“Muzqaymoq party shou” кечаси барчага бирдек завқ бағишлади
“Қиличбой” маданият маркази томонидан ўтказилаётган “Muzqaymoq party shou” кечаси нафақат ёшларга, балки туманимизнинг турли ёшдаги аҳолисига ҳам ниҳоятда манзур бўлаётган қизиқарли тадбирлардан бирига айланмоқда. Тадбир давомида томошабинлар иштирокида турли викториналар ўтказилиб, уларга кеча ташкилотчилари томонидан турли совғалар тақдим этилмоқда. Туманнинг истеъдодли ёшлари томонидан ижро этилаётган қўшиқлар эса кечага янада файз киритмоқда.
14 июль куни шаҳримиздаги хушманзара жойлардан бири бўлган Истироҳат боғида туман ёшлари учун яна “Muzqaymoq party shou” кечаси ташкиллаштирилди. Унга туманимизнинг барча ҳудудларидан турли ёшдаги юртдошларимиз ташриф буюришди. Қиличбой, Куюккўпир, Оқ олтин, Назархон, Қангли овуллари, Қипчоқ шаҳарчаси, Манғит шаҳри ва ҳатто туманимизга қўшни Қирғизистон давлатидан меҳмон бўлиб келган томошабинлар иштирокида яна турли ютуқларга бой бўлган викториналар, қизиқарли савол-жавоблар ўтказилди. Кеча ташкилотчилари томонидан ютуққа қўйилган кир ювиш машинаси, велосипед, телевизор, турли китоблар ва бошқа совғалар ўз эгаларини топди. Кеча давомида истеъдодли санъаткор ёшлар томонидан хушнаво, шўхчан қўшиқлар ижро этилди.
Совғаларни ютуқ эгаларига “Қиличбой” маданият маркази мудири Икром Сийтимов ҳамда “Манғит Истироҳат боғи” директори, тадбиркор Санамжон Нагимовалар топширишди.
Барчага бирдек завқ бағишлаган, юртдошларимизни хушнуд этган “Muzqaymoq party shou” кечаси тизимли равишда яна ташкиллаштирилиб борилади.
Дилдора Абдураҳмонова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
