21 nafar xotin-qizlarga subsidiya asosida zamonaviy tikuv mashinalari topshirildi
Bugungi kunda mamlakatimizda ayollarga boʻlgan eʼtibor va gʻamxoʻrlik tufayli koʻplab xotin-qizlarning yillar davomida toʻplanib qolgan muammolari oʻz yechimini topmoqda.
Amudaryo tumani Kambagʻallikni qisqartirish va bandlikka koʻmaklashish boʻlimi koʻmagi hamda hokim yordamchilari tavsiya bilan ishsiz xotin-qizlarning bandligini taʼminlash maqsadida yana bir xayrli ishga qoʻl urildi. Tuman hokimligi binosida “Ayollar daftari” hamda “Yoshlar daftari”daga kiritilgan 21 nafar xotin-qizlarga ularning oʻzini-oʻzi band qilishlariga va doimiy daromad manbalariga ega boʻlishlariga koʻmaklashish maqsadida zamonaviy tikuv mashinalari, bir nafar fuqaroga esa motokultivator olib berildi.
Subsidiya asosida xarid qilingan mazkur jihozlarni oʻz egalariga topshirish maqsadida tashkil qilingan tadbirda tuman hokimi oʻrinbosari, Oila va xotin-qizlar boʻlimi boshligʻi Goʻzal Soburova, tuman Kambagʻallikni qisqartirish va bandlikka koʻmaklashish boʻlimi vazifasini bajaruvchi Murodjon Boltaboyev, ovul va mahallalarning hokim yordamchilari hamda masʼullar ishtirok etishdi.
Tadbirda tuman hokimi oʻrinbosari, Oila va xotin-qizlar boʻlimi boshligʻi Goʻzal Soburova mamlakatimizda aholining ijtimoiy himoyaga muhtoj qatlamini qoʻllab-quvvatlash, ularning ish bilan bandligini taʼminlash, yangi ish oʻrinlarini yaratish, xotin-qizlar hamda yoshlarning muammolarini hal etish borasida belgilangan chora-tadbir, ustuvor vazifalarga batafsil toʻxtalib oʻtdi.
Butun mamlakatimizda boʻlgani kabi Amudaryo tumanida ham aholining ijtimoiy himoyaga muhtoj qatlamini qoʻllab-quvvatlash, ularni kambagʻallikdan chiqarish, kasb-hunarga oʻqitish, imtiyozli bank kreditlarini olib, oʻz tadbirkorlik faoliyatlarini yoʻlga qoʻyishlariga yaqindan yordam berish maqsadida tizimli ishlar amalga oshirilmoqda.
Ayniqsa, xotin-qizlarni har tomonlama qoʻllab-qoʻvvatlash, muammolarini hal qilish maqsadida joriy etilgan “Ayollar daftari” bu borada muhim vosita boʻlmoqda.
Tuman Kambagʻallikni qisqartirish va bandlikka koʻmaklashish boʻlimi vazifasini bajaruvchi Murodjon Boltaboyev, mamlakatimizda aholining ijtimoiy himoyaga muhtoj qatlamini qoʻllab-quvvatlash, ularning ish bilan bandligini taʼminlash, yangi ish oʻrinlarini yaratish, ayniqsa, uyushmagan yoshlarning muammolarini hal etish borasida belgilangan chora-tadbir, ustuvor vazifalarga batafsil toʻxtalib oʻtdi. Shuningdek, “Ayollar daftari” roʻyxatiga kiritilgan xotin-qizlar bilan manzilli ishlash boʻyicha erishilayotgan yutuqlar, koʻplab ayollarning oʻzini-oʻzi band qilish tamoyili asosida ish yuritib, oilasi farovonligiga hissa qoʻshayotganligi alohida eʼtirof etildi.
Chindan ham, bugungi kunda “Ayollar daftari”, “Yoshlar daftari”, “Temir daftar” roʻyxatlariga kiritilgan fuqarolarga yaratib berilayotgan imkoniyatlar koʻplab yurtdoshlarimizning ish bilan band boʻlib, doimiy daromadga ega boʻlishiga, oilasi iqtisodiga foyda keltirishiga imkoniyat yaratmoqda. Ishonamizki, yangi jihozlarga ega boʻlgan yurtdoshlarimiz ham kelgusida oilasi farovonligiga hissa qoʻshadilar.
Tuman hokimligi Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
