ФИДОЙИ ПРОФИЛАКТИКА ИНСПЕКТОРИ
Навоий маҳалласидаги профилактика катта инспектори Алишер Худойберганов фуқаролар йиғини масъуллари билан ҳамкорликда ҳудудда яшовчи, ҳуқуқбузарлик содир этиш эҳтимоли бўлган фуқароларнинг турмуш тарзини, мавжуд муаммоларни ўрганиб келмоқда.
Алишер Қангли овулидаги 29-сонли мактабни тугатган. 2013-2014 йилларда Сурхондарё вилояти Термиз шаҳрида бир йиллик муддатли ҳарбий хизматни ўтаб, 2014 йилда Ўзбекистон Республикаси ИИВ Академиясига ўқишга кирди. Академияда фуқароларнинг ҳуқуқлари, эркинликлари ва қонуний манфаатларини ҳимоя қилиш, жамоат тартибини сақлаш, шахс, жамият ва давлат хавфсизлигини таъминлаш борасида чуқур билимларни ўзлаштириб, 2018 йилда “Ҳуқуқбузарликлар профилактикаси фаолияти” мутахассислиги бўйича юрист квалификациясига эга бўлди.
Маҳалланинг профилактика инспектори ҳуқуқбузарликлар профилактикасини амалга оширишда тегишли идоралар билан ҳамкорлик қилиб, зарур пайтларда аҳолига ҳуқуқий, ижтимоий, психологик ва бошқа турдаги ёрдам кўрсатиб, ҳуқуқбузарлик содир этиш эҳтимоли бўлганлар ўртасида жамиятда қабул қилинган хулқ-атвор нормалари ва қоидаларини сингдиришга қаратилган чора-тадбирларни амалга ошириб келмоқда.
Маҳалла раиси, ҳоким ёрдамчиси, хотин-қизлар фаоли, ёшлар етакчиси билан биргаликда ташкил этилаётган бу каби тарғибот тадбирларига маҳалладаги 733 та хонадонда истиқомат қилувчи 4429 нафар аҳолининг барчаси қамраб олинмоқда.
Инспектор иштирокида ўтказилиб келинаётган “Хавфсиз тун”, “Пайҳон”, “Турмуш”, “Хавфсиз ҳудуд” тадбирлари аҳоли осойишталигини таъминлашда муҳим омил бўлмоқда.
Кўрилган чора-тадбирлар туфайли маҳалла ҳудудида осойишталик, уюшмаган ёшлар ва ўсмир ёшларнинг бўш вақтларини мазмунли ўтказишга қаратилган турли кўнгилочар тадбирлар аҳоли маънавиятини юксалтириш, ўсиб келаётган ёш авлодни спортга, санъат ва касб-ҳунар ўрганишга, тадбиркорлик билан шуғулланишга жалб этиш имконини бермоқда.
Биз эса маҳалла осойишталигини таъминлаш, ҳуқуқбузарликларнинг олдини олиш, жамоат тартибини сақлаш борасида самарали меҳнат қилиб келаётган А.Худойбергановнинг иш фаолиятига зафарлар тилаймиз.
Туман ҳокимлигининг Ахборот хизмати.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
