Саид Аҳмад бобомиз юз ёшга кирар эди
Севимли адибимиз Саид Aҳмад қаламига мансуб асарлар ҳозир ҳам эскирмаган, севиб ўқилади. "Келинлар қўзғолони" телеспектаклини қанча кўп кўрсак ҳам ҳеч зерикмаймиз. "Уфқ" трилогияси эса адабиётимизнинг, шубҳасиз, олтин хазинасидир.
Яқинда мактаб дарслигимизда адибимизнинг ҳаёти ва ижодини, “Қоплон” сатирасини яна такрор ўқидим. “Қоплон” сатираси бу гал олдин мутолаа қилганимдан ҳам кўпроқ таъсир қилди. Худди уни янгидан кашф қилгандек бўлдим.
Ҳикояда тавсифланган иллатлар ҳозир жамиятимизда йўқ, деб ўйлайсизми? Ким Қурбонбой каби кимсаларни кўрмаганман, деб айта олади. Гоҳида одамнинг йиғлагиси келади. Буюк маънавият соҳибларини улғайтган халқда лаганбардорларнинг борлиги ҳар қандай кишини қаттиқ ўйлантиради. Ҳикояни ўқир эканмиз, Қурбонбойнинг эр кишига номуносиб ҳаракатларидан ноқулай ҳолатга тушамиз.
Жаноб Тиллаев бошида унга эътибор қаратмайди. Кейинчалик ихлос қилиб, кўп ёрдамлар қилади. Раҳбарликдан бўшаганидан сўнг, на Қурбонбой, на унинг ити қоплон қолади...
Саид Aҳмад қоплон образидан моҳирона фойдаланган. Янги раҳбарнинг уйига меҳмон бўлиб борганида уй соҳиби қоплонни мақтанади. Тиллаев эса Қурбонбойга ишора қилиб, бу ит унга танишлигини айтади...
Мен Саид Aҳмад бобомиз асарларини ўқиб, турфа хил қиёфалар, инсонлар руҳияти, ҳар хил воқеа-ҳодисаларга дуч бўлаяпман ва ҳар ўқиганимда ҳалига қадар аҳамиятини йўқотмаганидан жуда ҳайратланаман. Сиз ҳам мутолаа қилинг ва ҳаётни ўрганинг, билимингизни, маънавиятингизни бойитиб, дунёқарашингизни кенгайтиринг!
Муяссархон Ёдгорова, “Дурунки” маҳалласи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
