ИҚТИДОPЛИ ВА ИСТЕЪДОДЛИ ҚИЗЛАP – ЗУЛФИЯХОНИМГА МУНОСИБ ИЗДОШЛАP САPАЛАНМОҚДА

Мамлакатимизда мўътабар аёл зотига муносиб ҳурмат-эҳтиром кўрсатиш, уларнинг жамиятимиздаги ўрни ва нуфузини ошириш, соғлом ва баркамол авлодни вояга етказиш, ўзининг иқтидори ва ибратли фаолияти билан ёшларга ўрнак бўлиб келаётган қизларни рағбатлантириш мақсадида “Зулфия” номидаги Давлат мукофоти таъсис этилган.

 Ўзбекистон Pеспубликаси Президентининг  2018 йил 2 февралдаги «Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида»ги ПФ-5325-сонли Фармонига асосан  “Зулфия” номидаги Давлат мукофоти ҳар йили Қорақалпоғистон Pеспубликаси, вилоятлар ва Тошкент шаҳридан икки нафардан талабгорларга,  таълим, фан,  адабиёт, маданият, санъат, спорт ва жамоатчилик фаолиятида алоҳида ютуқларга эришган, ўн тўрт ёшга тўлган ва ўттиз ёшдан ошмаган иқтидорли қизларга берилиб келинмоқда.  

Жорий йилнинг 5 октябрь куни туман маданият уйида “Зулфия” номидаги Давлат мукофотига  номзодларни саралаш босқичининг Қорақалпоғистон Pеспубликаси Амударё  туман босқичи бўлиб ўтган эди.  Саралаш босқичининг  туман комиссиясига таълим, фан,  адабиёт, маданият, санъат, спорт ва жамоатчилик фаолияти йўналишлари бўйича ҳужжат топширган  150   нафар иқтидорли  қизларнинг ишлари кўриб  чиқилди. Туман комиссияси қарорига кўра, 5 нафар ўқувчи-қизлар саралаш босқичининг Қорақалпоғистон Pеспубликаси босқичига йўлланма олган эди.

15 ноябрь куни саралаш босқичининг Қорқалпоғистон Pеспубликаси босқичи бўлиб ўтди. Унда туманимиздаги 12-сонли мактаб ўқувчиси Омонбоева Зебо ва 9-сонли мактаб ўқувчиси Қўчқорова Ситора таълим йўналиши бўйича, 18-сонли мактаб ўқувчиси Саъдуллаева Зиёда спорт йўналиши ҳамда Нукус Давлат педагогика институтининг ўзбек тили ва адабиёти факултети 1-босқич талабаси Динора Каримбоева ва “Жайхун  илҳомлари” нодавлат нотижорат ташкилоти мутахассиси Ирода Эрдошевалар адабиёт йўналиши бўйича иштирок этишди.

Адабиёт йўналишида Қорақалпоғистон Ёзувчилар Уюшмаси аъзоси, “Қарлығаш” болалар журнали муҳаррири Бекназар Ерназаров,  “Қорақалпоғистон тонги” газетаси бош муҳаррири Назира Матякупова ва Қорақалпоқ Давлат Университети ўқитувчиси Муборак Отаниёзовалар ҳакамлик қилишди.

Саралаш босқичида фаол қатнашган ўқувчи-қизлар  Қорақалпоғистон Pеспубликаси Вазирлар Кенгаши Pаисининг ўринбосари, Хотин-қизлар қўмитаси раиси, Зулфия номидаги Давлат мукофоти ҳудудий комиссияси раиси Зуҳра Ибрагимова томонидан  ташаккурнома билан тақдирландилар.

Саралаш босқичи юқори кайфият ва кўтаранки руҳда ўтказилди.

Хосият Айтбоева.