20.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
20.11.2026, 23:00
Жамият 👁 295

МАТОНАТ ВА ЖАСОРАТ СОҲИБАЛАРИ

МАТОНАТ ВА ЖАСОРАТ СОҲИБАЛАРИ

Атрофимизда турфа хислатли инсонлар кўп. Уларга қараб, бирига ҳавас қилсак, яна бирларининг ҳатти-ҳаракатларидан ажабланамиз. Нега? Чунки тан-жони соғ, қадамидан ўт чақнайдиган инсонларнинг ўз ҳузур-ҳаловатини кўзлаб, Аллоҳ томонидан берилган гўзал ҳаёт лаҳзаларини бекорчилик билан ўтказаётганларидан кўнглимиз хижил бўлади. Бундай боқибеғам инсонлар давлат идораларига гўёки ўз “ҳақ-ҳуқуқи”ни талаб қилиб, ойлаб мурожаат йўллашдан, овул ва маҳалла фуқаролар йиғини раисларининг қабулига келиб, моддий ёрдам сўрашдан асло тортинмайдилар.

Ҳавасимизга, эътиборимизга муносиб инсонлар эса ҳаёт гўзаллигини ҳис қилиб яшаш умр зийнати эканлигини, гарчи имконияти чекланган, қайсидир жиҳатдан ногиронлиги бор бўлишига қарамай, олдинга интилишга, келажакка ишонч билан яратувчанлик руҳида яшашга интиладилар ва ҳатто маълум ютуқларга ҳам эришадилар. Назаримда бундай кўнгли кемтик инсонларнинг бу каби фидойиликлари юқорида айтганимиздай, давлатнинг чўнтагига кўз тикиб яшаётган боқибеғам инсонлар учун ҳақиқий ибратдир.

Амударё туман Ногиронлар жамиятининг аъзоларининг ҳаётдан ўз ўринларини топиб, ижтимоий фойдали меҳнат билан шуғулланишлари учун жамият раиси Нилуфар Холбоева доимо изланишда, ҳаракатда. Нилуфархоннинг ишнинг кўзини билиб режалар тузиши, жамият аъзоларининг ҳаётдан рози яшашларини таъминлашга қаратилган саъй-ҳаракатлари туфайли Олий Мажлис ҳузуридаги ННТлар ва фуқаролик жамиятининг бошқа институтларини қўллаб-қувватлаш жамоат фондининг грант-лойиҳаларида қатнашиб, бир неча марта ғолибликни қўлга киритди ва ғолиблик сертификати асосида ажратилган грант-маблағларини мақсадли сарфлаб, режалаштирилган лойиҳаларни муваффақиятли амалга ошириб келмоқда. Натижада жамият қошида ташкил этилган тикувчилик, тўқувчилик, компьютер саводхонлиги бўйича ўқув курсларида таҳсил олган жамият аъзолари нафақат ўзи ва оиласи, балки, атрофидаги инсонлар, ўзлари истиқомат қилаётган овул ва маҳаллалар ҳаётига фаол аралашиб, ўзини-ўзи иш билан банд қилишдан ташқари, кўплаб ёшларга касб-ҳунар ўргатишга муваффақ бўлишмоқда.

Жамиятнинг фаол аъзоларидан бири Юлдузой Каримова иккинчи гуруҳ ногирони. У болалигидан Амударё туман Ногиронлар жамияти раиси Нилуфар Холбоеванинг қўллаб-қувватлаши, маънавий рағбати туфайли туманда бўлиб ўтадиган кўплаб маънавий-маърифий тадбирларда фаол иштирок этиб келади. Шу билан бирга жамият қошида ташкил этилган тикувчилик курсида бичиш-тикиш сирларини мукаммал ўрганиб, тикувчилик билан шуғуллана бошлади. Унинг тиккан либосларини “Юлдузой тиккан”, дея фахрланиб кийиб юрувчи мижозлари сафи ошган сари у бу йўналишда ўз билим ва тажрибасини бойитишга қарор қилди. 2013-2016 йилларда Тошкент шаҳридаги имконияти чекланганлар касб-ҳунар коллежида таҳсил олди. Замонавий ва анъанавий-классик услубдаги либослар тикишни йўлга қўйди. Бир йил давомида ўзи каби имконияти чекланган, ногиронлиги бор ёшларга чеварлик сирларидан сабоқ берди. У: “қўлимда ҳунарим бор, топиш-тутишим яхши”, деб шу йўналиш бўйича тўхтаб қолишни хоҳламади. Аёл киши борки, албатта бичиш-тикиш ҳунари унинг иккинчи машғулоти бўлиши керак, деган ўйда 2019-2023 йилларда Нукус Давлат педагогика институтида таҳсил олди. Яқинда ўқитувчилик дипломини олган Юлдузойнинг орзулари бир жаҳон. Мақсади ёшларга таълим-тарбия бериш, уларни юксак маънавиятли инсонлар қилиб вояга етказишдек шарафли касбнинг қадр-қимматини ўз фаолияти орқали ошириб яшаш.

Жамиятнинг яна бир аъзоси Севинчой Турсунбоева биринчи гуруҳ ногирони. Севинчой ўзига атрофидаги соғлом одамларнинг ачиниш назари билан қарашларини умуман истамади. Бўш вақтини китоб мутолааси, турли суратлар чизиш билан ўтказадиган Севинчой дизайнерлик йўналишга қизиқиб қолди. У либослар дизайни бўйича шуғулланишдан завқланадиган, турли хис русумдаги, айниқса, фаслларга монанд либослар дизайнини яратиш устида шуғуллана бошлади. Унинг тўртта фаслга монанд либослар дизайни бўйича тўпламларини кўрган жамият раиси Нилуфар Холбоева Севинчойнинг орзуларига қанот бағишлади.

- Севинчой, қизим, шу тўпламларинг билан дизайн йўналишидаги кўрик-танловларда қатнашиб кўрмайсанми? – деди бир куни бу тиришқоқ қизнинг ижодини кўриб қувонган Нилуфархон.

Севинчой иккиланиб-иккиланиб 2022 йилда Тошкент шаҳрида бўлиб ўтган дизайн йўналишидаги кўрик-танловда иштирок этиб, совриндорлар сафидан жой олди ва кўрик-танловнинг қимматбаҳо совғалари, фахрий ёрлиғи билан тақдирланди. Унинг орзулари кўп. Келажакда дизайнерлик йўналишида ўқиб, олий маълумот олиш ва ўз билими билан халқимизга муносиб хизмат қилиш.

“Босув” маҳалласида истиқомат қилувчи Гулноза Гулмонова ҳам биринчи гуруҳ ногирони. Гарчи имконияти чекланган бўлса-да у ўзини ҳамиша кучли ва жасоратли инсонлар қаторида кўради. Бекорчиликни, лоқайдликни инсон умрининг эгови, деб билган Гулноза онаси Зевар Гулмоновадан чеварлик сирларини ўрганишга киришганида, аввалига онаси ҳам унинг сабр-тоқат билан тикувчилик ҳунарини эгаллаб олишига унчалик ишонмаганди. Лекин ёшига нисбатан жасоратли, матонатли, айниқса, кучли сабр-тоқатли бу ўсмир қизалоқ онаси кўмагида қуроқ тикишни маромига етказиб уддалайдиган, ҳатто янги-янги қуроқ турларини яратиб, ўзи мустақил равишда иш тикадиган бўлди. Аввал ўзларининг эҳтиёжига кўра, қуроқ кўрпача, ёстиқ, дастурхонлар тиккан бўлса, кейинчалик унинг ишидан мамнун бўлган қўни-қўшнилар, қариндошларининг буюртмаларини бажарадиган бўлди. У гул-қуроқ, шахмат қуроқ, атиргул қуроқ, тангача қуроқ каби бири-биридан гўзал, бежирим қуроқлар тикиб, тиккан қуроқлари билан дастурхон, ёстиқ жилдлари, диван-кресло ёпқичларини безатди. Тажрибаси ошиб борган сари мижозлари сафи ҳам кўпайди. Қиз узатадиган, келин туширадиган оналар Гулноза тиккан ишларни қувониб-қувониб, “ҳунарингдан барака топ”, дея олиб кетишадиган бўлишди. Айниқса, Гулноза яратган “севги тумори” деб номланган нақшин қуроқлар келин тўйларида чимилдиқларни безатди.

- Бири-бирига жипс, чирмашиб кетган гул қуроқларда рамзий маъно бор, - дейди Гулноза. – Яъни, оилалар мустаҳкам, жипс бўлсин, икки кўнгил бири-бирига чирмашиб кетсин, деган маънода чимилдиқ қуроқ-қошларини “севги тумори” деб номлаганман.

Оддийгина мато парчаларидан ҳам гўзал маъно-мазмунлар, моҳиятлар топиб, эл-юртнинг эзгу ниятларига эш бўлиб яшаётган Гулнозахон, қалбларида азиз халқига яхшилик қилишдек орзулари оғушида ўз умрларини касб-корлари билан безатиб, халқ меҳрига сазовор, интилишдан асло тўхтамай ҳаётларини нурли ва гўзал томонга ўзгартириш йўлида баъзи соғлом инсонлардан-да фидойилик билан меҳнат қилаётган Юлдузой ва Севинчойларга мустаҳкам соғлик, матонат ва жасорат тиладик. Зеро, матонатли ва жасоратли инсонларгагина бахт-у саодат ҳамиша ёр бўлади.

Робия ЙЎЛДОШЕВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026