BARChA YuKSALIShLAR, BUNYoDKORLIKLAR ASOSI – TINChLIK
Mustaqillik sharofati bilan tashkil topgan milliy armiyamiz oʻtgan yillar davomida mamlakatimiz tinchlik-osoyishtaligining mustahkam qoʻrgʻoniga aylanib ulgurdi.
Mamlakatimiz Qurolli Kuchlari saflarida xizmat qilayotgan harbiy xizmatchilar, muddatli harbiy xizmat burchini oʻtayotgan askar yigitlar burchiga sadoqat bilan xizmat qilishda, oʻz faoliyatlarini yurti, xalq taqdiriga yuksak masʼuliyat va javobgarlikni his qilgan holda olib bormoqdalar. Jismonan baquvvat, maʼnan yetuk harbiylar oʻz ona Vatanini koʻz qorachigʻiday asrash, turli ichki va tashqi tahdidlarga qarshi kurashish, yurt sarhadlarini sadoqat bilan qoʻriqlash burchi ekanligini chuqur his qiladilar. Zamonaviy harbiy-texnika vositalari bilan qurollanib, qudratli kuchga aylangan milliy armiyamizning mustaqillik yillarida erishilgan ulugʻvor yuksalishlarda munosib hissasi bor. Boisi tinchlik-osoyishtalik hukmron boʻlgan yurtdagina chinakam yangilanishlar, bunyodkorliklar, ijobiy oʻzgarishlar boʻladi.
Men xizmat qilayotgan 3-“D” harbiy qism harbiy xizmatchilari ham tumanimizning chegara hududlarini sergaklik bilan qoʻriqlash bilan birga, chegaraoldi hududlarida tinchlik-osoyishtalik hukmron boʻlishi uchun ushbu hududlarda yashovchi aholi bilan chegara daxlsizligiga rahna solmaslik, Oʻzbekiston Respublikasining “Davlat chegarasi toʻgʻrisida”gi Qonuni talablariga rioya etish, shuningdek, chegaraoldi hududlarida joylashgan muhandislik-texnik inshootlarga va toʻsiqlarga shikast yetkazmaslik lozimligi xususida tez-tez suhbatlar olib borishmoqda. Buningdek tadbirlarga tumandagi jamoat tashkilotlari vakillarining, umumtaʼlim maktablari oʻqituvchilarining ham jalb etilayotganligi ijobiy natijalar berayotir.
Men hayotimni ana shunday sharafli va masʼuliyatli sohaga bagʻishlaganimdan faxrlanaman. Oʻz postingda sodiq turib, tinch va bexavotir yashayotgan, bunyodkorlik ishlarini amalga oshirayotgan odamlarni koʻrish, yurt osudaligini yurakdan his qilish, bunda oʻzingning ham oz boʻlsa-da, hissang borligini oʻylash harbiy xizmatchiga chinakam baxtiyorlik baxsh etadi.
Barcha yurtdoshlarimni, safdosh doʻstlarimni mamlakatimiz mustaqilligining 29 yilligi bilan tabriklayman! Yurtimizda doimo tinchlik-osoyishtalik barqaror boʻlsin!
Fazliddin MAHAMMADIYeV, 3-“D” harbiy qism xizmatchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
