ЎЗГАГА ҲАВАС ҚИЛИБ...
"Ёшлар” телеканалида бир неча ой давомида намойиш этилган "Сенга ошиқман” ҳинд телесериали кўпчиликнинг диққатини ром этиб, ўзига асир қилиб қўйди.
Ўша сериални кўраман, деб бир келинчак боласининг эндигина чой дамланган чойнакни тортиб юборганини билмай қолган. Бирпасгина бепарволиги болакайнинг куйиб, қанча азобланишига, ҳафта-ўн кун касалхонада ётишига сабаб бўлди.
Ҳақиқий ҳаётдан жуда узоқ, эртаксифат, бироқ одоб-ахлоқ қоидаларидан жуда йироқ сериалнинг нимаси одамларни бунчалар сеҳрлаб қўйди, билмадим. Энг ёмони сериал намо-йиши бошлангач, ўша сериал қаҳрамони Ишани номи билан аталувчи турли фасондаги елкалари очиқ, енгсиз, бизнинг миллий менталитетимизга умуман тўғри келмайдиган кўйлаклар, ҳатто шиппаклар ҳам бозорларимизни тўлдирди ва қизларимиз, ҳатто ёшроқ аёллар ҳам олиб кийишга ошиқди. Сериал қаҳрамонлари сурати тасвирланган футболка, шиппакларнинг ҳозир ҳам бозори чаққон. Мактаб бозорида ҳатто сериалнинг турли лаҳзалари акс этган суратлар билан безатилган дафтарлар сотилди ва ҳамон давом этаяпти. Бу ўша маҳсулотларни ишлаб чиқараётганларнинг, харид қилаётганларнинг маънавий қашшоқлигидан далолат эмасми? Ахир ўзимизнинг миллий либосларимиз бутун дунё аҳлининг диққатини ўзига тортаётган бир вақтда, нега энди қизларимиз ўзгага ҳавас қилиб, миллийлигимизга мутлақо тўғри келмайдиган очиқ-сочиқ ва ҳаддан ташқари юпқа кийимларга ружу қўйишаяпти? Аждодларимиз асрлар оша асраб-авайлаб бизгача сақлаб келган, миллий руҳ билан суғорилган урф-одатларимизга, анъаналаримизга ҳурматсизлик эмасми, бу?
Феруза ЙЎЛДОШЕВА, Манғит Иқтисодиёт коллежи ўқувчиси.
(Фото - http://mytube.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
