ЁШ АВЛОДНИ ОНА ТИЛИМИЗГА ҲУРМАТ РУҲИДА ТАРБИЯЛАЙМИЗ
Мактабгача таълим тизимида ёш авлодга таълим-тарбия беришда энг асосий мақсад ва вазифалардан бири – уларга ўзбек тилининг ниҳоятда бой эканлигини кўрсатиш, ўз тилини қадрлашни ўргатиш, уни йўқотиш ўзлигини йўқотиш билан баробар эканлигини уқтириш билан бирга нутқини ҳам ривожлантиришдир.
Ҳар йили 21 октябрь – ўзбек тилига давлат тили мақоми берилган кун, яъни Тил байрами муносабати билан бадиий кечалар, давра суҳбатлари ўтказилади. Бундай тадбирлар ёш авлод қалбида муқаддас тилимизга бўлган меҳр-муҳаббат, Ватанга садоқат, миллатлараро бағрикенглик каби туйғулар янада мустаҳкамланишига замин яратади.
Бу йил ҳам Тил байрами муносабати билан тумандаги мактабгача таълим ташкилотлари педагог-тарбиячилари учун онлайн семинар-тренинглар, таълимий ўйинлар ва бадиий кечалар ташкил этилиб, видеороликлар намойиш қилинди. Шунингдек, мактабгача таълим ташкилотлари педагог-тарбиячилари кичкинтойлар учун масофавий тарзда ушбу кунга бағишланган машғулотларни кўтаринки руҳда ўтказишди.
Биз ёш авлодни ўз тилимизга ҳурмат руҳида тарбиялашга масъулмиз. Президентимиз Ш.Мирзиёев “Халқнинг миллий маданияти ва ўзига хослигини ифода этувчи восита бўлмиш ўзбек тилини ривожлантириш бу тилнинг давлат мақомини изчил ва тўлиқ рўёбга чиқариш демакдир”, деб таъкидлаб ўтган эди. Жамики эзгу фазилатлар инсон қалбига аввало она алласи, она тилининг бетакрор жозибаси билан сингади. Зеро, она тилимиз бу – миллатимизнинг руҳидир.
Нодира Тажимуродова,
туман Мактабгача таълим бўлими шўъба мудири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
