Маълумотнома олишда яна бир қулайлик
Бугунги кунда мамлакатимизда аҳолининг ҳаёт тарзида давлат хизматларининг роли муҳим аҳамият касб этади.
Инсон ҳаёти давомида кадастр соҳасидаги хизматларидан фойдаланиш ҳолатлари тез-тез учраб туради. Шу боисдан фуқароларга янада қулайликлар яратиш мақсадида жорий йилнинг 2 сентябр куни Ўзбекистон Республикаси Вазирлар Маҳкамасининг “Кадастр соҳасида айрим давлат хизматлари кўрсатишнинг маъмурий регламентини тасдиқлаш тўғрисида”ги 535-сонли қарори қабул қилинди.
Янги қарор билан бир қатор давлат хизматларидан фойдаланиш тартиби ва муддатлари соддалаштирилмоқда.
Жумладан, фуқароларнинг номида шахсий турар жой мавжуд ёки мавжуд эмаслиги тўғрисида маълумотнома олишда Қарор билан мазкур давлат хизмати кўрсатишнинг маъмурий регламенти тасдиқланди.
Маъмурий регламентга мувофиқ Ариза берувчи маълумотнома олиш учун Давлат хизматлари марказига ўзи келиб мурожаат этади ёки Ўзбекистон Республикаси Ягона интерактив давлат хизматлари порталида давлат хизматидан электрон тарзда фойдаланиш учун рўйхатдан ўтади.
Давлат хизматларини кўрсатиш яъни маълумотнома олиш учун базавий ҳисоблаш миқдорининг 3 фоизи миқдорида йиғим ундирилади (ҳар бир шахс учун).
Эътиборли жиҳати, олдин маълумотнома олиш учун 44 600 сўм тўланган.
Шунингдек янги тартибга кўра ариза берувчи Давлат хизматлари марказларига келиб ёки давлат органлари орқали мурожаат этганда, унинг сўровномаси Давлат хизматлари марказлари ёки давлат органлари ходими томонидан тўлдирилиб, ариза берувчи томонидан тасдиқланганидан сўнг сўровнома реал вақт режимида Ўзбекистон Республикаси Ер ресурслари, геодезия, картография ва давлат кадастри давлат қўмитасининг Давлат кадастрлари, геодезия ва картография миллий марказига электрон шаклда юборилади. Ягона интерактив давлат хизматлари порталида орқали мурожаат қилинганда эса сўровнома автоматик тарзда Ўзбекистон Республикаси Ер ресурслари, геодезия, картография ва давлат кадастри давлат қўмитасининг Давлат кадастрлари, геодезия ва картография миллий марказига юборилади.
Ўзбекистон Республикаси Ер ресурслари, геодезия, картография ва давлат кадастри давлат қўмитасининг Давлат кадастрлари, геодезия ва картография миллий маркази сўровнома тушган ва тўлов амалга оширилган вақтдан бошлаб уч иш куни мобайнида QR-код (штрихли код) қўйилган маълумотномани расмийлаштиради ва Давлат хизматлари марказларига ёки давлат органларига ёхуд ариза берувчига ЯИДХП орқали юборади.
Маълумотнома олиш муддати аввал 5 кун бўлган бўлса, қарор билан кўриб чиқиш муддати 3 кунга қисқарди.
Бу каби қулайликлар фуқароларнинг моддий харажатларини тежашга хизмат қилади.
Умида Сапарбаева, Туман Давлат хизматлари маркази бўлим бошлиғи
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
