КОНСТИТУЦИЯ - ЖАМИЯТДА ЭРКИНЛИК, АДОЛАТ ВА ТЕНГЛИК КАФОЛАТИДИР
Бош Қомусимиз - Ўзбекистон Республикасининг Конституцияси ўн иккинчи чақириқ Ўзбекистон Республикаси Олий Кенгашининг ўн биринчи сессиясида 1992 йил 8 декабрда қабул қилинган. Асосий Қонунимиз яратилишининг мураккаб ва муҳим, айни чоғда шарафли солномасига назар солар эканмиз, ҳеч шубҳасиз, Ўзбекистон Конституцияси халқимизнинг мустақиллик сари узоқ йўлдаги изланишлари натижаси эканига комил ишонч ҳосил қиламиз.
Мамлакатимизда Олиб борилаётган ислоҳотларга назар солар эканмиз кўзланган мақсадларимиз замирида энг аввало инсон ва халқ мафаатлари ётганига гувоҳ бўламиз. Яъни, Ўзбекистон Республикасида Ўзбекистон Республикасининг Конституцияси ва қонунларининг устунлиги сўзсиз тан олинади. Давлат, унинг органлари, мансабдор шахслар, жамоат бирлашмалари, фуқаролар Конституция ва қонунларга мувофиқ иш кўрадилар, бирорта ҳам қонун ёки бошқа нормативе-ҳуқуқий ҳужжат Конституция нормалари ва қоидаларига зид келиши мумкин эмас. Қонун устуворлиги шахсга ўз ҳуқуқ ва эркинликларини монеликсиз амалга ошириш, ўз ҳаёти, эркинлиги, шаъни, қадр-қиммати ва бошқа дахлсиз ҳуқуқлари қонунан кафолатланганлиги туфайли тинч, осойишта, хотиржам, ҳеч қандай ташқи таъсирлардан, зўравонлик ва ўзбошимчаликдан қўрқмай яшаш имкониятини беради.
Фаровон турмушимиз ривожида, Ватанимиз ва халқимиз тақдирида Конституциянинг аҳамияти тобора ортиб бормоқда. Конституциямизни нафақат таърифлаганда, балки қоидаларни моддама-модда рўёбга чиқариш асосида уни ҳаётимиз Қомуси деб билишимиз ва қадрлашимиз катта аҳамият касб этади. Ўзбекистон Республикасининг Муҳтарам Президентимиз Шавкат Мирзиёев таъбири билан айтганда: “Бош Қонунимизни чуқур ўрганиш, англаш, ҳаётга жорий этиш ва унга сўзсиз амал қилиш-барчамизнинг шарафли бурчимиздир”.
Хулоса қилиб айтганда, қонун устуворлиги жамиятда эркинлик, адолат, тенглик кафолатланиши, инсон ҳуқуқлари ҳимояланиши, мамлакат иқтисоди барқарор ўсишининг мустаҳкам гаровидир.
Шаҳноза ИСКАНДАРОВА,
15-сонли мактабнинг тарих-ҳуқуқ фани ўқитувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
