TUMANIMIZDA 370 NAFARDAN ZIYoD SAYLOVChI MUDDATIDAN OLDIN OVOZ BERDI
2019-yil 22-dekabr sanasi xalqimiz va mamlakatimiz tarixida oʻchmas iz qoldiradigan kun. Shu kuni fuqarolarning oʻz xohish-istagini erkin bildirishlarini kafolatlovchi hujjat – yangi Saylov Kodeksiga muvofiq Oʻzbekiston Respublikasi Oliy Majlis Qonunchilik palatasi, Qoraqalpogʻiston Respublikasi Joʻqorgʻi Kengesi va xalq deputatlari viloyat, tuman, shahar Kengashlariga saylovlar boʻlib oʻtadi.
Yurtdoshlarimiz Vatan taraqqiyoti va xalq farovnligi uchun daxldorlik tuygʻularini his qilgan holda oʻzlarining munosib nomzodlariga ovoz berishga shaylanmoqdalar.
Oramizda shunday odamlar ham borki, ular xizmat safari, olisda taʼlim olishi yoki sogʻligʻidagi muammolari tufayli saylov kunida oʻz yashash manzillarida boʻla olmaydilar. Ular saylov Qonunchiligimizga muvofiq, 12-dekabrdan beri tumanimizdagi tegishli uchastka saylov komissiyalariga saylov kunida yashash joyida boʻla olmasligi sabablari koʻrsatib bergan arizalariga muvofiq, muddatidan oldin ovoz berib, oʻzlarining fuqarolik burchlarini ado etdilar. Bu jarayon saylov Kodeksining 57-moddasida nazarda tutilgan qoidalarga toʻla rioya qilingan holda amalga oshirildi.
Saylovlarga doir targʻibot-tashviqot ishlarining yaxshi olib borilganligi saylovchilarning faolligida yaqqol koʻrinayapti.
Oq oltin ovulida istiqomat qiluvchi, bir umr halol mehnat qilib, el-yurt ravnaqiga hissa qoʻshgan otaxon Bozorboy Niyozimbetov davolanish uchun Toshkent shahriga joʻnab ketishdan oldin hududidagi uchastka saylov komissiyasiga ariza bilan murojaat qildi va 14-dekabr kuni muddatidan oldin oʻz munosib nomzodlariga ovoz berib, fuqarolik burchini ado etdi. Buningdek misollarni koʻplab keltirish mumkin.
Umuman, tumanimizda faoliyat olib borayotgan barcha saylov uchastkalarida ham muddatidan ovoz berish zarurati tugʻilgan yurtdoshlarimiz uchun barcha sharoitlar yaratildi.
Doʻrman ovulida istiqomat qiluvchi Ravshanbek Jumaniyozov ham sanatoriyada dam olishga ketayotgani uchun 19-dekabr kuni hududidagi 104-saylov uchastkasida muddatidan oldin ovoz berdi.
Muddatidan oldin ovoz berish jarayonida tumanimiz boʻyicha 370 nafardan ziyod fuqarolarning shu mazmundagi arizalari qanoatlantirildi va ular oʻzlarining munosib deb bilgan nomzodlariga ovoz berdilar.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
