BADIIY ADABIYoTNING INSONIYaT RIVOJLANIShIDAGI AHAMIYaTI

Insoniyat bosib oʻtgan yoʻlni kuzatar ekanmiz, barcha buyuk xalqlarda adabiyotga, maʼnaviyatga katta eʼtibor qaratilganligini qoʻrishimiz mumkin. Toʻgʻri, insoniyat rivojlanishi ilm-fan va texnika yutuqlari bilan belgilanadi. Ammo qanday shaxs rivojlanish darajasiga erishadi? Albatta, hayotiy tajribaga ega, keng fikrlash imkoniga, ilm-fanni, insoniyat taqdirini umrining ajralmas boʻlagi deb bilgan inson dunyo xalqlarini yetaklashga qodir. Bunday insonlar ezgu tuygʻular sohibi boʻlishadi. Adabiyot ana shunday avlodni tarbiyalovchi vositadir.

Inson badiiy asar mutolaasi natijasida nimaga erishishi mumkin? Bu kabi savollar bir necha yillardan buyon kitobxonlar diqqat-eʼtiborini oʻziga jalb qilib kelmoqda. Chin maʼnodagi jonli badiiy asar zamirida hayot va insoniyatning maʼlum tomonlari oʻz aksini topadi. Dunyo xalqlari adabiyoti dunyo xalqlarining koʻzgusidir. Fantastik ruhdagi asarlar borki, bu asarlar olamshumul ilm-fan kashfiyotlariga sababchi boʻlgan.

Buyuk asarlarni oʻrganish jarayonida men deyarli barchasida maʼnaviy masalalar birinchi darajali ekanligiga guvoh boʻldim. Demak, badiiy asar tub zamirida hayot, tarix xatolari, bugun va kelajak muammolari joy oladi. Kitob oʻqish orqali insonning ruhi oydinlashadi, fikri tiniqlashadi. Asardagi voqea-hodisalar, tasvirlar va qahramonlarning rang-barang taqdirlari sabab kitobxon oʻzini anglashga kurashish kabi tuygʻular sohibiga aylanadi. Badiiy asar insoniyatni kamolot tomon yetaklaydi.

Surayyo ERKINOVA.