ИСТЕЪМОЛЧИЛАРНИ КУЗ-ҚИШ МАВСУМИДА УЗЛУКСИЗ ЭЛЕКТР ЭНЕРГИЯСИ БИЛАН ТАЪМИНЛАШ ЧОРАЛАРИ КЎРИЛДИ
Халқимизнинг ҳаётдан рози яшашини таъминлаш мақсадида мамлакатимизда амалга оширилаётган ишлар жуда кенг миқёсли бўлиб, биринчи навбатда аҳолининг маиший муаммоларини ҳал этиш, уларни узлуксиз электр энергияси билан таъминлаш борасидаги ишларни юксак сифат даражасига кўтаришга ҳамиша энг устувор вазифа сифатида қаралади. Чунки халқимиз “ризқингни сотиб равшан ол”, деган ҳикматли иборани бекорга яратмаган. Шу боис, энг чекка қишлоқларда истиқомат қилувчи аҳолининг ҳам электр энергиясига бўлган эҳтиёжини тўлиқ қондириш мақсадида шахсан Президентимиз топшириғига биноан, эскирган электр узатиш тармоқларини, яроқлилик муддатлари ўтган трансформатор пунктларини янгисига алмаштириш, таъмирталаб электр ускуналарини қайта таъмирлаш, симёғочлар ўрнига бетон устунлар ўрнатиш ишлари амалга оширилмоқда.
Бу борада Амударё туман Электр таъминоти корхонаси томонидан олиб борилаётган тиклаш-таъмирлаш ишлари, истеъмолчиларга узлуксиз электр энергияси етказиб бериш мақсадида электр тақсимлаш пунктлари ва узатиш тармоқларида ўтказилаётган синаш, тиклаш-таъмирлаш ишларидан истеъмолчилар мамнун.
Жорий 2023-2024 йил куз-қиш мавсумида истеъмолчиларни узлуксиз ва сифатли электр энергияси билан таъминлаш, шунингдек, кучли шамол, сел-ёмғир ҳолатлари юз берганида ва бундай ҳолатларнинг олдини олиш мақсадида жойлардаги 46 дона трансформатор пунктлари, 161,6 км. узунликдаги ҳаво электр тармоқлари, 12 дона таянч устунлари алмаштирилиб, мазкур объектларда сифатли мукаммал таъмирлаш ишлари бажарилди.
Бундан ташқари, 108та трансформатор пунктларида, 251 км. узунликдаги электр узатиш ҳаво тармоқларида жорий таъмирлаш ишлари муваффақиятли якунланиб, куз-қиш мавсумига тахт қилиб қўйилди.
2023-2024 куз-қиш мавсумига тайёргарлик жараёнида туманнинг Хизр эли, Ўзбекистон, Қорамон, Дурунки, Дўстлик, Беш овул, Аёқчи, Гулзор, Уйшин маҳаллалари ҳамда Бобур номли, Амир Темур номли, Чойкўл, Тўлқин, Дўрман ва Қангли овулларида истиқомат қилувчи истеъмолчиларни куз-қиш мавсумида ҳеч қандай муаммосиз электр энергияси билан таъминлаш мақсадида ва электр узатиш тармоқларида муаммо юз бермаслиги учун 14 дона трансформатор пункти ҳамда 33,40 км. узунликдаги электр узатиш тармоқларини қуриш режалаштирилган эди. Айни пайтда мазкур ҳудудларда электр узатиш тармоқлари тортилиб, 10та трансформатор пунктлари ўрнатилди, яна тўртта трансформатор пунктларини ўрнатиш ишлари давом эттирилмоқда.
Шунингдек, фавқулодда ҳолатларнинг олдини олишга қаратилган чора-тадбирлар ҳам кўриб қўйилди. Хусусан, бундай ҳолатларда хавфни тезда бартараф этиш мақсади-да қўшимча заҳира материаллар тайёрланди. Зарур автотранспорт воситалари, ёнғинга қарши ускуналар соз ҳолатга келтирилиб, фавқулодда ҳолатларни тезда бартараф этишга йўналтирилувчи ва тиклаш-таъмирлаш ишларини амалга оширишга масъул бригада ҳам тузилди. Ишчи-ходимларнинг дам олиш, ювиниш хоналари ҳам жиҳозлаб қўйилди. Ошхонада барча қулай шароитлар яратилиб, куз-қиш мавсумини талофатсиз ўтказиш бўйича режавий жадвал ишлаб чиқилди. Шу билан бирга тун-у кун узлуксиз навбатчилик тизими қайта кўриб чиқилиб, қатъий интизомга асосланган тизим ташкил этилди.
Ж.АЛЛАНИЯЗОВ, Амударё ТЭТ бош муҳандиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
