ТУМАНИМИЗДА 370 НАФАРДАН ЗИЁД САЙЛОВЧИ МУДДАТИДАН ОЛДИН ОВОЗ БЕРДИ
2019 йил 22 декабрь санаси халқимиз ва мамлакатимиз тарихида ўчмас из қолдирадиган кун. Шу куни фуқароларнинг ўз хоҳиш-истагини эркин билдиришларини кафолатловчи ҳужжат – янги Сайлов Кодексига мувофиқ Ўзбекистон Республикаси Олий Мажлис Қонунчилик палатаси, Қорақалпоғистон Республикаси Жўқорғи Кенгеси ва халқ депутатлари вилоят, туман, шаҳар Кенгашларига сайловлар бўлиб ўтади.
Юртдошларимиз Ватан тараққиёти ва халқ фаровнлиги учун дахлдорлик туйғуларини ҳис қилган ҳолда ўзларининг муносиб номзодларига овоз беришга шайланмоқдалар.
Орамизда шундай одамлар ҳам борки, улар хизмат сафари, олисда таълим олиши ёки соғлиғидаги муаммолари туфайли сайлов кунида ўз яшаш манзилларида бўла олмайдилар. Улар сайлов Қонунчилигимизга мувофиқ, 12 декабрдан бери туманимиздаги тегишли участка сайлов комиссияларига сайлов кунида яшаш жойида бўла олмаслиги сабаблари кўрсатиб берган аризаларига мувофиқ, муддатидан олдин овоз бериб, ўзларининг фуқаролик бурчларини адо этдилар. Бу жараён сайлов Кодексининг 57-моддасида назарда тутилган қоидаларга тўла риоя қилинган ҳолда амалга оширилди.
Сайловларга доир тарғибот-ташвиқот ишларининг яхши олиб борилганлиги сайловчиларнинг фаоллигида яққол кўринаяпти.
Оқ олтин овулида истиқомат қилувчи, бир умр ҳалол меҳнат қилиб, эл-юрт равнақига ҳисса қўшган отахон Бозорбой Ниёзимбетов даволаниш учун Тошкент шаҳрига жўнаб кетишдан олдин ҳудудидаги участка сайлов комиссиясига ариза билан мурожаат қилди ва 14 декабрь куни муддатидан олдин ўз муносиб номзодларига овоз бериб, фуқаролик бурчини адо этди. Бунингдек мисолларни кўплаб келтириш мумкин.
Умуман, туманимизда фаолият олиб бораётган барча сайлов участкаларида ҳам муддатидан овоз бериш зарурати туғилган юртдошларимиз учун барча шароитлар яратилди.
Дўрман овулида истиқомат қилувчи Равшанбек Жуманиёзов ҳам санаторияда дам олишга кетаётгани учун 19 декабрь куни ҳудудидаги 104-сайлов участкасида муддатидан олдин овоз берди.
Муддатидан олдин овоз бериш жараёнида туманимиз бўйича 370 нафардан зиёд фуқароларнинг шу мазмундаги аризалари қаноатлантирилди ва улар ўзларининг муносиб деб билган номзодларига овоз бердилар.
О.РАЖАБОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
