21 нафар хотин-қизларга субсидия асосида замонавий тикув машиналари топширилди
Бугунги кунда мамлакатимизда аёлларга бўлган эътибор ва ғамхўрлик туфайли кўплаб хотин-қизларнинг йиллар давомида тўпланиб қолган муаммолари ўз ечимини топмоқда.
Амударё тумани Камбағалликни қисқартириш ва бандликка кўмаклашиш бўлими кўмаги ҳамда ҳоким ёрдамчилари тавсия билан ишсиз хотин-қизларнинг бандлигини таъминлаш мақсадида яна бир хайрли ишга қўл урилди. Туман ҳокимлиги биносида “Аёллар дафтари” ҳамда “Ёшлар дафтари”дага киритилган 21 нафар хотин-қизларга уларнинг ўзини-ўзи банд қилишларига ва доимий даромад манбаларига эга бўлишларига кўмаклашиш мақсадида замонавий тикув машиналари, бир нафар фуқарога эса мотокультиватор олиб берилди.
Субсидия асосида харид қилинган мазкур жиҳозларни ўз эгаларига топшириш мақсадида ташкил қилинган тадбирда туман ҳокими ўринбосари, Оила ва хотин-қизлар бўлими бошлиғи Гўзал Собурова, туман Камбағалликни қисқартириш ва бандликка кўмаклашиш бўлими вазифасини бажарувчи Муроджон Болтабоев, овул ва маҳаллаларнинг ҳоким ёрдамчилари ҳамда масъуллар иштирок этишди.
Тадбирда туман ҳокими ўринбосари, Оила ва хотин-қизлар бўлими бошлиғи Гўзал Собурова мамлакатимизда аҳолининг ижтимоий ҳимояга муҳтож қатламини қўллаб-қувватлаш, уларнинг иш билан бандлигини таъминлаш, янги иш ўринларини яратиш, хотин-қизлар ҳамда ёшларнинг муаммоларини ҳал этиш борасида белгиланган чора-тадбир, устувор вазифаларга батафсил тўхталиб ўтди.
Бутун мамлакатимизда бўлгани каби Амударё туманида ҳам аҳолининг ижтимоий ҳимояга муҳтож қатламини қўллаб-қувватлаш, уларни камбағалликдан чиқариш, касб-ҳунарга ўқитиш, имтиёзли банк кредитларини олиб, ўз тадбиркорлик фаолиятларини йўлга қўйишларига яқиндан ёрдам бериш мақсадида тизимли ишлар амалга оширилмоқда.
Айниқса, хотин-қизларни ҳар томонлама қўллаб-қўвватлаш, муаммоларини ҳал қилиш мақсадида жорий этилган “Аёллар дафтари” бу борада муҳим восита бўлмоқда.
Туман Камбағалликни қисқартириш ва бандликка кўмаклашиш бўлими вазифасини бажарувчи Муроджон Болтабоев, мамлакатимизда аҳолининг ижтимоий ҳимояга муҳтож қатламини қўллаб-қувватлаш, уларнинг иш билан бандлигини таъминлаш, янги иш ўринларини яратиш, айниқса, уюшмаган ёшларнинг муаммоларини ҳал этиш борасида белгиланган чора-тадбир, устувор вазифаларга батафсил тўхталиб ўтди. Шунингдек, “Аёллар дафтари” рўйхатига киритилган хотин-қизлар билан манзилли ишлаш бўйича эришилаётган ютуқлар, кўплаб аёлларнинг ўзини-ўзи банд қилиш тамойили асосида иш юритиб, оиласи фаровонлигига ҳисса қўшаётганлиги алоҳида эътироф этилди.
Чиндан ҳам, бугунги кунда “Аёллар дафтари”, “Ёшлар дафтари”, “Темир дафтар” рўйхатларига киритилган фуқароларга яратиб берилаётган имкониятлар кўплаб юртдошларимизнинг иш билан банд бўлиб, доимий даромадга эга бўлишига, оиласи иқтисодига фойда келтиришига имконият яратмоқда. Ишонамизки, янги жиҳозларга эга бўлган юртдошларимиз ҳам келгусида оиласи фаровонлигига ҳисса қўшадилар.
Туман ҳокимлиги Ахборот хизмати
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
