“КАСБЛАР – КЕЛАЖАК КАФОЛАТИ” ШИОРИ ОСТИДА САЁҲАТ ТАШКИЛ ЭТИЛДИ
Умумтаълим мактабларида декабрь – ижтимоий фанлар ойлиги доирасида мактаб амалиётчи-психологлари томонидан “Касблар фестивали”, “Касблар – келажак кафолати”, “Касбим - фахрим” мавзуларида давра суҳбатлари, кўргазмали ўқув-семинарлари, турли касб эгалари билан учрашувлар ўтказилмоқда.
Ана шундай тадбирлардан бири 42-сонли мактабда ҳам ўтказилди. Ижтимоий фанлар ойлиги доирасидаги “Касблар – келажак кафолати” мавзусида ўтказилган психологик суҳбатда ўқувчи-ёшлар қизиқишлари, орзу-интилишлари, ўзлари танлаган касбларни эгаллаш хусусидаги режалари билан ўртоқлашдилар.
Психологик давра суҳбатидан сўнг, мактабнинг 10-11-синф ўқувчилари учун Амударё муҳандислик техникумига ва “Тамара текстиль” МЧЖ корхонасига саёҳат уюштирилди.
Мактабнинг амалиётчи-психологи Азиза Қодирберганова раҳбарлигида ташкил этилган мазкур саёҳат орқали ўқувчи-ёшлар келажакда ўзлари эгалламоқчи бўлган касблар бўйича зарур маълумотларга эга бўлдилар. Айниқса, Амударё муҳандислик техникумида талаба-ёшлар учун яратилган шарт шароитлар, ётоқхона мажмуаси, ўқув аудиториялари, кутубхона, маънавий-маърифий тадбирлар учун мўлжалланган зал ҳамда лаборатория-амалий машғулотлар хоналари билан яқиндан танишдилар. Шунингдек, техникумда 2021-2022 йил учун белгиланган қабул квоталари, касб йўналишлари ҳақидаги маълумотларга эга бўлдилар.
Шундан сўнг, ўқувчи-ёшлар “Тамара текстиль” МЧЖга ҳам бориб, корхона раҳбари Тамара Юсупова томонидан амалга оширилаётган ишлар, айниқса, корхона чеварлари тайёрлаган замонавий кийим-бошлар, корхонада экспортга йўналтирилаётган тайёр маҳсулотлар тахламлари билан ҳам танишдилар.
Корхона раҳбари Тамара Юсупова ўқувчи-ёшларга тадбиркорлик соҳасининг ўзига хос сир-синоатлари, халқимизга фойдаси хусусида сўзлаб берди. Саёҳат давомида ўқувчи-ёшлар тадбиркорлик соҳасига оид, шунингдек либослар дизайни бўйича ўзларини қизиқтирган саволларга батафсил жавоб олдилар. Мазкур саёҳат ўқувчи-ёшларнинг ўз ҳаёт йўлини тўғри белгилаш, ўзи учун манзур касбни танлашларида муҳим аҳамият касб этди.
Робия ЙЎЛДОШЕВА,
42-сонли умумтаълим мактаби ижодий-маданий масалалар бўйича тарғиботчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
