакчилари аёли –таълим фахрийси Света, иккинчи ўғли Адҳамлардир. Бироқ  мактабни тугатиб, олийгоҳга кира олмаган Адҳам ўқиш фикридан воз кечмаган ҳолда дадасига кўмаклашиш билан бирга ўз тадбиркорлигини ҳам йўлга қўйди: “Микрокредитбанк”нинг 36 миллион сўм кредити ҳисобига зотдор моллар сотиб олиб, оиласи қорамоллари сонини 15 тага етказди.

– Ўзимизда, боғ ичида моллар учун озуқа экинлари етиштириш имкони бор. Яъни, ҳозир 15 та молнинг омухта емини сотиб оламиз, ўти эса ўзимиздан, кунига 30-35 литр атрофида сут сотамиз, бу – фойда, – дейди ёш тадбиркор.

Ойим момонинг  катта ўғли Йўлдошбой Аҳмедов 2003 йилда хусусий клиника фаолиятини йўлга қўйган эди. Олий тоифали терапевт, 36 йиллик шифокорлик тажрибасига эга Йўлдошбой Аҳмедов овул ҳудудидаги фойдаланилмай турган бўш объектга 312,9 миллион сўмлик инвестиция киритиб, 11 та иш ўрни яратди.

Ушбу клиникада УЗИ, ФЭК, ЭКТ, Иридоскоп аппаратлари ёрдамида бош оғриғи, ошқозон-ичак, бел ва оёқ оғриғи, қон босими, ўт ва буйрак тоши каби кўпгина касалликларга аниқ ташхис қўйилиб, самарали даволанади. Ноанъанавий тиббий усулларда даволаш турлари ҳам кенг қўлланилади. Яъни, инсон танасидаги қувват игна санчиш орқали тенглаштирилиб, соғломлаштирилади. Шунингдек, физиотерапия, иссиқлик ваннаси, магнитли банка, бел чўзиш аппаратларидан ҳам кенг фойдаланилади.

Клиникада туманимиз фуқароларидан ташқари қўшни вилоятлардан, республикамизнинг  турли ҳудудларидан, Нукусдан беморлар келиб даволаниб, Йўлдошбой Аҳмедовдан  миннатдор бўлиб кетишмоқда.

Овул фуқаролар йиғинининг жамоатчилик асосидаги қайноналар Кенгаши раиси Ойша она Исмоилова, мутахассис Зулфия Матёқубова ва овул нуронийлари ҳамкорликда шу йилнинг ўзида ажрашиш ёқасига бориб қолган, иши судда кўрилаётган бешта оилани сақлаб қолишга муваффақ бўлибди. Яна низоли бир нечта оилаларда тушунтириш-тарғибот ишлари олиб борилиб, осойишталик ўрнатилган. Натижада ажрашиш қайд этилмаган. Бу рақамлар шунчаки айтишга осон. Аслида эса уларнинг замирида неча-неча вояга етмаган, болалигини шодон ўтказишга ҳақли, бегуноҳ ўғил-қизлар тақдири бор.

Ана шундай эзгу ишларга бош бўлаётган Ойша онанинг хонадонига кирсангиз – худди улкан шаҳарлардагидан қолишмайдиган шароитни кўрасиз. Таълим фахрийси бўлган Ойша Исмоилова турмуш ўртоғи вафот этиб кетгач, уч ўғил, уч қизни муаллимлигидан топган ойлигига  ўқитиб, уйли-жойли қилган, икки  нафари шифокор, тўрт нафари ўқитувчилик қилиб, юрт корига яраяпти. Отаси вафот этганида 10 ёш бўлган кичик ўғил Ҳамза Нукус Давлат Педагогика институтида доцент, фан номзоди бўлди. Учала келин ҳам ўқитувчи, бироқ улар уй, томорқа ишларига ҳам, фарзанд тарбиясига  ҳам вақт топишади. Оилада ширинликлар, ун, мой, чойдан бошқа ҳамма керакли маҳсулотларни ўзлари етиштиришар экан.

Овулдагина эмас, туманимизга таниқли, маҳсулотлари харидоргир ҳунарманд Баҳодир Йўлдошев ўз  хонадонига қўшимча қурган икки  хонасида ўғли Гулмирзаев Жаҳонгир билан бадиий-миллий нақшлар билан безатилган уй-рўзғор буюмлари, мебеллар, дераза ва эшик ромлари ясаб, оила тебратади. Якка  тадбиркор сифатида иш юритаётган Баҳодир Йўлдошев тайёрлаган маҳсулотлар ўзига хослиги, пишиқ-пухта ишланганлиги ва кўркамлиги билан ажралиб туради.

Муборак Холмуродова ёшлигидан тикувчиликка қизиққан ва турли либослар тикиш билан шуғулланиб келган. У ўз фаолиятини  қонуний асосда якка тадбиркор сифатида ташкил этиб, “Халқ банки” туман филиалининг имтиёзли кредити ҳисобига яна учта замонавий тикув машиналари сотиб олди ва қизлари Сарвиноз, Зулайҳоларга ҳам касбини ўргата бошлади, овулнинг ишсиз 2 нафар қизларини ҳам шогирдликка  олиб, турли русумдаги барча мавсумларга хос кийимларни, пальто, курткаларни, дераза ва эшик пардаларини ҳам тикишни йўлга қўйди.

Овулнинг интилувчан ёшларидан бири Расул Наметов “Халқ банки” туман филиалининг 20 миллион сўм кредити ҳисобига автомобилларга техник хизмат кўрсатиш, ювиш хизматларини амалга оширадиган “Жайхун неъматлари” оилавий корхонасини ташкил этиб, 3 та янги ишчи ўрин яратди.

Овул ҳудудини кезсангиз, ҳар қадамда яратиш, яшнатиш ниятида фидойи меҳнат қилаётган кишиларни учратасиз, яхши ишда ҳикмат кўп деганларидай, кўрганларингиздан қувонасиз. Шу боисдан ҳам овул кезиб кўрганларимиздан сизларни ҳам баҳраманд этгимиз келди, азиз газетхон!

Ойгул РАЖАБОВА, Маҳмуджон ШОМУРОДОВ, газетанинг махсус мухбирлари.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026