PISA va PIRLS dasturlari doirasida “oʻqish savodxonligi” boʻyicha seminar-trening oʻtkazildi

Joriy yilning 6-fevral kuni PISA va PIRLS dasturlari doirasida  oʻquvchilarning matnni oʻqish va tushunish darajasini  baholash boʻyicha tumandagi 30- va 40-sonli tayanch maktablarida seminar-trening boʻlib oʻtdi. Seminar-treningga tumanimiz maktablardan 160 nafar boshlangʻich taʼlim va ona tili fani oʻqituvchilari ishtirok etishdi.
Bugungi kunda xalqaro tadqiqotlarga tayyorgarlik koʻrish boʻyicha XTB taʼlim sifati monitoringi bosh inspektor-metodisti R.Xolmuratov va rus tili fani metodisti T.Kandjayeva hamda tayanch maktablar trener oʻqituvchilari bilan hamkorlikda amalga oshirilgan ushbu seminar-trening uzliksiz taʼlim tizimidagi metodik yordam sifatida oʻzining samarasini beradi.
Ushbu seminar-treningda ishtirokchilar xalqaro tadqiqotlarga tayyorgarlik koʻrishda Rossiya Federatsiyasi tajribasi  bilan tanishdilar. Xususan, xalqaro tadqiqotlarda yuqori natijalarga erishish uchun omillarning muhim ekanligi haqida xulosa qildilar:
•  ota-onalar, pedagoglar orasida, butun jamiyatda oʻqish savodxonligi ustida ishlashning qadriyat sifatida qabul qilinganligi;
•  bolalarning maktabga yaxshi tayyorgarligi, oʻqishga tayyorgarlik koʻrishda ota-onalarning ishtiroki;
•  taʼlim jarayonidagi oʻzgarishlar – oʻqish savodxonligini metapredmet natija sifatida taʼlim standartiga kiritilishi;
•   sifatli darsliklar, dasturlar, oʻqishni oʻrgatish metodikasi;
•  oʻqishni oʻrganishda qiynalayotgan bolalar bilan ishlash;
•  tabaqalashtirib oʻqitish (oʻqishni oʻrganishda qiynaladigan oʻquvchilar va yaxshi oʻqiydigan oʻquvchilar)
Seminar davomida ishtirokchilar har xil formattadagi matnlar bilan  ishlash zarurligini, axborot matnlar bilan ishlash koʻnikmalarini sinfdan tashqari, toʻgarak mashgʻulotlarida rivojlantirish zarurligini tushunib oldilar. Ishtirokchilar seminar yakunida PIRLS formatidagi topshiriqlarni bajardilar va muhokama qildilar.
 Ishtirokchilar oʻqish savodxonligi – bu nafaqat matnni oʻqish balki uni tushunish ekani haqida xulosa qildilar.
 Oʻquvchilarning oʻqigan maʼlumotlardan foydalanish qobiliyatini rivojlantirish zamonaviy jamiyatda dolzarb ahamiyat kasb etishi uqtirib oʻtildi.

R.Xolmuratov, XTB taʼlim sifati monitoringi bosh inspektor-metodisti.
T.Kandjayeva, XTB rus tili va adabiyoti fani metodisti.