САЙЛОВЛАPГА ПУХТА ТАЙЁPГАPЛИК КЎPИЛДИ

Ўзбекистон Республикаси Олий Мажлиси Қонунчилик палатасига сайлов ўтказувчи 1-Нукус ва 4-Амударё округ сайлов комиссиялари қарорларига асосан Амударё тумани ҳудудида тузилган сайлов участкаларида айни кунда Ўзбекистон Республикаси Олий Мажлиси Қонунчилик палатаси, Қорақалпоғистон Республикаси Жўқорғи Кенгеси ва Халқ депутатлари туман Кенгашига ўтказиладиган сайловларга тайёргарлик жараёни тўлиқ якунига етказилди.

Туманимизнинг Қиличбой овулидаги 15-сонли мактаб биносида жойлашган 95-сайлов участкасида ҳам сайловолди тайёргарлик ишлари Ўзбекистон Pеспубликасининг сайлов Кодекси талаблари даражасида ташкил этилди.

Бу ерда участка сайлов комиссиялари аъзолари ва комиссия раиси хонаси, сайловчиларнинг яширин овоз беришлари учун овоз бериш хоналари ажратилиб, жиҳозланди, етарли миқдорда кабиналар ўрнатилди.

Бу ерда фаолият кўрсатаётган участка сайлов комиссияси ҳам ўз ваколати доирасида сайловолди тайёргарлик ишларини тўла-тўкис якунига етказди. Комиссия аъзолари 1 минг 269 нафар сайловчиларнинг яшаш жойларида бўлиб, сайловчиларнинг ягона электрон базасидаги маълумотларга аниқлик киритдилар.

Шунингдек, барча вакиллик органларига депутатликка номзодларнинг таржимаи ҳоли ва дастурлари билан аҳолининг яқиндан танишишларига имкониятлар яратиб берилди.

Участка сайлов комиссияси томонидан Ўзбекистон Pеспубликаси Олий Мажлиси Қонунчилик палатаси, Қорақалпоғистон Pеспубликаси Жўқорғи Кенгеси ва  туман Кенгаши депутатлигига номзодларнинг сайловчилар билан 4 марта учрашувлари ўтказилди. Жорий йилнинг 11-13 декабрь кунларида сайлов участкасида участка сайлов комиссияси аъзоларининг ўқув-семинари ташкил этилди.

Участка сайлов комиссияси чақирув қоғозлари орқали аҳолини сайлов куни ва овоз бериш жойи тўғрисида ўз вақтида хабардор қилди. Айни вақтда комиссия аъзолари 22 декабрь куни бўлиб ўтадиган муҳим ижтимоий-сиёсий жараённи қонун талаблари асосида ташкил қилишнинг барча чораларини кўрдилар.

***

Туманимизнинг Холимбег овулидаги 17-сонли умумтаълим мактабида жойлашган 101-сайлов участкасида ҳам барча сайловолди тайёргарлик ишлари Ўзбекистон Pеспубликасининг сайлов Кодекси асосида ташкил этилди.

Айни кунда мазкур участкада раис, унинг ўринбосари, котиб ва 10 нафар аъзодан иборат участка сайлов комиссияси фаолият кўрсатаяпти.

Участка сайлов комиссияси жойлашган бино тегишли тарзда жиҳозланиб, бинога Ўзбекистон Pеспубликаси ва Қорақалпоғистон Pеспубликаси Давлат байроқлари, Давлат герблари ва сайлов участкасининг тартиб рақами кўрсатилган пешлавҳалар ўрнатилди.

Участка сайлов комиссияси белгиланган муддат ичида сайловчилар рўйхатини тузиб, уни сайловчиларнинг танишиб чиқишлари учун қулай бўлган жойга илиб қўйди. Шунингдек, сайловолди тарғиботи даврида сайлов участкасида ҳамда участка ҳудудидаги бир неча жойларга Ўзбекистон Pеспубликаси Олий Мажлиси Қонунчилик палатаси, Қорақалпоғистон Pеспубликаси Жўқорғи Кенгеси ва Халқ депутатлари туман Кенгаши депутатлигига номзодларнинг таржимаи ҳоли ва сайловолди дастурлари акс эттирилган плакатлар ўрнатилди. Шу орқали сайловчиларнинг депутатликка номзодлар ҳақидаги маълумотлар билан танишишига имкониятлар яратилди.

Сайловолди тарғиботи даврида барча вакиллик органларига сиёсий партиялар томонидан депутатликка кўрсатилган номзодлар билан сайловчиларнинг 3 марта учрашувлари ўтказилди.

Жорий йилнинг 11-14 декабрь кунлари сайлов участкасида участка сайлов комиссияси аъзоларининг ўқуви ташкил этилиб, уларга сайлов жараёнида амалга ошириладиган ишлар бўйича кенг турда тушунчалар берилди.

Участка сайлов комиссияси айни кунгача 2 минг 288 нафар сайловчига чақирув қоғозларини тарқатиб, уларни сайлов куни ва сайлов ўтказиладиган жой тўғрисида барвақт хабардор қилиб қўйди.

***

Туманимизнинг Дўрман овули ҳудудидаги 84-сонли мактабда жойлашган сайлов участкасида фаолият кўрсатаётган участка сайлов комиссияси аъзолари ҳам сайловга тайёргарлик ишларини тўлиқ якунига етказдилар.

Айни кунгача сайлов участкасида яширин овоз бериш кабиналари, кузатувчилар учун алоҳида жойлар тахт қилиб қўйилди. Сайловолди тарғиботи даврида участкага ташриф буюрган кишилар сайловга доир плакатлар, депутатликка номзодларнинг таржимаи ҳоли ва сайловолди дастурлари, шунингдек, сайловчилар рўйхати билан танишиш имкониятига эга бўлдилар.

Шу кунгача сайлов участкасида Ўзбекистон Pеспубликаси Қонунчилик палатаси, Қорақалпоғистон Pеспубликаси Жўқорғи Кенгеси ва туман Кенгаши депутатлигига номзодлар билан сайловчиларнинг 7 марта учрашувлари ташкил этилди. 2 марта участка сайлов комиссияси аъзоларининг ўқуви ташкил этилиб, сайлов жараёнида бевосита иштирок этувчи масъуллар Ўзбекистон Pеспубликасининг сайлов Кодекси билан яқиндан таништирилди.

104-сонли сайлов участкасида овоз берувчи 1 минг 564 нафар сайловчига чақирув қоғозлари топширилиб, улар сайлов куни ва сайлов ўтказиладиган жой ҳақида барвақт хабардор қилинди.

А.ЖУМАНИЁЗОВ.