КЕЛАЖАК ЭГАЛАРИ КАМОЛ ТОПАЁТГАН МАСКАН

Бизнинг 43-сонли мактабгача тарбия муассасамизда илк гуруҳда 40 нафар, ўрта гуруҳда 25 нафар, катта гуруҳда 40 нафар, тайёрлов гуруҳида эса 25 нафар, жами 130 нафар кичкинтойларга бугунги кун талаблари даражасида таълим-тарбия берилмоқда.

Малакали тарбиячиларимиз болажонларнинг муассасадаги ўтган ҳар бир дақиқаси мазмунли, таассуротларга бой ва эсда қоларли бўлишига интиладилар, ҳар бир дақиқадан уларга ўзаро дўстлик, юксак одоб-ахлоқ, бир-бирига меҳр-оқибат туйғуларини сингдиришда унумли фойдаланадилар.

Айтайлик кундалик спорт машқларини бажаришда, югуриш ё сакрашда мўлжални аниқ ололмай қолган болакай йиқилса, тарбиячи албатта бошқа болалар билан унга ёрдамга шошади. Демак бу билан болалар қалбида бир-бировга биродарлик, меҳр-оқибат туйғулари шакллантирилади. Оддийгина болаларнинг овқатланиш онларини олсангиз, столда тўғри ўтириб, овқатини тўкмай еган болани яхши сўзлар билан рағбатлантириш орқали уларда овқатланиш одобини тарбиялаш мумкин.

Кейинги йилларда мактабгача таълим муассасалари фаолиятига янги пед технологияларнинг жорий этилаётгани, иқтидорли болалардан инглиз тилини ўрганувчи махсус гуруҳлар тузилиб, илк сабоқларни бериш амалга оширилаётгани кичкинтойларнинг шиддаткор замонамизга мос бўлиб улғайишига замин яратмоқда.

Бу вазифаларни адо этиш учун ходимларимиз тинмай ўқиб-ўрганиб, ўз устларида изланмоқдалар.

Айни кунда муассасамизда асосий тарбиявий соатлардан ташқари болажонларнинг иқтидорларини тарбиялаб бориш мақсадида бадиий гимнастика, рақс, кураш тўгараклари мунтазам ишлаб турибди.

Болаларга йилнинг барча фаслларида ҳам эмин-эркин тарбияланишларига шароит яратиш мақсадида бу йил муассасамизда 36 млн. сўмлик жорий таъмирлаш ишлари бажарилди.

Яқинда кузги-қишки мавсумга ва янги ўқув йилига тайёргарлик бўйича муассасамизда туман бўйича кўргазма ўтказилди. Бизнинг амалга оширган ишларимиз туманимиздаги барча мактабгача таълим муассасаларига намуна қилиб кўрсатилди.

Шуниси қувончлики, муассасамизда тарбияланаётган болажонларимиз орасида иқтидорлилари кўпчиликни ташкил этади. Бадиий ҳаваскорлик тўгараги аъзолари туман миқёсида ўтказиладиган барча тадбирларда ўзларининг чи-қишлари билан кўпчиликнинг ҳурматини қозонмоқда.

Болажонлар билан ишлаш, уларни ўз болангдай асраб-авайлаб тарбиялаш – машаққатли иш. Бироқ уларнинг ақлли, одоб-ли ва иқтидорли бўлиб вояга етаётганини кўриш – улкан бахт. Бу туйғулар бизни доимо сид-қидилдан меҳнат қилишга чорлаб туради.

Манзура ЖУМАНИЯЗОВА,

43-сонли мактабгача тарбия муассасаси мудираси.