ЎҚИШНИ ЎРГАНГАН БОЛАЖОНЛАР ҚУВОНЧИ
2019-2020 ўқув йилида 50-сонли умумтаълим мактабининг 1-синфига 42 нафар бола қабул қилинди. 1-синфларда ўқувчиларга ҳарф таниш, ҳуснихатда чиройли ёзиш ва ўқишни ўргатишда бошланғич синф ўқитувчилари Сайёра Тожибоева ҳамда Нафисахон Давлатбоевалар ўқув йили учун белгиланган дастурий-режа асосида, ҳамкорликда иш олиб бордилар. Натижада ўқувчилар “Алифбе” дарслигини пухта ўзлаштириб олдилар.
Яқинда мактабда ўтказилган саводхонлик байрамига бағишланган тадбирда мактаб директори Алишер Ешниёзов ўзининг жажжи болажонларга табригини йўллади ва уларнинг келажакда она Ватанга муносиб фарзандлар бўлиб вояга етишлари учун эзгу тилаклар тилади.
Саводхонлик байрамига ота-оналар қўмитаси раиси Қурол Аллаков Қорбобо ва Қорқизни бошлаб келиб, болажонларнинг қувноқ ўйинларини ташкил этди. “Алифбе” китоби ва ҳуснихат қоидасига кўра, 29 ҳарф тарзида саф тортган ўқувчилар ҳар бир ҳарф иштирокидаги шеърлар, мақол ва ҳикматли ибораларни ёддан айтишиб, ота-оналарини хурсанд қилдилар. Ялмоғиз кампир ва унинг танбал қизини Яхшивой яхшилик томон етаклаб, танбал қизнинг билимдон болалар сафидан жой олишига кўмаклашди.
Тадбир иштирокчилари бўлган ота-оналар фарзандларини “Алифбе”китобини тўлиқ ўзлаштирганликлари билан табриклаб, ўз совғаларини улашдилар. Қорбобо билан Қорқиз эса болажонларни “Ўқиш китоби”ни қабул қилиб олганликлари, илм сирларини пухта ўзлаштириш сари дадил киришганлари билан муборакбод этишиб, билимдон, аълочи ўқувчиларга Янги йил совғаларини тақдим этишди.
Саводхонлик байрами ўқишни ўрганган болажонларнинг қувноқ шеърлари, ашула ва рақслари ҳамда чексиз қувончлари билан янада файзли ўтди.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
