ОНА ТИЛИМИЗ СОФЛИГИНИ САҚЛАШГА ҲАММАМИЗ БУРЧЛИМИЗ
Мамлакатимизда она тилимизнинг жамиятдаги ўрни ва нуфузини оширишга алоҳида эътибор қаратилмоқда. Алишер Навоий номидаги Тошкент Давлат ўзбек тили ва адабиёти университети, университет ҳузурида Вазирлик ва идоралар, маҳаллий ижро этувчи ҳокимият органлари ва хўжалик бирлашмалари ходимлари, республикада доимий истиқомат қилаётган бошқа тилларда сўзлашувчи аҳоли учун юридик шахс мақомига эга ҳамда Қорақалпоғистон Республикаси ва вилоятлардаги давлат университетлари, педагогика институтлари қошида ҳудудий бўлинмаларига эга бўлган Давлат тилида иш юритиш асосларини ўқитиш ва малака ошириш маркази ташкил этилди.
Марказ ва унинг ҳудудий бўлинмаларида вазирлик ва идоралар, маҳаллий ижро этувчи ҳокимият органлари ходимларини ўзбек тилида иш юритиш асослари бўйича ўқитиш йўлга қўйилди.
Ўзбекистон Республикаси Вазирлар Маҳкамасининг 2020 йил 20 январда қабул қилган “Мамлакатда давлат тилида иш юритишни самарали ташкил қилиш чора-тадбирлари тўғрисида”ги Қарори ўзбек тили мақоми ва нуфузини ошириш йўлида яна бир муҳим қадам бўлди. Қарорда давлат бошқаруви органлари, хўжалик бирлашмалари раҳбарлари, вилоятлар, туман, шаҳарлар ҳокимлари “Давлат тили тўғрисида”ги Қонун ҳужжатлари талабларига сўзсиз риоя қилиш, иш юритишни давлат тилида ташкил этишга шахсан масъул эканлиги белгилаб қўйилди. Шунингдек, уларнинг маънавий-маърифий ишлар самарадорлигини ошириш, “Давлат тили тўғрисида”ги Қонун ҳужжатларига риоя этилишини таъминлаш масалалари бўйича маслаҳатчиси лавозими жорий этилди.
Туманимизда ҳам Қарорда белгиланган вазифаларни ижро этиш юзасидан кўпгина чора-тадбирлар белгиланди ва амалга оширилмоқда. Хусусан, туманимизда тадбиркорлар сафи кенгайиб, уларга тегишли бўлган маиший хизмат кўрсатиш объектлари, савдо, умумий овқатланиш шохобчалари бинолари кўпаймоқда. Бироқ уларнинг номи ёзилишида турли хатоликларга йўл қўйилаяпти. Корхона-ташкилотлар пешлавҳаларида, ҳар хил реклама ва чақириқлар ёзилган панноларда грамматик хатолар учрайди. Шуларни инобатга олган ҳолда туман ҳокими фармойишига кўра, турли объектлар пешлавҳаларидаги ёзувларни кўздан кечириш, уларни белгиланган талаблар асосида жойлаштирилишини ўрганиш бўйича ишчи гуруҳ тузилди ва фаолият олиб бормоқда.
2020 йилнинг 10 октябригача ишчи гуруҳ саъй-ҳаракатлари билан туманимиз бўйича 30 та ташқи ёзувлар (пешлавҳа, реклама, эълон, ахборот матнлари) ўзгартирилди, жамоат жойларидаги 20 та ташқи ёзувлар, 5 та вилоятлараро, туман ва шаҳарлараро асосий йўллар бўйларида ўрнатилган ташқи ёзувлар, 5 та шоҳ кўчалар бўйида ўрнатилган ташқи ёзувлар ўргартирилди. Тумандаги 2507 та кўчага ном берилди.
Она тилимиз қадимий ва ниҳоятда бой, жозибадор тил. Унинг софлигини сақлашга ҳаммамиз ҳам бурчлимиз.
Аширбой ҚЎШАЕВ,
туман ҳокими маслаҳатчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
