Umumtaʼlim maktablarida birinçi qönğiroq çalinib, Bilimlar kuni keng nişonlandi va yangi öquv yili boşlandi

Xalqimiz tarixida taʼlim-tarbiya, maktab va kitob, ustoz va ilm-fan azaldan yuksak qadrlanib kelgan. Asrlar davomida şakllangan bu ezgu anʼana bugun ham öz ahamiyatini yöqotmagan. Şiddatli yangilanişlar yölidan borayotgan jonajon Özbekistonimizda maktab taʼlimi jamiyat taraqqiyotining asosiy ustunlaridan biri sifatida eʼtirof etilib, sohaga davlat siyosati darajasida alohida eʼtibor qaratilmoqda.

Maktabgaça va maktab taʼlimi vazirligi tomonidan 2-sentyabr kuni yurtimiz böylab barça umumtaʼlim muassasalarida «Birinçi qönğiroq» tadbirlari taşkil etildi. Mamlakatimizning har bir burçagida bayram şukuhi kezib yurgan şu kunlarda ötkazilgan uşbu tadbirlarda taʼlim tizimida kutilayotgan yangiliklar va sohada amalga oşirilayotgan özgarişlar haqida söz yuritildi. Maktablar hovlisi va sinfxonalar gullarga burkanib, kiçkintoylarning quvonçli tabassumi, ota-onalarning iftixor tuyğusi va ustozlarning mehrli nigohi uşbu kunga alohida fayz bağişladi.

Amudaryo tumani hokimi Sobir Xöjametov tumandagi 36-sonli maktabga taşrif buyurib, «Birinçi qönğiroq» tadbirida iştirok etdi. U barça öqituvçi va öquvçilarni, ota-onalarni yangi öquv yilining boşlanişi, Vatanimiz mustaqilligining 35 yillik qutluğ bayramiga uyğun va hamohang holda ötayotgan Bilimlar kuni bilan çin dildan samimiy muborakbod etdi. Darhaqiqat, istiqlolimizning şonli sanasi bilan hamnafas nişonlanayotgan bu bayram yoş avlod uçun alohida maʼno va mazmun kasb etmoqda.

Tabrik nutqida Prezidentimizning mamlakatimiz maktablari öquvçilari va ustoz-murabbiylariga yöllagan tabrigidagi fikrlarga alohida töxtalib ötildi. Muhtaram Prezidentimiz öz tabrigida taʼkidlaganlaridek, "yoşlar uçun baxtli va saodatli hayot eşiklarini oçadigan kalit ham, umr yöllarida paydo böladigan murakkab savollarning yeçimi, sinov va maşaqqatlarni yengib ötişning kafolati ham faqat bilim, bilim va bilimdir". Uşbu teran fikr har bir öquvçi va har bir ustoz uçun öziga xos hayotiy dasturulamal bölib xizmat qilişi şubhasiz.

Bilimlar kuni bayramida tajribali öqituvçilar va ota-onalar sözga çiqib, maktab jamoasini va barça öquvçilarni yangi öquv yilining boşlanişi bilan tabrikladilar. Şundan keyin birinçi qönğiroq çalinib, ilk darslar boşlandi.

Joriy öquv yilining ilk darslarida öquvçilarga mustaqillikning davlatimiz va xalqimiz hayotidagi ahamiyati, unga erişiş yölida jon fido qilgan ajdodlarimizning şarafli hayot yöli, bugungi kunda istiqlol şarofati bilan erişilayotgan yutuqlar haqida keng turda maʼlumotlar berildi. Yoşlar qalbida Vatanga muhabbat, milliy ğurur va iftixor tuyğularini kamol toptirişga qaratilgan bu darslar yangi öquv yilining mazmunli ibtidosi böldi.

Aytiş joizki, Amudaryo tumani böyiça 4400 nafardan ortiq öquvçi 2026-2027 öquv yilida 1-sinfga qabul qilindi. Bilimlar kunida ötkazilgan «Birinçi qönğiroq» tadbirlarida 12 nomdagi öquv qurollaridan iborat «Prezident sovğasi» barça 1-sinf öquvçilariga tantanali ravişda topşirildi. Ilk bor maktab ostonasini hatlagan kiçkintoylar uçun bu sovğa nafaqat zarur öquv anjomi, balki davlatimiz va jamiyatimizning ularga bölgan işonçi va ğamxörligining yorqin ramzi böldi.

Taʼkidlaş örinliki, taʼlim sifatini oşiriş borasidagi islohotlar natijasida hozirda tumanda jami 22 ta maktab yangi baholaş tizimiga ötib, bu körsatkiç jami maktablarning 25 foizini taşkil qildi. Yangi 2026-2027 öquv yilidan boşlab yana 10 ta maktabda mazkur tizim joriy etiladi. Bu esa öquvçilar bilimini xolis va şaffof baholaş, ularning haqiqiy salohiyatini oçib beriş imkonini kengaytiradi.

Tuman hokimining aynan 36-sonli maktab jamoasi va öquvçilarini qutlaş uçun taşrif buyurgani ham bejiz emas. Mazkur maktabning variativ yönalişdagi 11-«B» «Muhandislik» sinfining barça 25 nafar öquvçisi oliy taʼlim muassasalariga öqişga kirib, talabalik baxtiga muyassar böldi. Bunday yuqori körsatkiç tirişqoq yoşlarning bilimga intilişi va fidoyi ustozlarning samarali mehnatining yorqin ifodasidir.

Amudaryo tumanidagi barça umumtaʼlim maktablarida nişonlangan Bilimlar kuni faqat bayram tadbiri emas, balki taʼlim sohasidagi izçil islohotlarning amaliy natijalarini namoyon etgan kun böldi. Maktab ostonasini ilk bor hatlagan minglab kiçkintoylar va yana bir yoşga ulğayib, yuqori sinfda öqişini davom ettirişga kirişgan öquvçilarning közlaridagi quvonç ularning porloq kelajagidan nişonadir. Zero, bilimli va intellektual salohiyatli avlod — mustaqil Özbekistonning eng katta boyligi va tayançidir.