Иқтидорли қиз
Кўринишидан кичкинтойгина, дунёга ҳайрат ила боқиб турган кўзлари қоп-қора маъсума қизалоқнинг нималарга қодир эканлигини билсангиз, беихтиёр "илойим, ёмон кўздан асрасин”, деб юборасиз.
Ҳа, у одамни ҳайратга солувчи, ҳавасини келти-рувчи иқтидорга эга.
Ёш бўлишига қарамай, у ўзи тарбияланган 3-сонли мактабгача таълим муассасасида инглиз тили тўгарагига фаол қатнашиб, тил ўрганишга сидқидилдан ҳаракат қилгани учун инглиз тилида муомалага кириша олади, оиласи, тарбияланган боғчаси, дугоналари ҳақида ҳикоя қилиб бера олади.
Шунингдек расм чизишга ҳам қизиқади. Чизган расмларида ўзига хос маъно мужассам. Дунё рангларини мурғак қалб ила англаб, англаганларини бадиий ифода этишга интилишини сезиш қийин эмас. Маралнинг бу қобилияти 1 июнь – Халқаро болаларни ҳимоя қилиш кунида туманимиздаги мактабгача таълим муассасалари тарбияланувчилари орасида ўтказилган асфальтга расм чизиш мусобақасида ҳам яққол намоён бўлди - у биринчи ўринни енгиб олди.
Иқтидорли қиз Марал Ўктамова мактабгача таълим муассасалари орасида спортнинг шахмат тури бўйича ўтказилган мусобақада қорақалпоғистонлик тенгдошлари орасида учинчи ўрин соҳибаси ҳам бўлган эди.
У айни кунларда 16-сонли умумтаълим мактабининг 1-синфига қабул қилинди. Қобилиятли, тиришқоқ қиз илм сирларини эгаллашда ҳам тенгдошларига намуна бўлишига тилакдошмиз.
Ойгул РАЖАБОВА
Суратда: Марал Ўктамова.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
