БАРЧА ЮКСАЛИШЛАР, БУНЁДКОРЛИКЛАР АСОСИ – ТИНЧЛИК
Мустақиллик шарофати билан ташкил топган миллий армиямиз ўтган йиллар давомида мамлакатимиз тинчлик-осойишталигининг мустаҳкам қўрғонига айланиб улгурди.
Мамлакатимиз Қуролли Кучлари сафларида хизмат қилаётган ҳарбий хизматчилар, муддатли ҳарбий хизмат бурчини ўтаётган аскар йигитлар бурчига садоқат билан хизмат қилишда, ўз фаолиятларини юрти, халқ тақдирига юксак масъулият ва жавобгарликни ҳис қилган ҳолда олиб бормоқдалар. Жисмонан бақувват, маънан етук ҳарбийлар ўз она Ватанини кўз қорачиғидай асраш, турли ички ва ташқи таҳдидларга қарши курашиш, юрт сарҳадларини садоқат билан қўриқлаш бурчи эканлигини чуқур ҳис қиладилар. Замонавий ҳарбий-техника воситалари билан қуролланиб, қудратли кучга айланган миллий армиямизнинг мустақиллик йилларида эришилган улуғвор юксалишларда муносиб ҳиссаси бор. Боиси тинчлик-осойишталик ҳукмрон бўлган юртдагина чинакам янгиланишлар, бунёдкорликлар, ижобий ўзгаришлар бўлади.
Мен хизмат қилаётган 3-“Д” ҳарбий қисм ҳарбий хизматчилари ҳам туманимизнинг чегара ҳудудларини сергаклик билан қўриқлаш билан бирга, чегараолди ҳудудларида тинчлик-осойишталик ҳукмрон бўлиши учун ушбу ҳудудларда яшовчи аҳоли билан чегара дахлсизлигига раҳна солмаслик, Ўзбекистон Республикасининг “Давлат чегараси тўғрисида”ги Қонуни талабларига риоя этиш, шунингдек, чегараолди ҳудудларида жойлашган муҳандислик-техник иншоотларга ва тўсиқларга шикаст етказмаслик лозимлиги хусусида тез-тез суҳбатлар олиб боришмоқда. Бунингдек тадбирларга тумандаги жамоат ташкилотлари вакилларининг, умумтаълим мактаблари ўқитувчиларининг ҳам жалб этилаётганлиги ижобий натижалар бераётир.
Мен ҳаётимни ана шундай шарафли ва масъулиятли соҳага бағишлаганимдан фахрланаман. Ўз постингда содиқ туриб, тинч ва бехавотир яшаётган, бунёдкорлик ишларини амалга ошираётган одамларни кўриш, юрт осудалигини юракдан ҳис қилиш, бунда ўзингнинг ҳам оз бўлса-да, ҳиссанг борлигини ўйлаш ҳарбий хизматчига чинакам бахтиёрлик бахш этади.
Барча юртдошларимни, сафдош дўстларимни мамлакатимиз мустақиллигининг 29 йиллиги билан табриклайман! Юртимизда доимо тинчлик-осойишталик барқарор бўлсин!
Фазлиддин МАҲАММАДИЕВ, 3-“Д” ҳарбий қисм хизматчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
