21.11.2026
Тил Öz Qq Ёзув Кирилл Lotin
Reklama banneri
Ҳарф ўлчами Ранг Расмлар
21.11.2026, 09:29
Жамият 👁 250

ТИНИБ-ТИНЧИМАГАН КЕКСАЛАР

ТИНИБ-ТИНЧИМАГАН КЕКСАЛАР

Ҳаёт дорилфунун. Дунёга келиб, яхши-ёмонни фарқлашни, жамоатда ўтириш, туриш-у яшашни, яхши-ёмон воқеалардан тегишли хулоса чиқариб, ўз ҳаётимизга татбиқ этишни ушбу беминнат дорилфунундан ўрганамиз.

Шундай бўлса-да, баъзида ҳаётда ҳамма муаммолар пул билан ҳал бўладигандай, эларо обрў-эътибор, ҳурмат-эҳтиром қозониш учун маблағ зарурдек, шоҳона ҳаёт гўёки энг тотли ва сурурлидек туюлиб кетади, одамга.

Бироқ ҳаётга чуқурроқ назар солсангиз – аллома шоир бобомиз Алишер Навоий ҳазратлари:

Бу гулшан ичраки, йўқдир бақо гулига сабот,

Ажаб саодат эрур, чиқса яхшилик бирла от,

деганларидай, ўткинчи дунёда савобли ишлар қилиб, яхши ном қозониш улкан саодат эканлигини англайсиз.

Ҳа, чор-атрофимизда оддийгина, эл қатори яшаб, борини эзгу амалларга сарфлаётган, юртдошларимизнинг ҳақли эътирофларига сазовор бўлаётган инсонлар талай.

Туманимизнинг Бешовул маҳалласида истиқомат қилувчи таълим фахрийси Сафарбой Аннамуродов, умр ҳамдами Ўрозгул Боймоновалар оиласи ана шундай – элда ибратли оилалардан саналади.

Сафарбой ака 1953 йилда туғилган. Тўрт ёшида, ҳали оқ-қорани англашга улгурмай отасидан айрилди. Энди рўзғор ташвиши, уч ўғил ва бир қизнинг тарбияси хонадон бекаси, собиқ М.Горький номли совхозда ишчи бўлиб ишловчи Ойимжон Аннамуродованинг зиммасига тушди.

Аёлнинг жони қирқта, деган иборанинг ҳаётдаги исботини ана шу мушфиқ аёл тимсолида қиличбойликлар кўриб, тан беришган, ҳавас қилишган эди ўша йилларда.

Кичиги ҳали гўдак бўлган аёл ҳам ўз тенгдошлари қатори тонгдан шомгача пахта даласида ишлади, болаларим оққа зориқмасин, деб мол боқиб, сигир соғди, товуқ боқди, уй-рўзғор, томорқа ишларини ҳам эплади. Натижада фарзандлари Аминбой – олий маълумотли агроном, Малика – ҳамшира, Сафарбой – ўқитувчи, Ўринбой ўрта махсус маълумотли мутахассис бўлиб етишдилар. Ойимжон она не бир машаққатлар билан уларни олийгоҳларда ўқитган, уйли-жойли қилган вақтларида ҳам бир бора хизматларини миннат қилмади, сизларни деб елиб-югураяпман демади, аксинча “Ҳайитбой муаллимнинг боласи, дейишади сизларни, ҳеч кимдан кам бўлмай ўқинг, ўқиган ўзади”, дея қулоқларига қуярди.

Ушбу панд-насиҳатлар уларга бир умрлик ҳамроҳ бўлди. Ўрта мактабни тугатиб, Низомий номидаги педагогика институти (ҳозир шу номдаги университет) талабаси бўлишдек бахтга эришган Сафарбой акаси, опасидан ўрнак олиб, намунали талабалар сафидан жой олди.

1976 йилда олийгоҳнинг тарих факультетини битириб келиб, 46-сонли мактабда ўқувчиларга сабоқ берди. 1981 йилда 37-мактабда тарих фани ўқитувчиси, 1987 йилдан 2007 йилгача шу мактаб директорининг ўқув-тарбия ишлари бўйича ўринбосари, 2008-2011 йилларда директор вазифаларида ишлади. 2012 йилдан 2016 йилгача Бешовул маҳалла фуқаролар йиғини раиси бўлиб, эл дарди билан яшади, ҳамқишлоқларининг турмуши обод, оилалари тинч-осойишта бўлиши учун ҳаракат қилди. Ҳозирги кунда эса нафақада. Оиласида аёли Ўрозгул Боймонова билан тўрт нафар фарзандни вояга етказиб, эл қаторига қўшди: орзу-умидларининг илк чечаги – тўнғичи Қудрат 37-сонли, отаси меҳнат қилган қадрдон мактабда математика фани ўқитувчиси, қизи Нилуфар ҳам шу мактабда бошланғич синф ўқитувчиси, Ҳулкарой 42-сонли ўрта мактабда бошланғич синф ўқитувчиси бўлиб ишлаб, отаси ва бобоси касбининг давомчилари бўлиб келишмоқда. Кенжатой Тозабой эса тадбиркор, Тошкент шаҳрида яшайди.

Ота-она бугун уларнинг барчасини уйли-жойли қилишди, оилалари тинч бўлса-да, барибир хотиржам оёғини узатиб, дам олиб ўтирайлик демай, неваралар ташвишини ўз зиммаларига олиб, ўғиллари, келинларининг хотиржам ишлашларига шароит яратиб қўйишди. Катта келин Наргиза ҳам 37-мактабда, кичиги Нилуфар Молия институтида ишлашади, Нилуфар фан номзоди, ҳозирги кунда докторлик диссертацияси устида ишламоқда.

Бундай кунларга Сафарбой ака, Ўрозгул опалар осонликча етиб келишгани йўқ. Бири ўқитувчи, бири мактабда кутубхоначи бўлиб ишлашдан ташқари, томорқасида ҳар йили мўл ҳосил етиштириб, товуқ, мол боқиб, рўзғори камига яратишди. Ҳар йили томорқасидаги меваларнинг, сабзавот, полиз экинлари ҳосилининг рўзғоридан ортганини бозорга сотиб, фарзандларини ҳеч кимдан кам қилмай ўқитди.

Ҳозирги кунда ҳам Сафарбой ака, Ўрозгул опалар салкам етмиш ёш остонасига етиб қолишган бўлса ҳам тиниб-тинчиб ўтиришмайди. Эҳтимол, шундандир, уларни кўрган одам нари борса олтмиш ёш атрофида деб ўйлашади.

– Одам мақсадсиз яшамаслиги керак, – дейди Сафарбой ака кулиб. – Мақсадсиз ҳаётда маъно бўлмайди, одам зерикади, кексаяди. Шунинг учун биз бўш қолсак, китоб ўқиймиз. Уй ишларига қарашамиз. Бироқ, бу ишлар билан ҳам кўнглимиз тўлмай юргандик. Аёлим билан маслаҳатлашиб, 2019 йилда Манғит шаҳрининг Ойбек номли  маҳалласида, намунавий лойиҳа асосида қурилган ҳовлимизда оилавий нодавлат мактабгача таълим ташкилоти фаолиятини йўлга қўйдик.

Аслида бу ишлар ёшларга ҳам осон эмас. Бироқ Сафарбой ака ва Ўрозгул опалар ўз фаолиятларидан ҳеч оғринмайди, чарчадик, демайди.

Ҳозирги кунда ушбу муассасада ҳудуднинг 25 нафар жажжи болажонлари таълим-тарбия олишмоқда, 3 та янги иш ўрин яратилган, сут, қатиқ, картошка, пиёз, сабзи ўз томорқаларида етиштирилгани учун болажонлар хавфсиз, тоза маҳсулотлардан тайёрланган овқатлар истеъмол қилишади.

Ташкилот биноси ҳовлиси-ю, ичкари хоналарини кузатсангиз – бу ердаги орасталик, озодалик ва болалар дунёсига хос безатилишидан руҳингиз кўтарилиб кетади. Худди ўз оиласи, онаси бағридагидек хотиржам, ўйнаб-кулиб ўсаётган болажонлар билан бир дам болалигингизга қайтасиз. Бийрон тилда салом беришганидан қувонасиз.

– Ушбу ташкилотни ташкил этиш режаси туғилишига Ўрта қалъа овулида худди шундай болажонлар муассасаси ишга туширилишига бағишланган тантанада иштирок этганим сабаб бўлди. Келиб аёлимга маслаҳат солдим, шу соҳада ишлаётганлар билан суҳбатлашдим, ғалваси кўп дейишди, – кулиб сўзлайди Сафарбой ака.

– Болалар мактабда, югур-югурларига ким чопади, деб мен ҳам ҳайрон бўлдим, –суҳбатга қўшилади Ўрозгул опа. – Неваралар катта бўлиб қолишаяпти, энди ўзларини ўзлари эплашади. Биз уйда қараб ўтирамизми, дедилар. Шундай қилиб, ишга қиришдик. Аввал ҳовлини таъмирлатиб, безатишга киришдик. Хуллас, ҳозир 25 нафар болажонларнинг ота-оналари биздан жуда миннатдор. Ишга олган қизларимизга аввалдан бировнинг боласини ўз жигарингиздай кўриб, ранжитмай тарбия қилинглар, деб уқтириб келаман.

Ҳа, шу ёшида ҳам тиниб-тинчимай, бор куч-ғайратини болажонлар таълим-тарбиясига бағишлаётган Сафарбой ака, Ўрозгул опалар билан суҳбатлашишдан одам зерикмайди, гоҳ ҳазил-мутойиба, гоҳ ҳикматга қоришган сўзларидан ибрат олишга интилади, одам.

Бу бежиз эмас. Аслида тарихчи ўқитувчи бўлса-да, Сафарбой ака ёшлигидан  бадиий адабиётга ошно. Ёшлигидан ёзган мақола, шеър, ҳикоялари вақтли матбуотда ёритилган. Айниқса, ўтган асримизнинг етмишинчи, саксонинчи йилларида «Амударё ҳақиқати» (ҳозирги “Тараққиёт кўзгуси”) газетаси қошида ташкил этилган «Гулшан» тўгарагига мунтазам қатнашиб, машғулотлардан олган билимлари асосида ўз машқларига сайқал берган, шеърлари кўпчиликка манзур бўлган.

Фарзандлари, оила ташвишлари билан андармон бўлиб, ижодий муҳитдан бироз узоқлашган бўлса-да унинг ўзига хос оддий тилда, қочиримлар, сўз ўйинига бой шеърларини кўпчилик яхши эслашади.

– Ҳозир ёзмасалар ҳам китоб ўқишдан тўхтамайдилар, – дейди самимий кулимсираб Ўрозгул опа. – Баъзан бирга, баъзан алоҳида ўқиймиз. Невараларимизни қандай китоб ўқигани, қандай таассуротлар олгани ҳақида имтиҳон қиламиз, хуллас, вақтимиз бекор кетмайди.

Ҳа, улар вақтни бекор ўтказишмайди. Шу боисдан ҳам ўтган умридан кўнгилларида  мамнунлик, ҳар янги кунга юксак орзу, режалар билан қадам қўйишади. Асли инсон зоти орзу қиладиган тўкис бахт шу эмасмикан?

Кўкламги экин тараддудини бошлаб юборган, тиниб-тинчимайдиган Сафарбой ака, Ўрозгул опалар ана шундай, ҳавас қилгулик турмуш соҳибларидир.

Ойгул РАЖАБОВА.

🎬 Видеогалерея Барчаси →
БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ ▶ БИР ВАТАН, БИР ЭЛ, БИР БАЙРОҚ! АМУДАРЁДА БАЙРОҚ ЭСТАФЕТАСИ КЎТАРИНКИ РУҲДА ДАВОМ ЭТДИ 16.11.2026 «Илғор фермерлар клуби» аъзолари учун дала семинарлари ўтказилди ▶ «Илғор фермерлар клуби» аъзолари учун дала семинарлари ўтказилди 16.11.2026 Болажонларга йўл ҳаракати қоидалари ҳақида маълумотлар берилди ▶ Болажонларга йўл ҳаракати қоидалари ҳақида маълумотлар берилди 13.11.2026 Сайёр қабулда 12 та мурожаатдан 10 таси ижобий ҳал этилди ▶ Сайёр қабулда 12 та мурожаатдан 10 таси ижобий ҳал этилди 13.11.2026 Амударё туманида СЕО ва ЖС бўлимининг янги биноси фойдаланишга топширилди ▶ Амударё туманида СЕО ва ЖС бўлимининг янги биноси фойдаланишга топширилди 12.11.2026 Амударёлик нуронийлар мини футбол бўйича ўртоқлик учрашувида ғолиб чиқди ▶ Амударёлик нуронийлар мини футбол бўйича ўртоқлик учрашувида ғолиб чиқди 12.11.2026 49-сонли боғчада экологик тарбиянинг амалий методикалари намойиш этилди ▶ 49-сонли боғчада экологик тарбиянинг амалий методикалари намойиш этилди 12.11.2026 Ўрта қалъа овулида хотин-қизлар билан профилактик учрашув ўтказилди ▶ Ўрта қалъа овулида хотин-қизлар билан профилактик учрашув ўтказилди 12.11.2026 65-сонли мактабнинг янги биноси фойдаланишга топширилди ▶ 65-сонли мактабнинг янги биноси фойдаланишга топширилди 11.11.2026 Амударё туманида кузги шудгорлаш ишларини сифатли ташкил этишга алоҳида эътибор қаратилмоқда ▶ Амударё туманида кузги шудгорлаш ишларини сифатли ташкил этишга алоҳида эътибор қаратилмоқда 10.11.2026 45-сонли боғчада «Жажжи экологлар» амалий семинари бўлиб ўтди ▶ 45-сонли боғчада «Жажжи экологлар» амалий семинари бўлиб ўтди 10.11.2026 Аҳоли саломатлиги — олий қадрият ▶ Аҳоли саломатлиги — олий қадрият 09.11.2026 Амударё туманида куз-қиш мавсумига тайёргарлик ишлари ўрганилди ▶ Амударё туманида куз-қиш мавсумига тайёргарлик ишлари ўрганилди 09.11.2026 Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди ▶ Жисмоний тайёргарликдан ўтган чақирилувчилар ҳарбий қисм вакиллари билан суҳбатлашди 09.11.2026 Қўриқлаш хизмати — аҳоли осойишталиги ва мулк дахлсизлигининг кафолатидир ▶ Қўриқлаш хизмати — аҳоли осойишталиги ва мулк дахлсизлигининг кафолатидир 06.11.2026 АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА ▶ АМУДАРЁДА “ЯШИЛ МАКОН” ЛОЙИҲАСИ ДОИРАСИДАГИ ИШЛАР ИЗЧИЛ ДАВОМ ЭТМОҚДА 06.11.2026 Боғча тарбияланувчилари учун экологик тарбия методикалари намойиш этилди ▶ Боғча тарбияланувчилари учун экологик тарбия методикалари намойиш этилди 05.11.2026 Амударё туманида ички ишлар органлари ходимларининг касб байрами кенг нишонланди ▶ Амударё туманида ички ишлар органлари ходимларининг касб байрами кенг нишонланди 05.11.2026 Меҳнат ярмаркасида 29 нафар фуқаро доимий ишга жойлаштирилди ▶ Меҳнат ярмаркасида 29 нафар фуқаро доимий ишга жойлаштирилди 05.11.2026 Олис овуллардаги мактабларда «Китобхон ёшлар» клублари ташкил этилади ▶ Олис овуллардаги мактабларда «Китобхон ёшлар» клублари ташкил этилади 04.11.2026 Йўлларнинг қиш мавсумига тайёрлиги жойида ўрганилди ▶ Йўлларнинг қиш мавсумига тайёрлиги жойида ўрганилди 04.11.2026 Амударё туманида ҳарбий прокуратура сайёр қабули ва меҳнат ярмаркаси ўтказилди ▶ Амударё туманида ҳарбий прокуратура сайёр қабули ва меҳнат ярмаркаси ўтказилди 04.11.2026 Амударё туманида кузги мавсумда 829 минг кўчат экилади ▶ Амударё туманида кузги мавсумда 829 минг кўчат экилади 03.11.2026 Амударё туманида маънавий-маърифий ишлар самарадорлиги, мавжуд муаммолар муҳокама қилинди ▶ Амударё туманида маънавий-маърифий ишлар самарадорлиги, мавжуд муаммолар муҳокама қилинди 02.11.2026 ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ ▶ ҲАРБИЙ ХИЗМАТЧИЛАР УЧУН КАСБ-ҲУНАР ТАЪЛИМИ КУРСЛАРИ ЯКУНЛАНИБ, СЕРТИФИКАТЛАР ТАНТАНАЛИ ТОПШИРИЛДИ 02.11.2026 Қонунчиликдаги аёллар ва болалар ҳуқуқлари ҳимоясига оид нормалар тушунтирилди ▶ Қонунчиликдаги аёллар ва болалар ҳуқуқлари ҳимоясига оид нормалар тушунтирилди 31.10.2026 Аҳолига сифатли ичимлик суви етказиб бериш борасидаги камчиликлар бартараф этилмоқда ▶ Аҳолига сифатли ичимлик суви етказиб бериш борасидаги камчиликлар бартараф этилмоқда 31.10.2026 Жажжи экологлар табиатни асраш бўйича дастлабки тушунчаларга эга бўлишди ▶ Жажжи экологлар табиатни асраш бўйича дастлабки тушунчаларга эга бўлишди 31.10.2026 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди ▶ 10 ой давомида Қорақалпоғистон бўйича 39 та ҳолатда ичимлик суви кўрсаткичлари белгиланган талабларга жавоб бермаслиги аниқланди 30.10.2026 1-сонли мактабда Ўзбек тили байрами нишонланди ▶ 1-сонли мактабда Ўзбек тили байрами нишонланди 26.10.2026