38 НАФАР ЁШЛАРГА СУБСИДИЯ АСОСИДА МEҲНАТ ҚУРОЛЛАРИ, КОМПЬЮТЕР ТОПШИРИЛДИ
Мамлакатимизда ёшларни ҳар томонлама қўллаб-қувватлаш, уларнинг ўз ёрқин келажакларини барпо этишларига кўмак бериш, иш билан банд қилиш мақсадида маҳаллаларда истиқомат қилаётган ишсиз ёшлар билан тизимли ишлар олиб борилмоқда.
10 октябрь куни Ихтисослаштирилган таълим муассасалари агентлиги тизимидаги Амударё тумани ихтисослаштирилган мактаби олдида овул, маҳалла фуқаролар йиғини масъуллари, ишчи гуруҳ аъзолари томонидан “Ёшлар дафтари”га киритилган ишсиз, ўз дароманд манбаига эга бўлмаган бир гуруҳ ёшларга касб-ҳунар билан шуғулланишлари учун зарур жиҳозлар тақдим этилди.
Тадбирда туман ҳокими Собир Хўжаметов, секторлар раҳбарлари, Ёшлар ишлари агентлиги туман бўлими ходимлари, фуқароларнинг ўзини ўзи бошқариш органлари раислари, ёшлар етакчилари иштирок этдилар.
Таъкидланганидек, мамлакатимизда жамият ҳаётида аёллар ва ёшларнинг ролини ошириш ва бандлигини таъминлашга алоҳида эътибор қаратилмоқда. Бу борада янги тизим ўрнатилиб, уларни ижтимоий, ҳуқуқий қўллаб-қувватлаш, билим ва касб ўрганишга эҳтиёжи, иштиёқи бор аёллар, ёшлар учун “Аёллар дафтари”, “Ёшлар дафтари” жорий этилди. Эндиликда ҳар бир маҳаллада туман, шаҳар ва вилоят кесимида “Ёшлар дафтари”, “Аёллар дафтари”, моддий ёрдам ва кўмакка муҳтож оилалар рўйхати шакллантирилган “Темир дафтар”лар алоҳида юритилмоқда ва улар билан тизимли, манзилли ишлаш йўлга қўйилмоқда. Бу аёллар ва ёшлар билан ишлашда, уларни фаол ҳаётга жалб этишда муҳим асос бўлмоқда.
Ушбу йўналишда маҳаллаларда фаолият юритаётган ёшлар етакчилари маъсуллар билан уйма-уй юриш орқали ишсиз, бироқ ишлашга, касб-ҳунар ўрганишга иштиёқманд ёшларни аниқлаб, уларнинг бандлигини таъминлашга, қўллаб-қувватлашга интилмоқда.
Тадбирда туман ҳокими Собир Хўжаметов туманимизда ёшларни қўллаб-қувватлаш, бандлигини таъминлаш, ҳаётий муаммоларини ҳал этиш борасида амалга оширилган ишларга кенг тўхталди ва бу борадаги ишлар келгусида ҳам давом эттирилишини, юртимизда ёшлар келажаги учун, уларнинг яхши яшаши, касб-ҳунар эгаллаб, ўз иқтидорларини намоён этишлари учун ғамхўрлик кучайтирилишини маълум қилди.
Шундан сўнг ишчи гуруҳ тавсиясига кўра, “Ёшлар дафтари”га киритилган туманимизнинг турли ҳудудларида истиқомат қилувчи 38 нафар ёшларга субсидия асосида касб фаолияти билан шуғулланишлари учун зарур жиҳозлар ҳамда компьютерлар топширилди.
Хусусан, 17 нафар аёл-қизларга тикувчилик машинаси, 7 нафар ёшларга компьютер, 14 нафар ёшларга мотокультиваторлар топширилди.
Шу ўринда ишсиз ёшларнинг бандлигини таъминлаш ва доимий даромадга эга бўлишларига имконият яратиш мақсадида меҳнат ярмаркалари ўтказилаётгани, тадбиркорлик фаолиятини бошлашлари учун имтиёзли кредитлар ажратилаётганини ҳам таъкидлаш жоиз. Амалга оширилаётган бунингдек тизимли чора-тадбирлар ёшларнинг ҳаётда ўз ўринларини топишларига, оиласи фаровонлигини таъминлашига хизмат қилади.
38 нафар ишсиз ёшларга меҳнат фаолиятини бошлашлари учун асбоб-ускуналар тақдим этилгани – 38 та оилага қувонч, эртанги кунга ишонч олиб киради, албатта.
Севара ИСМОИЛОВА
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
