“БЕШ МУҲИМ ТАШАББУС – ЁШЛАРГА ҚАНОТ” НОМЛИ ГРАНТ ЛОЙИҲАСИ ДОИРАСИДА ОЧИҚ ДАРС МАШҒУЛОТЛАРИ ЎТКАЗИЛДИ
“Менинг оилам” газетаси таҳририятининг “Беш муҳим ташаббус – ёшларга қанот” номли грант лойиҳаси доирасида ёшлар бешта ташаббус доирасидаги тадбирларга жалб этилиб келинмоқда. Ушбу грант лойиҳаси режасига кўра, лойиҳа ижрочиси Озода Худойберганова томонидан 76-сонли мактабда Тошёп овули ҳудудидаги ёшлар учун “Компьютер технологиялари ва интернетдан самарали фойдаланиш” мавзусида очиқ дарс ташкил этилди.
Дарс машғулоти давомида мактабнинг информатика фани ўқитувчиси Дилфуза Болтаева компьютер технологиялари ва интернетдан самарали фойдаланиш юзасидан тушунчалар берди.
Ундан ташқари, ёшларга “Google” қидирув тизимидан фойдаланиш, “ZiyoNET” ва ADU.UZ электрон кутубхонасидан фойдаланиш бўйича амалий кўникмалар берилиб, тушунчалари кенгайтирилди. Компьютер технологияларидан фойдаланиш кўникмаларини ривожлантириш бўйича амалий машғулот ҳам ўтказилиб, ёшлар дарс давомида олган билимларини амалда синаб кўрдилар.
Очиқ дарс давомида мавзу юзасидан савол-жавоб ўтказилди ва ёшлар ўз билимларини мустаҳкамлаб олдилар.
Қипчоқ овулида жойлашган 11-сонли мактабда ҳам ҳудуд ёшлари учун “Компьютер технологиялари ва интернетдан самарали фойдаланиш” мавзусида очиқ дарс ўтказилди. Ушбу тадбирга ҳудуднинг ногиронлиги бўлган ёшлари ва мактаб ўқувчилари қамраб олинди.
Очиқ дарсни лойиҳа ижрочиларидан бири Ойгул Ражабова бошлаб берди ва компьютер технологиялари ва интернетнинг ҳаётимиздаги тутган ўрни, ундан самарали фойдаланиш юзасидан маъруза қилди.
Шундан сўнг, мактабнинг информатика фани ўқитувчиси Гулчеҳра Қурбонбоева ўқувчиларга компьютер технологиясидан таълим олишда, ишлаб чиқариш жараёнида фойдаланиш йўл-йўриқлари ҳақида кенг тушунчалар берди.
Мактаб директорининг ўқув ишлари бўйича ўринбосари Матлуба Қурбониёзова ўқувчиларнинг компьютер саводхонлигини синовдан ўтказиш бўйича савол-жавоблар ўтказди.
Очиқ дарс жараёнида ўқувчиларнинг замонавий ахборот-коммуникацион технологияларини пухта эгаллаётганликлари яққол намоён бўлди.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
