Беруний, Олмазор, Гулзор маҳаллаларидаги шохкўчаларга 9 км узунликдаги пиёдалар йўлакчаси ва саломатлик йўлкачалари қурилмоқда

Кундан-кунга тобора чирой очиб бораётган мустақил юртимизда бунёдкорлик ишлари жадал суръатларда давом этмоқда. Кенг ва равон йўллар, обод кўчаларни кезган ҳар қандай инсон тинчлик, мустақиллик каби бебаҳо туйғуларнинг нақадар азиз эканлигини дилдан чуқур ҳис қилади

Юртбошимиз Шавкат Мирзиёв олиб бораётган одилона сиёсат туфайли бугун халқимиз ўтаётган ҳар бир кунидан рози ва эртанги кунга ишонч билан яшамоқда. Бугун қайси бир манзилга борманг, у ерда янгиланиш ва бунёдкорликнинг гувоҳи бўласиз.

 Жумладан, Республикамизнинг барча ҳудудларидаги сингари, Амударё туманида ҳам кенг кўламли қурилиш ва ободонлаштириш ишлари олиб борилмоқда.

Туманнинг марказий ҳудудларидан Беруний, Олмазор, Гулзор маҳаллаларидаги шохкўчаларга 9 км узунликдаги пиёдалар йўлакчаси ва саломатлик йўлкачалари қурилмоқда.

Эрта тонгдан ишга, ўқишга ёки турли оилавий ташвишлари билан турли манзилларга йўл олаётган амударёлик борки, бунёдкорлик ишларини кўриб қувонади, юртимизда ҳукм сураётган осойишталик ва тинчликка шукрона келтиради.

 2 млрд 348 млн. сўм маблағ эвазига Баркамол авлод, Жумуртов, Тадбиркорлар, Шифокорлар ва Халқлар дўстлиги кўчаларида ташкил этилаётган саломатлик йўлакчаларининг қурилиши пудратчи ташкилот − “Амударё махсус қурилиш” масъулияти чекланган жамияти томонидан амалга оширилиб, бугунги кунга қадар, 337,9 млн. сўмлик қурилиш-таъмирлаш ишлари якунига етказилди.

Қолаверса, Баркамол авлод, Ҳумоюн кўчаларига ҳам тунги ёритгич чироқлари, велосипед йўлакларининг қўрилаётгани аҳоли учун кўплаб қулайлик ва имкониятлар яратмоқда.

7 млрд. 113,3 млн. сўмлик қийматга эга мазкур қурилиш лойиҳалари бугунги кунда пудратчи ташкилотлар томонидан сифатли ҳамда тезкор равишда амалга оширилмоқда.

Тунги ёритгич чироқларининг ўрнатилгани кўчаларни кундуз каби ёритиб туриши билан бирга, ўзгача чирой бахш этмоқда. Қолаверса, кексаларимизнинг кенг ва равон йўллардан, ёруғ кўчалардан юриб, қийналмай манзилларига етиб боришларида амалга оширилаётган қурилиш ишлариниг ўрни катта аҳамиятга эга.

Шунингдек, велосипед йўлаклари, тунги ёритгич чироқлариниг ўрнатилгани йўл-транспорт ҳодисаларининг олдини олишда, болалар ҳавфсизлигини таъминлашда муҳим аҳамият касб этади.

Юртимизда, хусусан туманимизда амалга оширилаётган ислоҳотлар замирида аввало, тинчлик, юртошларимизнинг ўтаётган ҳар бир кунига шукроналик туйғулари мужассам.

 Қурилаётган янги мактаб бинолари, таъмирланаётган йўллар, янгидан барпо этилаётган уй-жойларнинг мустақиллик байрами арафасида қуриб битказилиши ишонамизки, халқимиз учун байрамона совға бўлади.

Туман ҳокимлигининг Ахборот хизмати.