Said Ahmad bobomiz yuz yoshga kirar edi
Sevimli adibimiz Said Ahmad qalamiga mansub asarlar hozir ham eskirmagan, sevib oʻqiladi. "Kelinlar qoʻzgʻoloni" telespektaklini qancha koʻp koʻrsak ham hech zerikmaymiz. "Ufq" trilogiyasi esa adabiyotimizning, shubhasiz, oltin xazinasidir.
Yaqinda maktab darsligimizda adibimizning hayoti va ijodini, “Qoplon” satirasini yana takror oʻqidim. “Qoplon” satirasi bu gal oldin mutolaa qilganimdan ham koʻproq taʼsir qildi. Xuddi uni yangidan kashf qilgandek boʻldim.
Hikoyada tavsiflangan illatlar hozir jamiyatimizda yoʻq, deb oʻylaysizmi? Kim Qurbonboy kabi kimsalarni koʻrmaganman, deb ayta oladi. Gohida odamning yigʻlagisi keladi. Buyuk maʼnaviyat sohiblarini ulgʻaytgan xalqda laganbardorlarning borligi har qanday kishini qattiq oʻylantiradi. Hikoyani oʻqir ekanmiz, Qurbonboyning er kishiga nomunosib harakatlaridan noqulay holatga tushamiz.
Janob Tillayev boshida unga eʼtibor qaratmaydi. Keyinchalik ixlos qilib, koʻp yordamlar qiladi. Rahbarlikdan boʻshaganidan soʻng, na Qurbonboy, na uning iti qoplon qoladi...
Said Ahmad qoplon obrazidan mohirona foydalangan. Yangi rahbarning uyiga mehmon boʻlib borganida uy sohibi qoplonni maqtanadi. Tillayev esa Qurbonboyga ishora qilib, bu it unga tanishligini aytadi...
Men Said Ahmad bobomiz asarlarini oʻqib, turfa xil qiyofalar, insonlar ruhiyati, har xil voqea-hodisalarga duch boʻlayapman va har oʻqiganimda haliga qadar ahamiyatini yoʻqotmaganidan juda hayratlanaman. Siz ham mutolaa qiling va hayotni oʻrganing, bilimingizni, maʼnaviyatingizni boyitib, dunyoqarashingizni kengaytiring!
Muyassarxon Yodgorova, “Durunki” mahallasi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
