ЖУМУP ОВУЛЛИК ПИЛЛАКОP PАИСА ОНАХОН
Туманимизнинг гўзал гўшаларидан бўлмиш Жумур овул маҳалласида кўплаб жонкуяр, фидойи, меҳнатсевар инсонлар истиқомат қилишади. Уларнинг қилган хайрли ишлари, албатта, ҳар бир инсонни ҳаяжонга солмасдан қўймайди. Aйниқса, юртимиздаги карантин ҳолати ҳар бир соҳа вакилини ўз соҳасида фидойиликка ундайди.
Синовли кунларни биргаликда енгиб ўтиш истаги Жумур овулликлар учун кундалик қоидага айланган. Бошқирд миллатига мансуб Қаландарова Pаиса она ана шундай фидойилардан. У оилада оқила, меҳрибон она бўлиш билан бир қаторда фидокорона меҳнатлари билан кўпчилик қалбидан жой олган. Pаиса она Бошқирдистон Pеспубликасидан маҳалламизга келин бўлиб тушган ва шу юртни Ватан деб билиб, хизматига шайланди. 1969 йилдан буён аввалги Крупская, ҳозирги Зарбдор номли МТП ҳудудидаги фермер хўжаликларида ишлаб, нафақага чиқди. Ҳар йили ипак қурти боқиш мавсумида 25-30 грамм ипак қурти парваришлаб, юртимиз пиллачилиги ривожига муносиб хисса қўшиб келмоқда. Бугунги кунда ҳам нафақада бўлишига қарамасдан ипак қурти боқишда давом этмоқда. Бу йил онахон 19 грамм ипак қурти уруғини парваришламоқда.
Pаиса она оиласига, эл-юртга меҳрибон. У Бобожон ота Қаландаров билан етти нафар фарзандни зиёли инсонлар қилиб тарбиялаб, халқимиз хизматига йўллади. Ҳар бир фарзанди ўз соҳасининг усталаридир. Онахонимиз болалари, невара-чеваралари даврасида хурсанд ва бахтиёр ҳаёт кечирмоқда.
Бошқирд миллатига мансуб хонадонда туғилиб, вояга етган, Ўзбекистоннинг олис ва сўлим қишлоғи – Жумур овулни ўзига суюкли Ватан қилган, эл-юртга, оиласига фидойи, меҳнаткаш Pаиса она билан биз ҳақли равишда фахрланамиз ва ҳалол меҳнат билан обод, файзли хонадонидан асло қувонч аримаслигини тилаб қоламиз.
Ҳалима Утаганова, 48-мактаб ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
