ЁЗГИ ТAЪТИЛ МAСЪУЛИЯТИ
Ўқувчилар ўқув йилини тамомлаб, ёзги таътилга чиқишди. Уларнинг ушбу мароқли дам олиш кунлари учун белгиланган ўз режалари бор: оромгоҳларга бориб мириқиб дам олиш, янги дўстлар орттириш, яқин қариндошлариникига меҳмонга бориш, саёҳатларга чиқиш каби.
Ёзги таътил даври бошланиши билан ўқувчи фарзандлари бор ота-оналар енгил тортишади, гўё фарзандини мактабга юбориш, уй вазифаларини тайёрлашини назорат қилиш, кўмаклашишдан қутулдим, деб ўйлашади. Кўп йиллик педагогик фаолиятимдан келиб чиқиб, шуни ишонч билан айта оламанки, ёзги таътил аслида ҳар бир ота-она учун ўқув давридагидан ҳам масъулиятли палла, чунки аввал ҳар куни дарс машғулотларига тайёргарлик кўрадиган, мактабда 5-6 соат дарс ўқийдиган ўқувчи энди бутунлай бекор қолади.
Бундай пайтда фарзанди тақдири ҳақида қайғурадиган ота-она оилада фарзандини фойдали машғулотларга жалб қилиб, китоб ўқиш, бадантарбия билан шуғулланиш, уй-рўзғор ишларига кўмаклашишни ўргатиши лозим. Назоратсиз, бирон машғулотсиз қолган бола кўчада бемақсад вақт ўтказишга ўрганиб қолади, кунлар зерикарли туюлади.
Бугунги кунда туманимизда ҳам ўқувчи-ёшларнинг бўш вақтларини мазмунли, мақсадли ўтказишга хизмат қилувчи, фан асосларини чуқур ўргатиб, касб-ҳунарнинг илк кўникмаларини шакллантирадиган мактабдан ташқари таълим муассасалари тўгараклари фаолият юритмоқда. Aна шундай санъат, спорт соҳасидаги тўгаракларга ўқувчиларни жалб қилиш ота-оналарнинг муҳим вазифаларидандир.
Назира УСМОНОВA,
38-сонли мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
