PISA ва PIRLS дастурлари доирасида “ўқиш саводхонлиги” бўйича семинар-тренинг ўтказилди
Жорий йилнинг 6 февраль куни PISA ва PIRLS дастурлари доирасида ўқувчиларнинг матнни ўқиш ва тушуниш даражасини баҳолаш бўйича тумандаги 30- ва 40-сонли таянч мактабларида семинар-тренинг бўлиб ўтди. Семинар-тренингга туманимиз мактаблардан 160 нафар бошланғич таълим ва она тили фани ўқитувчилари иштирок этишди.
Бугунги кунда халқаро тадқиқотларга тайёргарлик кўриш бўйича ХТБ таълим сифати мониторинги бош инспектор-методисти Р.Холмуратов ва рус тили фани методисти Т.Канджаева ҳамда таянч мактаблар тренер ўқитувчилари билан ҳамкорликда амалга оширилган ушбу семинар-тренинг узликсиз таълим тизимидаги методик ёрдам сифатида ўзининг самарасини беради.
Ушбу семинар-тренингда иштирокчилар халқаро тадқиқотларга тайёргарлик кўришда Россия Федерацияси тажрибаси билан танишдилар. Хусусан, халқаро тадқиқотларда юқори натижаларга эришиш учун омилларнинг муҳим эканлиги ҳақида хулоса қилдилар:
• ота-оналар, педагоглар орасида, бутун жамиятда ўқиш саводхонлиги устида ишлашнинг қадрият сифатида қабул қилинганлиги;
• болаларнинг мактабга яхши тайёргарлиги, ўқишга тайёргарлик кўришда ота-оналарнинг иштироки;
• таълим жараёнидаги ўзгаришлар – ўқиш саводхонлигини метапредмет натижа сифатида таълим стандартига киритилиши;
• сифатли дарсликлар, дастурлар, ўқишни ўргатиш методикаси;
• ўқишни ўрганишда қийналаётган болалар билан ишлаш;
• табақалаштириб ўқитиш (ўқишни ўрганишда қийналадиган ўқувчилар ва яхши ўқийдиган ўқувчилар)
Семинар давомида иштирокчилар ҳар хил форматтадаги матнлар билан ишлаш зарурлигини, ахборот матнлар билан ишлаш кўникмаларини синфдан ташқари, тўгарак машғулотларида ривожлантириш зарурлигини тушуниб олдилар. Иштирокчилар семинар якунида PIRLS форматидаги топшириқларни бажардилар ва муҳокама қилдилар.
Иштирокчилар ўқиш саводхонлиги – бу нафақат матнни ўқиш балки уни тушуниш экани ҳақида хулоса қилдилар.
Ўқувчиларнинг ўқиган маълумотлардан фойдаланиш қобилиятини ривожлантириш замонавий жамиятда долзарб аҳамият касб этиши уқтириб ўтилди.
Р.Холмуратов, ХТБ таълим сифати мониторинги бош инспектор-методисти.
Т.Канджаева, ХТБ рус тили ва адабиёти фани методисти.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
